ՕԵԿ-ը չի լուծարվելու, բայց նոր կուսակցություն կգրանցի. Բիշարյան

10/09/2015 schedule13:30

«Օրինաց երկիր» կուսակցության փոխնախագահ, ԱԺ ՕԵ խմբակցության ղեկավար Հեղինե Բիշարյանը երեկ մեզ հետ զրույցում հայտարարել է, թե այն խոսակցությունները, որ ՕԵԿ նախագահ Արթուր Բաղդասարյանի ստեղծած «Հայկական վերածնունդ» միավորի անդամ հ/կ-ներն ու կուսակցությունները իրականում գոյություն չունեն, քաղաքական նախանձի եւ բամբասանքի հետեւանք են:

 - Տիկին Բիշարյան, նախօրեին Գյումրիում հայտարարություն է հնչել, որ ՕԵԿ-ը ոչ թե իր անունով է մասնակցելու 2017-ի ԱԺ ընտրություններին, այլ «Հայկական վերածնունդի», այսինքն, ՕԵԿ-ը լուծարվո՞ւմ է:

- Դեռեւս նման մոտեցման մասին վաղ է խոսելը, ՕԵԿ-ը չի լուծարվելու, մնալու է որպես կուսակցություն, բայց մենք դեռ չենք քննարկել, թե ինչ ձեւաչափով պետք է մասնակցենք առաջիկա ընտրություններին: Այն, որ «Հայկական վերածնունդը» պետք է քաղաքական միավոր դառնա, միանշանակ է, իսկ ընտրությունների մասնակցության ձեւաչափը դեռ քննարկման առարկա է «Հայկական վերածնունդում»:

- Այսինքն, «Հայկական վերածնունդը» գրանցվելու է որպես կուսակցություն:

- Այո, բայց ավելին մեկնաբանել այս պահին տեղին չեմ համարում:

- Նոր կուսակցության բացումը նշանակում է, որ այդ միավորի մեջ ընդգրկված ուժերը պետք է լուծարվե՞ն:

- Թե ապագա ձեւաչափի հետ կապված ինչ կորոշեն «Հայկական վերածնունդի» հասարակական, քաղաքական կառույցները, ինչպիսի ձեւաչափով կմասնակցեն ընտրություններին, դեռ չի քննարկվել: Կքննարկենք, բոլորին կիրազեկենք:

- Բայց այն կուսակցություններն ու հ/կ-ները, որոնք միավորվել են «Հայկական վերածնունդում», իրականում գոյություն չունեն՝ մի մասը մարդ-կուսակցություններ են, մի մասը հայտարարություն է տվել լուծարվելու մասին, մի մասը զրոյական հաշվետվություններ են ներկայացրել: Այդ մասին խոսվում է, այդ մասին նաեւ գրվել է:

- Այն միավորումներից, որոնք համագործակցության համաձայնագիր են ստորագրել, չկա այդպիսի մի կուսակցություն, որը լուծարման կամ զրոյական մակարդակի լինի, նրանք կայացած միավորներ են, թե այդ կուսակցություններում որքան մարդ կա, ես այս պահին չեմ կարող ասել: Դա ավելի շատ քաղաքական նախանձի եւ բամբասանքի մակարդակի է, որովհետեւ բոլոր կուսակցությունների հետ մեր համագործակցությունը հրապարակավ է եղել:

- Նոր ուժի անվան հետ կապված կարծես թե խնդիր կա, սփյուռքում գործող համանուն համահայկական կազմակերպությունը բավական կոշտ հայտարարությամբ էր հանդես եկել, ասում էր, որ այդ անունը գողացված է, դուք չե՞ք վերանայելու կուսակցության անունը:

- Սփյուռքից Փարիզի ինչ-որ կազմակերպության մասնաճյուղի անվանում կա, որեւէ կապ չունի «Հայկական վերածնունդի» հետ: Եվ մենք գտնում ենք, որ եթե սփյուռքի մեր հայրենակիցները ինչ-որ միավորում են ձեւավորել, որի անունը նույնպես «Վերածնունդ» է, եւ եթե մտածում են, որ այո, Հայաստանը պետք է վերածնունդ ապրի, ուրեմն կոչ կանեի այդ կառույցին՝ միանալ մեզ, եթե մտահոգ են Հայաստանի ճակատագրով, մեզ հետ միասին պայքարել:

- Բայց իրենք ասում են, որ դուք այդ անունը վերցրել ենք՝ հատուկ շփոթ ստեղծելու համար, ձեզ մեղադրում են իշխանության հետ համագործակցության մեջ եւ շատ կոպիտ բառերով:

- Ես նախ` չեմ լսել այդպիսի բան, երկրորդը, քաղաքական միավոր չեն, ինչ-որ մարդիկ են, ես էլ իրենց մասին շատ բան կարող եմ ասել, թե իրենց միջոցով ինչեր են արվում Հայաստանում, ովքեր են իրենք եւ ինչ են ուզում անել: Ես էլ քիչ ինֆորմացիա չունեմ: Բայց ես իրենց նման ամպագոռգոռ հայտարարություններ չէի անի, որովհետեւ ամեն արտահայտության համար գլխով պատասխան կտամ: Պատասխանատվության կենթարկենք այն մարդկանց, որոնք կփորձեն մեզ վարկաբեկել կամ որեւէ կեղծ ու վատ արտահայտություններ կանեն մեր հասցեին:

- Իրականում ասվում է, որ դուք մտադիր եք այս նոր կուսակցության անունով մասնակցել խորհրդարանական ընտրություններին, հաշվի առնելով այն հանգամանքը, որ ՕԵԿ-ը վարկաբեկված է:

- Ես ձեր ամբողջ մոտիվացիան հասկացա, որ հստակ քաղաքական պատվեր եք կատարում` հնարավորինս ՕԵԿ-ին վարկաբեկելու, բայց ձեզ պետք է հանգստացնեմ եւ ասեմ, որ ՕԵԿ-ը որպես 18 տարվա քաղաքական միավոր, մասնակցել է բոլոր խորհրդարանական ընտրություններին, ավելին, ՏԻՄ եւ նույնիսկ նախագահական ընտրություններին եւ մշտապես ներկայացված է եղել ԱԺ-ում: Մի՞թե վարկաբեկված քաղաքական ուժը կարող էր այդքան երկար կենսագրություն ունենալ: Ես այդ հարցը տալիս եմ նրանց, ովքեր խոսում են վարկաբեկման մասին: Իսկ այն մարդիկ, ովքեր այդ հարցը հղում են, իրենք նպատակ ունեն վարկաբեկել ՕԵԿ-ին, վարկաբեկել այն քաղաքական ուժին, որը ունի մեծ ներուժ, եւ այսօր էլ կուսակցության նախագահը, գիտակցելով, որ այսպիսի ծանր սոցիալ-տնտեսական, քաղաքական իրավիճակում միայն ՕԵԿ-ը չի կարող որեւէ բան փոխել, կոչ է արել բոլոր քաղաքական, հասարակական միավորներին, որոնք իսկապես մտահոգված են Հայաստանի ապագայով, միանալ, միասին փորձել փոխել երկրի ապագան:

- Իսկ որոշվե՞ց, հիմա դուք սահմանադրական փոփոխությունների «Ոչ»-ի ճակատո՞ւմ եք լինելու, թե՞«Այո»-ի:

- Ես դեռեւս որեւէ ճակատ չեմ տեսնում, ոչ «Ոչ»-ի, ոչ «Այո»-ի: Մեր առաջարկները դեռեւս չեն ընդունվել, իհարկե, մենք չենք պաշտպանելու այս Սահմանադրությունը, եթե այդպես էլ դրանք չընդունվեն: Գործող նախագծով իշխանության ապակենտրոնացման տակ տեղի է ունենում իշխանության գերկենտրոնացում մեկ անձի՝ վարչապետի ձեռքում: Այսինքն, նախագահի այսօրվա լիազորությունները գումարվում են վարչապետի լիազորություններին եւ նոր նախագծով դառնում է ոչ թե խորհրդարանական, այլ վարչապետական կառավարում: Թե ով է լինելու այդ սուպերվարչապետը, որը ե՛ւ կառավարության տնտեսական քաղաքականությունն է ղեկավարելու, ե՛ւ անվտանգությունը, ե՛ւ ամեն ինչ, սա իսկապես անընդունելի է, ավելին, կործանարար է մեր երկրի համար, որովհետեւ ամեն ինչ կախված է լինելու մեկ անձից: Այլ երկրներում, որոնք ունեն խորհրդարանական կառավարում, բոլորովին այլ իրավիճակ է՝ բալանսավորված հակակշիռներով՝ նախագահի, վարչապետի եւ խորհրդարանի միջեւ:

Տպել
3346 դիտում

ՀՀ-ում ԱՄՆ դեսպանատան աջակցությամբ պաշտպանիչ միջոցներ և արյան թթվածնի մոնիթորինգի պուլսօքսիմետրեր են տրամադրվել Շիրակին

Կառավարության նվերը Շիրակի մարզ է հասել. ամենագնացները հատկացվել են մարզի 3 բուժհաստատություններին

Մահացած ծննդկանի հարազատները մեղադրում են բժիշկներին, իսկ ԲԿ-ից հայտնում են՝ գործել են ըստ խիստ ցուցումի, չեն թերացել

Տեղի է ունեցել ոլորտային խորհրդակցություններ Հայաստանի և Արցախի ԱԳՆ կառուցվածքային ստորաբաժանումների միջև

ԱԺ-ն ընդունեց սահմանամերձ համայնքների բնակիչներին աջակցության ժամկետը երկարաձգող նախագիծը

Պետք է ամրապնդել ՀՀ-սփյուռք լրատվական հաղորդակցությունը. Զարեհ Սինանյանը հանդիպել է ԱՄՆ-ի և Կանադայի հայ լրագրողների հետ

Կինոյի միջոցով հանրահռչակել Հայաստանի Հանրապետությունը. քննարկվեց կինեմատոգրաֆիայի ոլորտին առնչվող օրենքների նախագծերը

ԱԳՆ-ն ընտրել է այն ՀԿ-ներին, որոնք ներգրավվել են ՀՀ կայուն զարգացման նպատակների խորհրդում

Զորամասերից մեկում անցկացվել է զորավարժություն՝ մարտական հրաձգությամբ

Լոռիում բախվել են Kamaz-ն ու Vaz 2111-ը. վիրավորներից մեկը 6-ամյա երեխա է (լուսանկարներ)

Վերցրել է օտարերկրացու բջջային հեռախոսն ու դիմել փախուստի. բերման է ենթարկվել Երևանի 18-ամյա բնակիչ (տեսանյութ)

Վազգեն Սարգսյանի անվան ռազմական համալսարանում կոնֆերանս է անցկացվել

Հանդիպել են ՀՀ ԱԳՆ նախարար Զոհրաբ Մնացականյանն ու Շվեդիայի նորանշանակ դեսպան Պատրիկ Սվենսոնը

Վարչապետին ներկայացվել են Տեսչական մարմինների գործունեության հաշվետվությունները. իրականացվել է մոտ 81000 ստուգայց

Նոր չարտերային չվերթներ Մոսկվայից Երևան. ներկայացվել է ժամանակացույցը

Տավուշի մարզային փրկարարական վարչության 20 աշխատակիցներ արժանացել են պարգևների. մեկը՝ «Ծովակալ Իսակով» մեդալի

ՀՀ ոստիկանության պետ Վահե Ղազարյանն ընդունել է Հայաստանում ՌԴ արտակարգ և լիազոր դեսպանին (տեսանյութ)

Լեռնավան համայնքի ավագանու 9 անդամից 5-ը հրաժարականի դիմում է ներկայացրել. ավագանին մեկի տարի առաջ էր ընտրվել

Հայտնի են Հանրային հեռուստաընկերության գործադիր տնօրենի թափուր պաշտոնի թեկնածուների անունները. նրանք 13-ն են

Գեւորգ Լոռեցյանը բերվեց դատարան. առաջին նիստը հետաձգվեց