ԲՀԿ-ում շատ մեծ սկանդալ չի լինի Սահմանադրության նախագծի քվեարկության թեմայով

24/09/2015 schedule11:45

Հանրապետական կուսակցության այն կանխատեսումը, թե Ազգային ժողովի հաջորդ քառօրյայում սահմանադրական փոփոխություններին մի ձեռքի մատների վրա հաշված պատգամավորներ «դեմ» կքվեարկեն, մնացած բոլորը՝ «կողմ», կարծես թե չի իրականանալու:

Իրականում, Սահմանադրության նախագծին թերեւս «դեմ» կքվեարկեն երկու ձեռքի մատների վրա հաշված պատգամավորներ:

Ավելի քան մեկ ամիս է անցել այն պահից, երբ ուրվագծվեց, որ «Բարգավաճ Հայաստան» կուսակցությունը կողմ է սահմանադրական փոփոխություններին: Ըստ այդմ՝ սպասվում էր, որ ԱԺ համանուն խմբակցությունում նոր սկանդալ է պայթելու, քանի որ ԲՀԿ-ի պրոքոչարյանական թեւը իր դիրքորոշումը սույն հարցում չի փոխել եւ «դեմ» է քվեարկելու նախագծին, որի հետեւանքով խմբակցությունը կլքեն եւս մի քանի պատգամավորներ:

Ամբողջ խնդիրն այն է, սակայն, որ սահմանադրական փոփոխություններին դեմ ԲՀԿ խմբակցության պատգամավորները վեց հոգի են, որոնցից չորսը «Բարգավաճ Հայաստան» կուսակցության անդամ չեն: Վահե Հովհաննիսյանն ի սկզբանե կուսակցական չի եղել, Ստեփան Մարգարյանը «Հզոր հայրենիք» կուսակցության անդամ է, Վարդան Օսկանյանն էլ ԲՀԿ-ի շուրջ այս տարվա փետրվարի 12-ին տեղի ունեցած սկանդալային իրադարձություններից հետո հրապարակային հայտարարությամբ լքեց կուսակցությունը: Փոփոխություններին դեմ է նաեւ Տիգրան Ուրիխանյանը, որը եւս լքեց ԲՀԿ-ն ու ստեղծեց «Ալյանս» առաջադիմական ցենտրիստական կուսակցությունը: Այսինքն, նրանք կուսակցական որոշմանը ենթարկվելու որեւէ պարտավորվածություն չունեն եւ ազատ են իրենց քվեարկության մեջ: ԲՀԿ խմբակցության «դեմ»-երի մեջ մնում են Էլինար Վարդանյանն ու Հայկ Խաչատրյանը: Էլինար Վարդանյանը առ այս պահը չի հայտարարել՝ իր նախկին դիրքորոշման մեջ փոփոխություն եղե՞լ է, թե՝ ոչ: Եվ միայն Հայկ Խաչատրյանն է «ՀԺ»-ի հետ զրույցում ասել, որ «դեմ» է փոփոխություններին, ավելին, դրանք տապալելու հայտարարություն է արել: Բայց երկու պատգամավորներն էլ արդեն երկու օր է՝ հեռախոսազանգերին համառորեն չեն պատասխանում:

Ուշագրավ է, որ սեպտեմբերի 14-ին մեկնարկած ԱԺ քառօրյայում, երբ քվեարկության դրվեց Սահմանադրության փոփոխությունների նախագծի քննարկումը հատուկ ընթացակարգով ԱԺ օրակարգում ընդգրկելու մասին ԱԺ որոշումը, ՀՀ նախկին արտգործնախարար Վարդան Օսկանյանը, որը միայն վերջին շաբաթների ընթացքում 2 անգամ հանդես եկավ հայտարարությամբ, նշելով մի շարք պատճառներ, թե ինչու է պետք «դեմ» քվեարկել սահմանադրական փոփոխություններին, վերոնշյալ որոշմանը «ձեռնպահ» քվեարկեց: Նույն որոշմանը «ձեռնպահ» քվեարկեց նաեւ Էլինար Վարդանյանը: Ստեփան Մարգարյանն ընդհանրապես նիստին չէր ներկայացել, իսկ Վահե Հովհաննիսյանը «կողմ» քվեարկեց: ԲՀԿ խմբակցությունից միայն Հայկ Խաչատրյանն ու Տիգրան Ուրիխանյանը «դեմ» քվեարկեցին այդ որոշմանը: Թե ինչպես նրանք կքվեարկեն բուն նախագծին, միանշանակ, իհարկե, դժվար է ասել:

Բոլոր վերոնշյալ պատգամավորներն էլ բառիս բուն իմաստով ընդհատակ են անցել եւ ամեն կերպ խուսափում են լրագրողների հետ շփումներից: Բայց այն բոլոր խոսակցություններն ու սպասումները, թե ԲՀԿ-ում նոր սկանդալ է հասունանում կամ նոր սկանդալ է պայթելու, թերեւս խիստ չափազանցված են: Նախագծին պոտենցիալ դեմ ԲՀԿ խմբակցության վեց պատգամավորներից չորսը, ինչպես նշեցինք, կուսակցության անդամ չեն եւ ազատ են իրենց դիրքորոշման մեջ: Կուսակցական որոշմանը չենթարկվելու պարագայում խնդիր կարող է առաջանալ միայն Էլինար Վարդանյանի եւ Հայկ Խաչատրյանի դեպքում: Նրանք էլ Վարդան Օսկանյանի նոր կուսակցության պոտենցիալ անդամներ են եւ ԲՀԿ-ն լքելու կամ ԲՀԿ-ից հեռացվելու դեպքում առանց քաղաքական տանիքի չեն մնա: Ի դեպ, Օսկանյանը չի հասցնում ավարտին հասցնել իր կուսակցության ձեւավորումը մինչեւ սահմանադրական հանրաքվեն եւ պատրաստվելու է 2017-ի ԱԺ ընտրություններին:

Տպել
2472 դիտում

Գորիսի Ավանգարդ թաղամասի ճանապարհներն ու մայթերը հիմնանորգվում են. ուսանողական թաղամասը նոր տեսք կստանա

Վանաձորում պահեստապետը 8 միլիոն դրամի մալուխ է գողացել ու բռնվել

ՀՀ-ում ԱՄՆ դեսպանատան աջակցությամբ պաշտպանիչ միջոցներ և արյան թթվածնի մոնիթորինգի պուլսօքսիմետրեր են տրամադրվել Շիրակին

Կառավարության նվերը Շիրակի մարզ է հասել. ամենագնացները հատկացվել են մարզի 3 բուժհաստատություններին

Մահացած ծննդկանի հարազատները մեղադրում են բժիշկներին, իսկ ԲԿ-ից հայտնում են՝ գործել են ըստ խիստ ցուցումի, չեն թերացել

Տեղի է ունեցել ոլորտային խորհրդակցություններ Հայաստանի և Արցախի ԱԳՆ կառուցվածքային ստորաբաժանումների միջև

ԱԺ-ն ընդունեց սահմանամերձ համայնքների բնակիչներին աջակցության ժամկետը երկարաձգող նախագիծը

Պետք է ամրապնդել ՀՀ-սփյուռք լրատվական հաղորդակցությունը. Զարեհ Սինանյանը հանդիպել է ԱՄՆ-ի և Կանադայի հայ լրագրողների հետ

Կինոյի միջոցով հանրահռչակել Հայաստանի Հանրապետությունը. քննարկվեց կինեմատոգրաֆիայի ոլորտին առնչվող օրենքների նախագծերը

ԱԳՆ-ն ընտրել է այն ՀԿ-ներին, որոնք ներգրավվել են ՀՀ կայուն զարգացման նպատակների խորհրդում

Զորամասերից մեկում անցկացվել է զորավարժություն՝ մարտական հրաձգությամբ

Լոռիում բախվել են Kamaz-ն ու Vaz 2111-ը. վիրավորներից մեկը 6-ամյա երեխա է (լուսանկարներ)

Վերցրել է օտարերկրացու բջջային հեռախոսն ու դիմել փախուստի. բերման է ենթարկվել Երևանի 18-ամյա բնակիչ (տեսանյութ)

Վազգեն Սարգսյանի անվան ռազմական համալսարանում կոնֆերանս է անցկացվել

Հանդիպել են ՀՀ ԱԳՆ նախարար Զոհրաբ Մնացականյանն ու Շվեդիայի նորանշանակ դեսպան Պատրիկ Սվենսոնը

Վարչապետին ներկայացվել են Տեսչական մարմինների գործունեության հաշվետվությունները. իրականացվել է մոտ 81000 ստուգայց

Նոր չարտերային չվերթներ Մոսկվայից Երևան. ներկայացվել է ժամանակացույցը

Տավուշի մարզային փրկարարական վարչության 20 աշխատակիցներ արժանացել են պարգևների. մեկը՝ «Ծովակալ Իսակով» մեդալի

ՀՀ ոստիկանության պետ Վահե Ղազարյանն ընդունել է Հայաստանում ՌԴ արտակարգ և լիազոր դեսպանին (տեսանյութ)

Լեռնավան համայնքի ավագանու 9 անդամից 5-ը հրաժարականի դիմում է ներկայացրել. ավագանին մեկի տարի առաջ էր ընտրվել