«Քաղաքացիական պայմանագիրը» չի մասնակցի սահմանադրության փոփոխությունների կեղծ գործընթացին

16/07/2015 schedule13:40

«Քաղաքացիական պայմանագիր» կուսակցության մամուլի խոսնակ Ալեն Սիմոնյանը մեզ հետ զրույցում հայտարարեց, որ սահմանադրական փոփոխությունների շուրջ իրենց դիրքորոշումը նույնն է: «Մեզ համար դա կեղծ օրակարգ է, քանզի մեզ համար տարբերություն չկա, թե ով որ պաշտոնում կլինի, Գալուստ Սահակյանը ինչ կլինի, Հովիկ Աբրահամյանը ինչ կլինի, Սերժ Սարգսյանը որտեղ կպաշտոնավարի: Մենք խոստացել ենք, որ մարդկանց պարտության չենք ուզում տանել եւ մենք սահմանադրական այդ գործընթացով չենք ուզում զբաղվել, մենք զբաղվում ենք ինստիտուցիոնալ ընդդիմության կառուցմամբ, որպեսզի գնանք ընտրությունների եւ ընտրություններով իշխանափոխություն անենք` ամբողջական, այլ ոչ թե հատվածային»:

-  Պարոն Սիմոնյան, բայց առաջարկ է եղել «Ոչ»-ի ճակատ ձեւավորել եւ հանրաքվեն վերածել Սերժ Սարգսյանի անվստահության գործընթացի: Հնարավո՞ր է, դուք այս հարցով համագործակցեք:

-  Մենք մեր պատմության ընթացքում այդ դառը փորձը ունենք. երբ դու «Ոչ» ես ասում, ինչ-որ ձեւով դառնում ես այդ գործընթացի, այդ օրակարգի մասնակից, թեկուզ բացասական կողմից, դա այնուամենայնիվ, այդ օրակարգին ուժ եւ եռանդ է փոխանցում: Մենք չենք ուզում ընդհանրապես իրենց առաջ բերած օրակարգի մեջ մտնել: Հիմա պարզ է չէ՞, որ իշխանությունը իր առաջարկով փորձում է օրակարգ ձեւավորել եւ շեղել գալիք ընտրություններից: Մենք չենք ուզում շեղվել ընտրություններից, մենք պատրաստվում ենք ընտրություններին: Մենք պատրաստվում ենք գնալ եւ իշխանությունը փոխել: Կփոխենք դա պառլամենտական երկրում, թե նախագահական երկրում, կստացվի 50 տոկոսով, 60 տոկոսով, թե ընդհանրապես չի ստացվի, այդ հարցը ոչ մի կապ չունի սահմանադրական փոփոխությունների հետ: Այսինքն, անկախ նրանից, այդ սահմանադրական փոփոխությունները կանցնեն, չեն անցնի, մեր օրակարգը դրանից չի փոխվում, մենք գնում ենք ինստիտուցիոնալ ընդդիմություն կառուցելու, այդ ընդդիմությունը հակադրելու գործող համակարգին եւ մենք այս օրակարգից չենք շեղվելու: Հիմա այդ համակարգում Սերժ Սարգսյանը կլինի վարչապետ, նախագահ, թե ԱԺ նախագահ, դա իրենց խնդիրն է: Բայց, մյուս կողմից՝ եթե  կլինի կոնկրետ հարցեր լուծելու կոնկրետ առաջարկ,  հասկանալի ծրագիր՝ այլ ոչ թե ցանկություններ, էմոցիոնալ պոռթկումներ, մենք միշտ պատրաստ ենք քննարկել կոնկրետ առաջարկները` ոնց ենք անում, ինչ ենք անում:

-  Ոչ իշխանական հատվածի առաջարկների մասին է խոսքը, ենթադրվում է:

-  Այո, բնականաբար, իշխանական հատվածի հետ ընդհանրապես խոսելու բան չկա: Դա նույնիսկ քննարկվել չի կարող: Իսկ մյուս կողմից կոնկրետ առաջարկ կլինի, կքննարկենք, բայց նորից ժողովրդին պարտության տանել, «հանրահավաքային շարք անել տուն ուղարկել» եւ կրկին անգամ հայտարարել` այս իշխանությունը վատն է, նորից կեղծեց, մենք նման գործընթաց չենք առաջնորդելու, չենք մասնակցելու նման գործընթացի: Մենք պատրաստ ենք քննարկել միայն կոնկրետ առաջարկ: Մեզ համար այլ օրակարգ չկա: Բնական է, եթե երկրում ինչ-որ բաներ տեղի կունենան, մենք կմասնակցենք, որեւէ մեկը չի կարող ասել, որ մենք զերծ ենք մնացել որեւէ գործընթացից:

-  Տեսակետ կա, որ եթե քաղաքական ուժերը չմասնակցեն սահմանադրական քննարկումներին, մարգինալացվելու են:

-  Իսկ ո՞վ է նման բան ասում, չեմ կարծում, որ արդի քաղաքական ուժերն են եւ այսօր թելադրող քաղաքական ուժերը: Մարգինալներ են համարվում այն մարդիկ, ովքեր կեղծ սուպերլիդերներ են հնարում եւ մարդկանց պարտության են տանում: 

Տպել
2930 դիտում

Մեր հետագա քայլերի մասին վաղը կտեղեկացնենք. Իվետա Տոնոյան

Սա քաղաքական պատվեր է, Աստծո առաջ եմ ասում, պատասխան են տալու. Գագիկ Ծառուկյան

Ուկրաինայում ռազմական ինքնաթիռ է կործանվել. զոհվել է 18 մարդ, կան ողջ մնացածներ (տեսանյութ)

Գագիկ Ծառուկյանը կկալանավորվի. դատարանը հրապարակեց որոշումը

30 տարվա դադարից հետո կրկին եթերում է սիրված ու սպասված «Հեռուստաթատրոնը». ինչ փոփոխություններ են արվել ձեւաչափում

Փարիզում հարձակում է եղել լրատվամիջոցի աշխատակիցների վրա. 4 դանակահարված, 7 ձերբակալված կա

Տավուշի մարզպետ Հայկ Չոբանյանը և Կարմիր խաչի ներկայացուցիչները քննարկել են իրականացվող ծրագրերը

Տիգրան Ուլիխանյանը հաստատել է ՊՎԾ պետի պաշտոնակատար նշանակվելու մասին տեղեկությունը

Վերին Պտղնիում լայն թափով ընթանում են մանկապարտեզի շենքի կառուցման աշխատանքները

Հունաստանը կարող է Թուրքիայի ապօրինի գործողությունների հարցով դիմել Հաագայի միջազգային դատարան

Նորավանում ավարտվել են ունիվերսալ խաղահրապարակի կառուցման աշխատանքները

Հաստատություններից ընտանիք վերադարձած երեխաների իրավունքների պաշտպանության վիճակի մշտադիտարկումն անհրաժեշտություն է. ՄԻՊ

Վերանորոգվել է Արաքսավանի դպրոցի նախակրթարանը

Չհայտարարված այց ԱՀ ոստիկանության քրեակատարողական վարչությունում

Թուրքիան փորձում է պատգամավորական անձեռնմխելիությունից զրկել Գարո Փայլանին, և ևս 6 անձի

Փաստաբանների պալատի նախագահը դատի է տվել Առողջապահության նախարարին

Գյուղական կյանքի և ավանդույթների 7-րդ փառատոնին կմասնակցեն շուրջ 100 օրգանական և բնական գյուղմթերք արտադրողներ

Արծվանիստում անասնակեր է այրվել

Ծովագյուղի աղմկահարույց ծեծկռտուքի գործով ձերբակալված կա

Թուրքիան վիժեցնում է տարածաշրջանում խաղաղություն և կայունություն հաստատելու ջանքերը. վարչապետ