«Օֆելյա». հայ երգի լեգենդի մասին ֆիլմ է նկարահանվում

09/09/2015 schedule15:10

ՀՀ ժողովրդական արտիստուհի, «հայ երգի կռունկ» ժողովրդական տիտղոսին արժանացած Օֆելյա Համբարձումյանի մասին ֆիլմ է նկարահանվում: Այն շուտով կներկայացվի հանդիսատեսի դատին:

Ֆիլմի ռեժիսորն ու պրոդյուսերը Հայկ Վարդանյանն է, գծային պրոդյուսերը՝ ՏԿԱԻՆ Հիդրոմետ ծառայության օդերեւութաբանական կենտրոնի պետի տեղակալ Գագիկ Սուրենյանը:

Ֆիլմը կոչվում է «Օֆելյա»: «Վերնագրի շուրջ շատ ենք մտածել, երկար քննարկել ենք: Հետո արձանագրեցինք, որ Հայաստանում կան անուններ, որոնք առանց ազգանունը հնչեցնելու էլ ամեն ինչ ասում են: Եթե ասում են՝ Մետաքսյա, նկատի ունեն Մետաքսյա Սիմոնյանին, եւ Օֆելյա ասելով՝ բոլորը պատկերացնում են հենց Օֆելյա Համբարձումյանին: Այսինքն անունն իր մեջ ամբողջացնում է իր ամբողջ կերպարը»,-մեզ հետ զրույցում ասաց ռեժիսոր Հայկ Վարդանյանը:

Ֆիլմը նկարահանվում է արդեն երեք տարի: Նկարահանումները սկսվել են 2013 թվականին եւ ավարտվել վերջերս: «Մտահղացումն առաջացավ այն բանից հետո, երբ արխիվներն ուսումնասիրելով պարզեցինք, որ Օֆելյա Կարպովնայի մասին ֆիլմ գոյություն չունի: Միայն ֆիլմ-համերգներ են, որտեղ ոչ մի անդրադարձ չկա նրա կյանքին: Խնդրեցի Գագիկ Սուրենյանին, որպեսզի ինձ ծանոթացնի Օֆելյա Կարպովնային: Մեծ դժվարությամբ համոզեցինք երգչուհուն, որպեսզի իր համաձայնությունը տա: Նա ասաց, որ ես երիտասարդ եմ, փորձս քիչ է, բայց ամենակարեւորն այն է, որ ես սիրում եմ իր արվեստը, իրեն որպես մարդ: «Եթե իմ արվեստը սիրում ես, ապա ֆիլմը չի կարող վատ ստացվել»՝ ասաց երգչուհին: Բոլորս նրան ճանաչում ենք որպես երգչուհի, որպես մեծություն՝ հայ արվեստում: Ֆիլմում փորձել ենք ներկայացնել նաեւ նրա անմիջական մարդկային կերպարը, նրա կյանքի փիլիսոփայությունը»,-ֆիլմի ստեղծման նախապատմություն համառոտ ներկայացրեց Հայկ Վարդանյանը:

Նկարահանումները տեղի են ունեցել Օֆելյա Համբարձումյանի Ուշիի առանձնատանը, Գեղարդում, Աշտարակի ձորում, Մոսկվայում, Դիլիջանում եւ այլ վայրերում: Հայկ Վարդանյանն ընդգծեց, որ ֆիլմը ոչ թե հեռուստատեսային է, այլ՝ վավերագրական:

Մեր հարցին, թե հանդիսատեսին ինչ անակնկալ է սպասվում, Հայկ Վարդանյանը պատասխանեց.«Օֆելյա Կարպովնային հանդիսատեսը տեսնելու է ուրիշ կերպ, լրիվ ուրիշ խոսքով, ազատ, բաց: Օֆելյա Կարպովնան միշտ ասում է, որ ինքը խոսել դժվարանում է, իր խոսքը երգն է: Բայց մենք կարողացանք հասնել նրան, որ նա ֆիլմում ազատ խոսում է անգամ իր անձնական թեմաներով, օրինակ բերեմ խանդի թեման: Անվանի երգչուհին իր անձնական թեմաները միշտ փակ է պահում եւ այդ մասին երբեք չի խոսել: Ֆիլմը մենք կարողացանք ստեղծել է մտերմության ու ջերմության մթնոլորտում»:

Ֆիլմի տեւողությունը 55 րոպե է: Արդեն սեպտեմբերի վերջին կամ հոկտեմբերի սկզբին Երեւանում տեղի կունենա պրեմիերան, այնուհետեւ ցուցադրություններ կլինեն Սփյուռքում: Հայկ Վարդանյանն ասաց, որ ֆիլմը նկարահանվել է զուտ իր անձնական միջոցներով, ընկերների եւ ընտանիքի աջակցությամբ, որեւէ հովանավորություն որեւէ մեկից չի խնդրել, եւ իրեն առաջ մղողը եղել է երգչուհու արվեստի նկատմամբ մեծ սերը:

«Օֆելյա» ֆիլմի օպերատորը Տարոն Պետրոսյանն է, սցենարիստը՝ Մայա Ավագյանը:

Հավելենք, որ Օֆելյա Համբարձումյանը ֆենոմենալ հաջողություններ է արձանագրել հայ երգարվեստում եւ արդեն 34 տարեկանում ստացել ՀՀ ժողովրդական արտիստուհու կոչումը: Նրա երգացանկն ընդգրկում է հիմնականում հայ ժողովրդական, գուսանական եւ աշուղական, ինչպես նաեւ կոմպոզիտորական երգեր։ Երգչուհու ստեղծագործության մեջ առաջնային տեղ են գրավել Սայաթ-Նովայի ստեղծագործությունները: Կատարել է նաեւ Ֆարհադի, Միսկին Բուրջիի, Ջիվանու եւ Շերամի երգերը: Հենց նա էր գուսաններ Աշոտի, Շահենի եւ Հավասու ստեղծագործություններից շատերի առաջին կատարողը:

Օֆելյա Համբարձումյանը 2011 թվականին հայ երգարվեստում ունեցած մեծագույն ծառայությունների համար արժանացել է Սուրբ Մեսրոպ Մաշտոց շքանշանի:

Ի դեպ, վերջերս ժողովրդական արտիստուհու երկրպագուների կողմից ստեղծվել է Օֆելյա Համբարձումյանի ֆեյսբուքյան էջը

Տպել
2308 դիտում

Երևան-Մեղրի ավտոճանապարհին մոտ 200 ավտոմեքենա է արգելափակվել ձյան մեջ

Կայանալու է Հայաստանի Թաեքվոնդոյի առաջնությունը. կընտրվի ՀԹՖ-ի նախագահ ու կփոխվի կազմը

Ժողովրդի թիկունքում ստվերային պայմանավորվածություններ են եղել

Աշխատանքային ստաժ չունեցող քաղաքացիների կենսաթոշակը կբարձրանա. հանձնաժողովը կողմ է օրինագծին

Գեղահովիտում վրաերթի է ենթարկվել 15-ամյա մի տղա. հիվանդանոցի ճանապարհին նա մահացել է. shamshyan.com

Երկիրը խորը փոփոխություն է ապրում. ԵԽԽՎ համազեկուցողները ողջունում են Հայաստանում բարեփոխումները

Փոխնախարար Տիգրան Արզումանյանն ազատվել է զբաղեցրած պաշտոնից

Հայաստանում կարմրուկի առումով իրավիճակը կայուն է, բայց պետք է պատվաստվել. նախարար

Շահագրգիռ բոլոր խմբերին, պրոֆեսիոնալներին հրավիրում եմ համագործակցության. Հակոբ Արշակյան

Թրամփը ստորագրել է Գոլանի բարձունքներն իսրայելական տարածք ճանաչելու մասին հռչակագիրը

Ամենայն Հայոց Կաթողիկոսը մեկնել է Մոսկվա

«Դատապարտյալների հիվանդանոց»-ում գտնվող կալանավորի խափանման միջոցը հնարավոր է փոխվի

Հայտարարություն մրցույթի մասին

Տնտեսական բարենպաստ իրավիճակը կնպաստի ԶՈՒ-ում առկա հարցերի լուծմանը. վարչապետը՝ ԶՈՒ ղեկավար կազմին

Սահմանադրական դատարանի անդամի ընտրությունը հարթ կանցնի՞․ պլան՝ ընդդեմ Վահե Գրիգորյանի

ԵԽ Մարդու իրավունքների տնօրենն արժեքավոր է համարել Մարդու իրավունքների պաշտպանի փորձը

Լեւոն Հակոբյանը նշանակվել է առողջապահության նախարարի տեղակալ

Ամեն ինչ կանենք Ֆինլանդիայի դեմ խաղում լավ արդյունք գրանցելու համար. Գյուլբուդաղյանց

Վալերի Օսիպյանը հերթական անգամ դիրքեր է ճանապարհել ոստիկան-սահմանապահների (լուսանկարներ)

Հայտարարություն մրցույթի մասին