Եսայանը պատկերացնում է շատերի դեմքը հանրաքվեից հետո

18/09/2015 schedule23:27

«Ապե, մի հատ հիշեք՝ էլ ինչ ա պետք», «չափիդ մեջ մնա ու քո արշինով ուրիշներին մի չափի», «մինչ սահմանադրական հանրաքվեի օրը պետք է ազատվենք Սերժ Սարգսյանից», «այ աղջիկ ջան, ո՞ւմ անունից ես ելույթ ունենում, ինչի՞ ես էդպես ոգեւորվել». մերթընդմերդ հնչող այսպիսի պոռթկումներով այսօր Ազգային ժողովի արտահերթ նիստում շարունակվեցին սահմանադրական փոփոխությունների քննարկումները: Սահմանադրության նոր նախագծի խորհրդարանական քննարկման առաջին արարը այսօր երեկոյան ավարտվեց: Քաղաքական ուժերի դիրքորոշման մեջ, բացի ՕԵԿ-ից, արդեն հստակություն կա: ԲՀԿ-ն պաշտոնապես միացավ ՀՀԿ-ի եւ ՀՅԴ-ի «Այո»-յի ճակատին, ՀԱԿ-ն ու «Ժառանգությունը» «դեմ» են, ՕԵԿ-ն էլ 2 շաբաթից կասի: Սահմանադրության նախագիծը քվեարկության կդրվի հոկտեմբերի 5-ին մեկնարկելիք ԱԺ քառօրյայում:  

ԲՀԿ-ական պատգամավոր Միքայել Մելքումյանը, ելույթ ունենալով խմբակցության անունից, պարզաբանեց, որ իրենք նախկինում ոչ թե դեմ էին բարեփոխումներին, այլ պարզապես կարծում էին, որ ժամանակը չէ: «Հանրապետության նախագահի հետ կոնսուլտացիաների ժամանակ ես ասել եմ՝ ընդդիմադիր գործիչներից շատերը կարծում են, որ եթե հիմա «այո» ասեն, իրենց ռեյտինգը գահավիժելու է: Ավելին՝ ասում են այս քաղաքական գործիչը վերջնական կփչանա: Ո՛չ, հենց քաղաքական գործչի վարկանիշի ամրությունը կայանում է նրանում, որ երբ դու համոզված բան ես ասում, կարողանաս դա մինչեւ վերջ տանես»,- հայտարարեց Մելքումյանը՝ նշելով, որ «կողմ» են փոփոխություններին:

«Ժառանգություն» խմբակցության անունից ելույթ ունեցավ Զարուհի Փոստանջյանը՝ հայտարարելով, որ այս գործընթացի նպատակը ժողովրդին զինաթափելն է, որպեսզի նորից տիրանան իշխանությանը: «Մինչ սահմանադրական հանրաքվեի օրը պետք է ազատվենք Սերժ Սարգսյանից»,- հայտարարեց Փոստանջյանը: Նրա ելույթին ՀՀԿ խմբակցության ղեկավար Վահրամ Բաղդասարյանն այսպես արձագանքեց. «Շատ հետաքրքիր էր մեր խմբակցություններից մեկը, որտեղ 5 անդամներից 4-ը կամ կողմ են, կամ դեմ չեն, բայց նրանցից մեկը ելույթ է ունենում խմբակցության անունից: Ուզում եմ ասեմ՝ այ աղջիկ ջան, ո՞ւմ անունից ես ելույթ ունենում, ինչի՞ ես էդպես ոգեւորվել, այնտեղ նստած են անհատականություններ»: Հիշեցնենք, «Ժառանգություն» խմբակցության ղեկավար Ռուբեն Հակոբյանը երեկ երեկոյան հայտարարություն տարածեց, որ լքում է կուսակությունը եւ վայր է դնում խմբակցության ղեկավարի լիազորությունները: Նա «կողմ» է քվեարկելու նախագծին: Նույն խմբակցության անդամ Ալեքսանդր Արզումանյանն էլ այսօր հայտարարեց, որ «կողմ» է: Խմբակցության քարտուղար Թեւան Պողոսյանն էլ թեեւ հստակ դիրքորոշում չհայտնեց, բայց տոնայնությունը դրական էր: «Ախր, գիտե՞ք ինչի համար եմ ցավ ապրում. ես տեսնում եմ, որ սահմանադրության այս փոփոխված տեքստը տանում է դեպի իմ՝ «նորվեգական Հայաստան» երազը, ես հավատում եմ այս Սահմանադրությանը, ես չեմ հավատում այն ներկայացնող քաղաքական ուժի՝ այսպես արագ արժեքային վերափոխմանը: Կասեք ինչ կապ ունի ով է ներկայացնու՞մ. կասեմ կապ ունի: Հաստատ ունի: Ապացուցեք, որ չեմ սխալվում. ես կոմպլեքսներ չունեմ կանգնելու գործընթացի մեջքին, բայց նախորդ պառլամենտական ընտրություններին մասնակցած մեր քաղաքացիների պես խաբված լինել չեմ ցանկանում:

Ցավոք, առայժմ հավատում եմ միայն Վարդան Պողոսյանին»,- հայտարարեց Թեւան Պողոսյանը: Մի խոսքով, «Ժառանգությունից» կարծես թե միայն Զարուհի Փոստանջյանն է «դեմ» քվեարկելու սահմանադրական փոփոխություններին: 

ՀԱԿ խմբակցության ղեկավար Լեւոն Զուրաբյանը հայտարարեց, որ առողջ առաջարկ ունի անելու՝ հաշվի առնելով, որ իր նախորդ առաջարկը՝ սահմանադրական փոփոխությունների խորհրդարանական քննարկումները հեռարձակել Հ1-ի ուղիղ եթերով, ընդունվեց: «Ես այսօր շատ ավելի առողջ առաջարկ ունեմ, որը նաեւ անմիջապես կբարելավի ամբողջ երկրի առողջությունը։ Առաջարկում եմ ձեզ, հանուն ժողովրդավարության, Սահմանադրությունը փոխելու փոխարեն ամբողջ կազմով, Սերժ Սարգսյանի հետ միասին, հրաժարական տալ, միանգամից բացելով Հայաստանի համար դուռը դեպի ժողովրդավարություն եւ զարգացում»,- ասաց Զուրաբյանը։ Հետո նորից սկսեց բացատրել, թե ինչ է թաքնված սահմանադրական փոփոխությունների հետեւում, այն է՝ Սերժ Սարգսյանի իշխանության վերարտադրություն: Նա կրկին պնդում էր, որ սույն նախագծով ԱԺ նախագահին գերլիազորություններ են տրվում, որ 2018-ին Սերժ Սարգսյանը դառնա ԱԺ նախագահ: Զուրաբյանը ՀՅԴ-ին խորհուրդ տվեց չխոսել Հայաստանի անվտանգության խնդիրներից՝ հայտարարելով, որ սահմանադրական փոփոխությունների կողմնակից այս կուսակցությունը կործանել է Առաջին հանրապետությունը, ընդ որում խորհրդարանական կառավարման համակարգի պայմաններում: Նա կոչ էր անում՝ միանալ «Ոչ»-ի ճակատին՝ հեռացնելու համար Սերժ Սարգսյանի ռեժիմը:  

Ի դեպ, այսօր ՀՀԿ-ական պատգամավոր Մարգարիտ Եսայանը եւս մի ցնցող ելույթ ունեցավ: «Դժգոհ եք, չէ՞, որ մեր կուսակցությունն է ղեկավարում արդեն երկար տարիներ եւ կարծում եք, որ եթե դուք կառավարեք՝ շատ ավելի լավ եք կառավարելու, անսխալ եք կառավարելու, ճիշտ եք կառավարելու: Այս փոփոխությունների նախագիծը այն մասին է, որ այլեւս որեւէ կուսակցություն չկարողանա միանձնյա ղեկավարել երկիրը: Մենք առաջարկում ենք ընդդիմության դերակատարման բարձրացում: Ըստ էության առաջարկում ենք իշխանության փոփոխություն սահմանադրական ճանապարհով. սիրելի ընդդիմադիրներ, սա դուք պետք է անեիք, բայց այս մի գործն էլ մենք ձեր փոխարեն կանենք»,- հայտարարեց Եսայանը: Ընթացքում վրա տվեց Նիկոլ Փաշինյանին. «Հասկանում եմ պաթոսդ՝ ջահել ես, ուզում ես ճամփա անցնել, հավակնություններ ու հաշիվնես ունես, բայց չափիդ մեջ մնա ու քո արշինով ուրիշներին մի չափի»: Հետո էլ անցավ իշխանության վերարտադրության թեմային. «Փաստորեն՝ ոմանք դպրոցում կենսաբանություն եւ մարդու անատոմիա վատ են սերտել ու մոռացել են, թե մարդուն ինչ գործիքներ են պետք վերարտադրվելու համար: Երջանկահիշատակ Վահան Հովհաննիսյանի տոնով հարցնեմ՝ հիշեցի՞ք. ինքը կավելացներ նաեւ՝ ապե»: Եսայանը հայտարարեց, թե աբիժնիկությունը լավ բան չի, վնաս է առողջության համար, ու ասաց, թե պատկերացնում է շատերի դեմքը, երբ Սերժ Սարգսյանը  հանրաքվեից հետո ԱԺ նախագահ չդառնա:

Ի դեպ, իր եզրափակիչ ելույթում Սերժ Սարգսյանի ներկայացուցիչ Վարդան Պողոսյանը հայտարարեց, որ փոփոխությունների նախագծից մասնագիտական հանձնաժողովը հանելու է այն դրույթը, ըստ որի, ԱԺ նախագահն ընտրվում է իր լիազորությունների ամբողջ ժամկետով: «Ես պաշտոնապես հայտարարում եմ, որ հիմա մենք դա հանում ենք, եւ Ազգային ժողովի նախագահը ընտրվելու է պատգամավորների ընդհանուր թվի ձայների մեծամասնությամբ եւ կարող է փոփոխվել, եթե կորցնում է իր վստահությունը Ազգային ժողովում: Մտածեք, թե այս դեպքում ինչ տեսություններ պետք է հորինվի, որպեսզի ապացուցվի այն թեզը, որ ԱԺ նախագահն է ղեկավարելու երկիրը», -ասաց Վարդան Պողոսյանը:

Տպել
2602 դիտում

ԱՄՆ-ը լրացուցիչ պատժամիջոցներ է սահմանել Իրանի հետ կապված մի քանի ընկերությունների համար

«Արդշինբանկը» աննախադեպ ծավալի՝ 300 միլիոն դոլարի եվրոբոնդ է թողարկել, աննախադեպ ցածր 6.5 տոկոսով. վարչապետ

Ժամը 22:40-ի դրությամբ ՀՀ տարածքում կան փակ և դժվարանցանելի ավտոճանապարհներ. 5 մարզում ձյուն է տեղում. ԱԻՆ

Ելիզավետա 2-րդը ստորագրել է Brexit-ի մասին օրենքը. հաջորդ շաբաթ Մեծ Բրիտանիան կլքի ԵՄ-ն

Հայկ Մարությանը գնացել է Մկրտիչ Արզումանյանի ներկայացմանը (լուսանկարներ)

Lexus RX 350-ի վարորդը Երեւանում վրաերթի է ենթարկել հետիոտնին. կինը տեղում մահացել է

Գողություն Ախթալայում. բերման է ենթարկվել նույն գյուղի 57-ամյա մի բնակիչ (տեսանյութ)

Ինձ համար հայտնաբերեցի մեծաքանակ վախեցած երաժիշտների, զգուշավոր արվեստագետների եւ անհաղորդ հայրենակիցների. Հասմիկ Պապյան

Գողացել են Սպանդարյան կայարանի գնացքի ռելսերի ամրակները

«Աստղիկ» ԲԿ-ն նախապատրաստվում է 3-րդ լյարդի փոխպատվաստմանը, պացինետների վիճակը լավ է

Արփինե Հովհաննիսյանը սահմանադրական բարեփոխումների մասնագիտական հանձնաժողովում ընդգրկվելու հայտ է ներկայացրել

Վերանորոգվում է Վարդենիսի Սուրբ Աստվածածին եկեղեցու զանգակատունը, որը 100 տարի եղել է կիսակառույց վիճակում

«Կանաչ ֆինանսավորման գործիքների ընդլայնումը ՀՀ-ում» դրամաշնորհային ծրագրի ֆինանսավորումը հաստատվել է

Նիկոլ Փաշինյանի «Երկրի հակառակ կողմը» կթարգմանվի մակեդոներեն. թարգմանության ցանկում է եւս 15 հեղինակ

2020 թվականին Շիրակի մարզը 2 նոր փրկարարական ջոկատ կունենա

Ալավերդու պղնձաձուլարանի աշխատակիցները բողոքի ցույց են արել. պահանջում են 3 ամսվա աշխատավարձն ու վերջնահաշվարկ

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը

Ակունքում հրդեհ է բռնկվել. դեպքի վայր է մեկնել երկու մարտական հաշվարկ

Զոհրաբ Մնացականյանը հանդիպել է Նիդերլանդների Թագավորության արտաքին գործերի նախարար Ստեֆ Բլոկին. ԱԳՆ

Զինհաշմանդամ մարզիկները Գերմանիայում մասնակցում են անցկացվող ուսումնամարզական հավաքին. ՊՆ