«Ժառանգություն»-ը՝ «ոչ»-ի ճակատում. Րաֆֆի Հովհաննիսյանը հանդիպել է Ժիրայր Սեֆիլյանին

05/09/2015 schedule08:00

«Ժառանգություն» կուսակցության նախագահ Րաֆֆի Հովհաննիսյանը, երեկ «Հայացք» մամուլի ակումբում լրագրողների հետ զրույցում ներկայացրեց «Ժառանգության» պաշտոնական դիրքորոշումը՝ սահմանադրական փոփոխությունների հարցում:

Հովհաննիսյանը հայտարարեց, որ սահմանադրական փոփոխությունները նպատակ ունեն ոչ միայն «մեկ անձի իշխանությունը երկարաձգելու այլ նաեւ կուսակցապետություն կերտելու»: «Այս գործողությունը նեոբոլշեւիկյան նպատակ ունի եւ «Ժառանգություն»-ը դեմ է: Մենք ներկայացրինք առաջարկներ, որով կարելի էր դարբնել ընդհանուր դաշտ: Մեր այդ փաթեթը չընդունվեց, փոփոխությունների հետին նպատակը ակնհայտ է ժողովրդի համար»,-հայտարարեց Հովհաննիսյանը՝ ընդգծելով, որ ժողովրդին փորձում են մեկ կուսակցության ստրուկ դարձնել, ինչն անընդունելի է: Անդրադառնալով սահմանադրության նախագծի վիճահարույց դրույթներին՝ «Ժառանգության» ղեկավարը նշեց. «Հենց կայուն մեծամասնության եւ երկրորդ փուլի դրույթը հնարավորություն է ինքնին, որ ոչ միայն ընտրված պատգամավորեր կարող են զրկվել մանդատից այլ մեր երկիրը ունենալու է գերակշիռ կուսակցությունը: Այս փաստաթղթով որեւէ փոփոխություն չի լինելու մեր պետական որակի մեջ....ինքնիշխանությունն ու տարածքային ամբողջականությունը անեբեկանելի արժեքներ են, որոնք արձանագրված են ոչ միայն գործող սահմանադրությունում, այլ նաեւ միջազգային կոնվենցիաներում եւ բնավ կարիք չկա ասելու, որ դա կարող է փոփոխվել»:

Անդրադառնալով սահմանադրական փոփոխությունների դեմ պայքարին՝ Հովհաննիսյանն ասաց, որ «կոնսոլիդացիան պետք է կայանա» ու դրա արդյունքում պետք է ձեւավորվի նոր, ժամանակավոր իշխանություն, որը կկարողանա կազմակերպել առաջին ժողովրդավարական ընտրությունները. «Կուսակցական, հատվածական դրոշակները պետք է իջեցվեն եւ մենք պետք է ունենանք միացյալ պայքար՝ հանուն Հայաստանի: Կարող է դրա ձեւակերպումը լինել «ոչ», բայց դա իսկապես «այո» է. «այո՛» հանուն Հայաստանի»,-ասաց Հովհաննիսյանը: Մեր հարցին, թե ի՞նչ ուժերի հետ են խորհրդակցում «ոչ»-ի ճակատի ձեւավորման հարցում, Հովհաննիսյանն արձագանքեց.  «Տարբեր քաղաքացիական նախաձեռնություններ այցելել են մեր գրասենյակ եւ մենք քննարկումներ կատարել ենք: Ես հանդիպել եմ Ժիրայր Սեֆիլյանի հետ եւ այսօրվանից սկսած մենք պիտի դիմենք նաեւ այլ ուժերի՝ համակարգելու համար այս շատ կարեւոր խնդիրը»: Նրա խոսքով՝ «ընդհանուր մոտեցումների հեռանկար կա», իսկ իշխանությունները սահմանադրական փոփոխությունների հարցում շատ «սահուն» են ու «պրոֆեսիոնալ»:

Մեր մյուս հարցին, թե ինչպե՞ս են պատրաստվում ու ի՞նչ քայլերի միջոցով են պատրաստվում տապալել սահմանադրական փոփոխությունները, «Ժառանգության» ղեկավարն ասաց. «Ես կարծում եմ, որ Հայաստանի բոլոր բնակավայրերում՝ մայրաքաղաքից մինչեւ մարզկենտրոններ, ամեն տեղ պետք է աշխատենք մեր համաքաղաքացիների հետ, ներկայացնենք այս փոփոխությունների նպատակը ու ներքուստ կանխարգելվի հերթական կեղծված ընտրությունը: Պետք է կարողանանք թե՛ հրապարակներում, թե՛ դահլիճներում, իսկ եթե հասնի քվեարկության օրը՝ նաեւ հենց այդ օրը «կուրծք տալ», թույլ չտալ ընտրակեղծիքը»:

Հովհաննիսյանը երեկ անդրադարձավ նաեւ «Ժառանգություն»-ում առկա լարված մթնոլորտին՝ հայտարարելով, որ ինքը ասուլիսի ժամանակ ներկայացնում է կուսակցության պաշտոնական դիրքորոշումը ու ով այլ տեսակետ կհայտնի, դա չի համարվի «Ժառանգության» դիրքորոշումը, այլ կհամարվի անձնական կարծիք. ««Ժառանգություն»-ը կարգապահական խնդիրներ միշտ ունեցել է եւ բոլոր կուսակցությունները ունեն: Մեր տարբերությունը ուրիշներից այն է, որ մերը հասարակության աչքի առաջ է ու մենք բացախոս ենք: Մենք եղել ենք ազատ խոսող»,-նշեց նա:Հարցին, թե ինչպե՞ս է գնահատում սահմանադրական փոփոխությունների հարցում ԲՀԿ դիրքորոշման փոփոխությունը, Հովհաննիսյանն ասաց, որ եղել է դիրքորոշման փոփոխություն, սակայն տվյալ կուսակցության ներսում «ավելի մեծ փոփոխություն էլ է եղել». «Ամիսներ առաջ էր, երբ կար միասնական պայքար եւ կոնկրետ դիրքորոշում կար այս հարցում: Ոմանց մոտ տեսակետը փոխվում է, ոմանց մոտ՝ ոչ»,-եզրափակեց Հովհաննիսյանը: 

Տպել
1112 դիտում

Միքայել Վարդանյանը 43 մլն դրամի մարզասարքեր է նվիրել ռազմական երկու համալսարաններին (տեսանյութ)

Ճիշտ ժամանակն է. ամերիկացի փորձագետները՝ Հայաստանում անցումային արդարադատության ներդրման մասին

Միացումը համազգային գերակա նպատակն է. Արցախի քաղաքական ուժերի հայտարարությունը

Ապրիլին՝ մարտի համեմատ, ՀՀ պետական պարտքը նվազել է 34 մլն 800 հազար դոլարով

Հայտարարություն մրցույթի մասին

ՀՀ վարչապետի որոշմամբ Գրիգոր Մուրադյանն ազատվել է վարչապետի խորհրդականի պաշտոնից

Գյումրու ծննդատան ճակատագիրն անորոշ է

Շախմատի տանն անցկացվեց ԱԻՆ փրկարար ծառայության շախմատի առաջնություն

Կառավարությունում քննարկվել են ընտանիքի ապահովության գնահատման համակարգի բարեփոխման հարցեր

Վանաձորի բժշկական կենտրոնի տնօրենի մրցույթը կայացել է. ով է նոր տնօրենը

Չկատարած սպանության համար բանտում 46 տարի անցկացրած քաղաքացուն 1,5 մլն դոլար փոխհատուցում կտան

«Համայնքապետն ինձ պատկանող տարածքում պուրակ է կառուցում». Իջեւանի ավագանու անդամ

Երեւանի քաղաքապետարանի 128 թափուր պաշտոնների մրցույթին մասնակցելու համար դիմել է շուրջ 2 600 մարդ

Տ. Խաչիկյանն ընդունել է հակակոռուպցիոն ռազմավարության և մոնիթորինգի փորձագետ Մեթյու Մյուրեյին

ԱՄՆ փորձագետը այս գիշեր Հայաստան է ուղեւորվում՝ օգնելու մշակել «անցումային արդարադատության» ծրագիրը

ԵԽ Նախարարների կոմիտեն հրապարակել է ՄԻԵԴ վճռի վերաբերյալ Մարդու իրավունքների պաշտպանի հատուկ դիրքորոշումը

Գավառում տեղացած կարկուտից 6 ժամ անց դեռ այս պատկերն է (լուսանկարներ)

Փարիզում բացվել է Շառլ Ազնավուրին նվիրված հուշատախտակը

Անեծքներով չխոսել. հուշեր սերժանտական ծառայության մասին

ՍԴ որոշումը ՀՀ քաղաքացիների համար չէ