Նոր սկանդալ է պայթելու. գործարարը խոստանում է կաշառակեր պաշտոնյայի անուն հնչեցնել

25/09/2015 schedule16:45

Հայտնի գործարար Սիլվա Համբարձումյանը երեկ մեզ հետ զրույցում հայտարարեց, որ առաջիկա օրերին թերեւս ստիպված է լինելու կոռուպցիայի մասին հայտարարությամբ հանդես գալ, որտեղ շոշափվում է շատ բարձրաստիճան պաշտոնյայի անուն:

Երեկ մամուլում տեղեկություններ կային, որ Սիլվա Համբարձումյանին պատկանող «Կալաչ» ընկերությանը պատկանող գույքը հանված է աճուրդի, բայց գնորդ չի ճարվում. անցյալ շաբաթ աճուրդը չի կայացել հայտ չլինելու պատճառով, իսկ կրկնաճուրդը տեղի կունենա հոկտեմբերի 14-ին: Այս ընթացքում «Կալաչը» պարտքեր է կուտակել  «Կարին», «Մանանա Գրեյն», «Թալգրիգ» ընկերություններին, հարկային տեսչությանն ու ՎՏԲ բանկին: «Կալաչը», հիշեցնենք, նախկին «Հայր եւ որդի Երիցյաններ» ընկերությանն էր, որը պատկանում էր Արաբկիրի նախկին թաղապետ Ալբերտ Երիցյանին: Վերջինիս շուրջ տեղի ունեցած սկանդալային պատմություններից հետո, երբ նրա որդուն մեղադրանք առաջադրվեց ֆինանսների ներկայիս նախարար Գագիկ Խաչատրյանի դեմ մահափորձ կազմակերպելու մեջ եւ նա հեռացվեց քաղաքականությունից, Սիլվա Համբարձումյանը գնեց գործարանն ու անվանակոչեց «Կալաչ»: Այն զբաղվում է հացի եւ հրուշակեղենի արտադրությամբ: Սիլվա Համբարձումյանը հանրության լայն շերտերին ավելի հայտնի դարձավ Սյունիքի մարզպետ Սուրիկ Խաչատրյանի սկանդալային արարքից հետո, երբ Լիսկան «Մարիոթ» հյուրանոցի սրճարանում ապտակել էր գործարար տիկնոջը: 

- Տիկին Սիլվա, այսօր տեղեկություններ եղան, որ ձեր գործարանը աճուրդի է հանվել, մեծ պարտքեր ունեք, սնանկանո՞ւմ եք:

- Ոչ մի բան չկա, «Կալաչը» վերսկսում է, վերսկսվել է աշխատել, ոչ մի աճուրդի երբեք չի եղել, ուխտը ինչքան ընկնի, մի իշաբեռ ունի:

- Այդ դեպքում, ըստ ձեզ, ինչո՞վ է պայմանավորված այս լուրերի տարածումը:

- Դե, եղել է դատական նիստ, ՎՏԲ-ին ես պարտք եմ, բայց ՎՏԲ-ն չգիտեմ ինչ թվեր է հաշվել, դատական պրոցեսում է գործը, դատարանի վճռից հետո կորոշվի. ես ինչքան պարտք լինեմ, այդքանը կվճարեմ:

- Այսինքն, դուք վճարունա՞կ եք, որեւէ խնդիր չունե՞ք:

- Այո, ես վճարունակ եմ, պրոբլեմ չունեմ, դրա համար ասում եմ` ուխտը ինչքան ընկնի, մի իշաբեռ ունի:

- Կանգնա՞ծ էր մինչ այս պահը «Կալաչի» գործունեությունը:

- Չէ, երբեք կանգնած չի եղել: «Կարինն» էլ որ ասում են, «Կարինին» ես եմ դատի տալու, որովհետեւ մեկ միլիոն դոլար տվել եմ, լրիվ ուրիշ բաներ է բերել: Հիմա մենք էքսպերտիզայի մեջ ենք, ստուգում ենք, որը ինչին է համապատասխանում, որ ըստ դրա դատական պրոցես սկսենք: «Կարինը» դեռ ինձ մեկ միլիոն դոլար պարտք կտա, եւ եթե ես սնանկանում եմ, թող մյուսները իմ պարտքերը վճարեն` Սուրեն Խաչատրյանը, Վարդան Այվազյանը: Իմ պարտքը որ գումարեմ` այդքանը որ գրել են, մի 20-30 միլիոն էլ չի լինի, բայց ինձ միայն 102 միլիոն դրամ պարտք է Սուրեն Խաչատրյանը, 70 հազար դոլար պարտք է Վարդան Այվազյանը, թող դրանք բոլորը բերեն տան: Ես ուզում եմ մեր հանրապետության ղեկավարությունը, համապատասխան մարմինները, ուժային մարմինները ուշադրություն դարձնեն եւ ստիպեն, որ բերեն, դրանք փակվեն, մենք էլ պետությանը պարտք չենք ունենա:

- Այսինքն, Լիսկան մինչեւ հիմա այդ 102 միլիոնը չի՞ վճարել: Սրա հետ կապված տարիներ առաջ մեծ սկանդալ եղավ: Դուք հայտարարում էիք, որ մարզպետը ձեր ոսկու հանքից 102 մլն արժողությամբ սարք է գողացել, Հատուկ քննչական ծառայությունում գործ հարուցվեց

- Ոչ, չի վճարել, այդպես էլ մնացել է, ոչ ոք չի ուզում ասի` տար, այդ մարդու փողը վերադարձրու: Դատի տվեցի, քննիչը` Անդրանիկ Թումաղանյանը, գտավ, արգելանք դրեց, բայց օրենքը գործո՞ւմ է: Օրենքը չի գործում: Ես շուտով մի ավելի մեծ կաշառքի հայտարարություն եմ անելու պետական պաշտոնյայի մասին, որ այսօր էլ պետական պաշտոնյա է:

- Կարո՞ղ է Վարդան Այվազյանի մասին է խոսքը:

- Ոչ, շատ մեծ գումարի մասին է, ես Վարդան Այվազյանին կաշառք չեմ տվել, հանքի համար փող եմ տվել, չի տվել: Իրենց անունով էր, պետք է ես գնեի, բայց կաշառք չէ:

- Ոսկու հանքի մասի՞ն է խոսքը:

- Հետազոտման, պղնձամոլիբդենային: Սյունիքում է, այն ժամանակ Ջրկապ էր կոչվում: Ես նրան 500 հազար էի տվել, քիչ-քիչ վերադարձրեց, 70 հազարը մնաց, ամեն օր ասում է` գնամ Չինաստան գամ, կտամ, գնամ Վրաստան գամ, կտամ: Իսկ սա շուտով կլսեք, մեծ մամուլի ասուլիս կտամ հաջորդ շաբաթ:

- Նախարարի մասի՞ն է խոսքը:

- Այո, մի նախարար կա, իր մասին է խոսքը, շուտով կլսեք: 

- Կարո՞ղ է Արամայիս Գրիգորյանն է:

- Չէ, ես կասեմ:

- Մեկ էլ Երվանդ Զախարյանն է մնում ձեր ոլորտում:

- Չէ, հեռու եք, կասեմ, կիմանաք:

- Ինտրիգը որոշել եք պահել, մինչեւ հրապարակե՞ք:

- Այո:

- Բայց մինչեւ այդ ի՞նչ է փոխվելու, որ հիմա չեք հրապարակում:

- Կասեմ:

- Վերջերս քաղաքական հայտարարություններ էիք անում, կարո՞ղ է դրա հետ կապ ունի այս ամենը:

- Ոչ, բայց եթե այս հարցերը չլուծվեն, եթե այսպես են վարվում գործարարի հետ, ես կմտնեմ քաղաքականություն:

- Դուք, որպես գործարար, Հայաստանում գործարար միջավայրը, տնտեսական վիճակն ինչպե՞ս եք գնահատում:

- Շատ ծանր, այսքան վատ երբեք չի եղել, անգամ 1992-93-ին:

- Բայց վարչապետը 4.5 տոկոս տնտեսական աճի է սպասում:

- Ոչ մի տնտեսական աճ էլ չի լինելու, այս դոլարի խաղով կարող է իրենք թվեր տան, բայց դա լոկ դոլարի խաղ է:

- Այդ դեպքում հետո լուծում, շտկումներ կարո՞ղ են լինել:

- Շատ ժամանակ է պետք:

- Այսինքն, անհուսալի չէ, այդուամենայնիվ:

- Չէ, իհարկե, անհուսալի չէ, պարզապես երկար ժամանակ է պետք եւ ճիշտ մտածելակերպ, ճիշտ հարկային եւ բանկային դաշտ, բանկերում չեք պատկերացնի` ինչ է կատարվում: Մտեք ցանկացած բանկ, տեսեք` ինչ են անում` ուշացումների համար տոկոսի վրա` տոկոս: Այս հանրապետությունը այսօր այն վիճակում չէ, մարդը եթե բերում է, մայր գումար է փակում եւ տոկոս, բավարարվեք, ի՞նչ եք դրել, չունեցող մարդկանց... ես շշմել էի. այդ աղմուկները 2 բանկում տեսա` ԱԳԲԱ բանկում ու ՎՏԲ-ում: Ասենք, մարդը ուշացրել է, գալիս է տոկոս, տոկոսի վրա տոկոս եւ տույժեր, պատկերացնո՞ւմ եք` ինչ է լինում: Այսինքն, մարդկանց վրա նստում է մի 80 տոկոս տարեկան:

- Դուք երբ հացի գործարանը գնեցիք Ալբերտ Երիցյանից, համեմատության մեջ կարո՞ղ եք ասել` հիմա նույն հզորությա՞մբ է աշխատում:

- Ոչ, նույն հզորությամբ չի աշխատում, մարդ է՞ մնացել Հայաստանում, որ նույն հզորությամբ աշխատի, չէ, տասն անգամ կրճատվել է:

- Այսինքն, մեծ եկամուտ չի լինում, չեք տուժո՞ւմ:

- Մինուս է, ի՞նչ եկամուտ: Հիմա պիտի դնեմ, մարդկանց աշխատանքից ազատեմ, բայց մարդիկ տարիներով նվիրված աշխատել են, ո՞նց ազատեմ: Իմ դրսի բիզնեսի գումարներից եմ աշխատավարձ վճարում:

Տպել
3140 դիտում

Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին

Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Որդիս ինչո՞ւ սպանվեց, բա ես ի՞նչ անեմ հիմա, ասեք. մարտի 1-ի զոհերից Տիգրան Աբգարյանի մայրը՝ դատարանում

Երանի կտայի, որ իմ որդին խփվեր Ղարաբաղում, ոչ թե Հայաստանի կենտրոնում. Վաչագան Ֆարմանյան

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 45 պատգամավոր

Արցախում գնդիկաբեկորային ավիառումբի պայթյունից քաղաքացի է տուժել

Կոնդի Սուրբ Հովհաննես եկեղեցու հետևում 2 մետաղական տնակներ են այրվում (տեսանյութ)

Արտահանման ծավալների նվազումը տագնապահարույց է, բայց կառավարության ջանքերն իրենց երկար սպասեցնել չեն տա․ ֆիննախ

Ի՞նչն էր խանգարում Ռոբերտ Քոչարյանին, մի հատ հրաման արձակեր, ասեր՝ չկրակեք ժողովրդի վրա. Սարգիս Քլոյանի ելույթը

Դեմոկրատներին տված յուրաքանչյուր ձայնը քվե կլինի ծայրահեղ սոցիալիզմին ու ամերիկյան երազանքի ոչնչացմանը. Թրամփ

Սառա Անջարգոլյանը նշանակվել է սփյուռքի գործերի գլխավոր հանձնակատարի գրասենյակի ղեկավար

Հացադուլ հայտարարած Վահե Մելոյանի գիտակցությունը պարզ է, կողմնորոշումը՝ բավարար

Արքայազն Ուիլիամին ուղեկցող ոստիկանը վթարի է ենթարկել 83-ամյա կնոջը. վերջինիս վիճակը ծանր է

2 տարում մեղադրյալի 26-ամյա որդու բանկային հաշիվներին շուրջ 18 մլն դոլարին համարժեք դրամի մուտք է եղել. գլխավոր դատախազ

Պետբյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով․ Բաբկեն Թունյանը՝ ֆինանսների նախարարին

Մանվել Գրիգորյանի հետ առնչվող սրճարանի տարածքի վարձակալը հրաժարվել է 6 մլն դրամ վարձավճար վճարելուց

Անկախությունից հետո առաջին անգամ Իջևան քաղաքում կվերակառուցվի բարձրահարկ շենք. Սիփան Փաշինյան (լուսանկարներ)

ՀՀ պաշտպանության նախարարը մասնակցել է նորակառույց բազմաբնակարան շենքի բացման արարողությանը

ՀՀ-ում կբացվի ոսկու աֆինաժի գործարան, կարտադրվեն բանկային ձուլակտորներ․ ԿԲ նախագահ Արթուր Ջավադյան

Ռուստամ Բադասյանը նշանակվել է արդարադատության նախարար