«Ամենասկզբունքայինները» սահմանադրական փոփոխությունների քվեարկությանը չկային

05/10/2015 schedule23:37

«ՀՀ Սահմանադրության փոփոխությունների նախագիծը հանրաքվեի դնելու վերաբերյալ համաձայնություն տալու մասին» ԱԺ որոշման քվեարկության պատկերը խիստ ուշագրավ էր, թեեւ մեծ հաշվով՝ սպասելի:

Փոփոխություններին արմատական դիրքերից դեմ արտահայտված պատգամավորների մի հատվածը այսօր բացակա էր: ՀՀ նախկին արտգործնախարար Վարդան Օսկանյանը, որը միայն վերջին շաբաթներին 2 անգամ ֆեյսբուքյան գրառում էր արել՝ նշելով մի շարք պատճառներ, թե ինչու է պետք դեմ լինել սահմանադրական փոփոխություններին, ոչ միայն խորհրդարան չէր եկել, այլ նաեւ բառիս բուն իմաստով «թռած» էր ողջ օրվա ընթացքում, ոչ հեռախոսազանգերին էր պատասխանում, ոչ էլ անգամ ֆեյսբուքյան գրառում արեց, թե ինչու չէր եկել՝ իր «ոչ»-ն ասելու:

Խորհրդարան չէին եկել նաեւ ԲՀԿ խմբակցության քոչարյանական թեւի մյուս պատգամավորները՝ Վահե Հովհաննիսյանը, Ստեփան Մարգարյանն ու Էլինար Վարդանյանը: Օրվա ընթացքում Էլինար Վարդանյանը ֆեյսբուքյան իր էջում հետեւյալ գրառումը թողեց. «Սահմանադրական փոփոխությունների վերաբերյալ նախկինում արտահայտած իմ դիրքորոշումը մնում է անփոփոխ»: Իսկ թե ինչու չէր եկել «դեմ» քվեարկելու, այդպես էլ չբացատրեց: Ստեփան Մարգարյանն էլ իրենց վերահսկողության տակ գտնվող կայքին էր փոխանցել, թե Սահմանադրության փոփոխությունների վերաբերյալ իր դիրքորոշումը չի փոխվել՝ կրկին չբացատրելով, թե այդ դեպքում, ինչու չէր եկել «դեմ» քվեարկելու: «Պարոն Մարգարյան, այսօր ԱԺ-ում քվեարկության դրվեց սահմանադրական փոփոխությունների նախագիծը, որին Դուք, փաստորեն, չմասնակցեցիք: Ինչո՞ւ դուք կողմ չէիք այս փոփոխություններին»,- կայքի սույն հարցին Ստեփան Մարգարյանը պատասխանել էր. «Ես բազմիցս հայտարարել եմ, որ երկրում առկա են բազմաթիվ խնդիրներ` տնտեսական, սոցիալական եւ այլ բնույթի: Դրանց լուծումը որեւէ կերպ կապված չէ Սահմանադրության հետ: Այդ իսկ պատճառով ներկայիս Սահմանադրության փոփոխությունների վերաբերյալ իմ դիրքորոշումը չի փոխվել»: Նույն խմբակցության պատգամավոր Հայկ Խաչատրյանը, որը օրերս «ՀԺ»-ին տված հարցազրույցում հայտարարել էր, թե «դեմ» է քվեարկելու Սահմանադրության նախագծին եւ պայքարելու է այդ փոփոխությունների դեմ, նույնպես բացակա էր: Անգամ ԲՀԿ խմբակցության ղեկավար, ԲՀԿ նախագահ Նաիրա Զոհրաբյանը խորհրդարան չէր եկել, թեեւ նա Հայաստանում է: Բացակայում էին նաեւ Գագիկ Ծառուկյանն ու Լյովա Խաչատրյանը: Վերոնշյալ բոլոր այս պատգամավորները կամ անջատել էին իրենց հեռախոսները կամ ընդհանրապես հեռախոսազանգերին չէին պատասխանում: Այսպիսով, 33 հոգանոց ԲՀ կուսակցությունը ներկայացնող խմբակցությունից նախագծին «դեմ» քվեարկեց միայն «Ալյանս» կուսակցության հիմնադիր Տիգրան Ուրիխանյանը:

Բացակաների թվում էր նաեւ վանաձորցի պատգամավոր, «Լուսավոր ապագա» նոր ստեղծվելիք կուսակցության հիմնադիր Էդմոն Մարուքյանը: ԱՊՀ մասնակից պետությունների միջխորհրդարանական վեհաժողովի շրջանակներում ժոգորկու Քենեշի պատգամավորների ընտրություններին դիտորդական առաքելությամբ մասնակցելու նպատակով նա եւ նորաստեղծ «Ալյանս» կուսակցության հիմնադիր Տիգրան Ուրիխանյանը հոկտեմբերի 2-5-ը գործուղվել էին Բիշքեկ: Ուրիխանյանը, սակայն, վերադարձել էր՝ մասնակցելու քվեարկությանը, իսկ Մարուքյանը՝ ոչ:

Այսքանը՝ բացակաների մասով:

ՀԱԿ 7 հոգանոց խմբակցության պատգամավորները «դեմ» քվեարկեցին Սահմանադրության փոփոխությունների նախագիծը հանրաքվեի դնելու վերաբերյալ ԱԺ որոշմանը, բացի ՎՍԴՀԿ ատենապետ Լյուդմիլա Սարգսյանից:

«Ժառանգություն» խմբակցությունից «դեմ» քվեարկեց միայն խմբակցության ղեկավար Զարուհի Փոստանջյանը: Ի դեպ, երբ Մայր օրենքը հանրաքվեի դնելու նախագիծն ընդունվեց 104 կողմ, 10 դեմ եւ 3 ձեռնպահ ձայներով, Փոստանջյանը, որը իրավունք չուներ վարման կարգով հայտարարություն անել, ԱԺ նիստերի դահլիճի մեջտեղում կանգնած, սկսեց ինչ-որ բաներ գոռալ, որը խլանում էր ԱԺ նախագահ Գալուստ Սահակյանի ձայնից: Վերջինս հաջորդ հարցի քննարկմանն անցնելու հայտարարություն էր անում, իսկ արանքում հասկացվեց միայն, որ Փոստանջյանը անհնազանդության եւ փողոց դուրս գալու կոչ էր անում: Օրեր առաջ «Ժառանգություն» կուսակցությունը լքած եւ համանուն խմբակցության ղեկավարի լիազորությունները վայր դրած Ռուբեն Հակոբյանը կողմ քվեարկեց:

Կողմ քվեարկեց նաեւ նույն խմբակցության քարտուղար Թեւան Պողոսյանը, իսկ դահլիճից դուրս գալուց հետո լրագրողներին ասաց, թե փայլուն պատկերացնում է, որ իրեն ե՛ւ կպիտակավորեն, ե՛ւ կվիրավորեն, ե՛ւ կհայհոյեն այս քվեարկության համար, բայց ինքն իր քվեարկությամբ հետեւել է նախընտրական ծրագրերին, որոնք Սահամանդրության փոփոխությամբ, ըստ էության, կյանքի են կոչվում:

«Ազատ դեմոկրատներ» կուսակցության նախագահ Խաչատուր Քոքոբելյանը, որը նստած էր դահլիճում, չմասնակցեց քվեարկությանը, թեեւ մինչ այս ԱԴ-ն հայտարարել էր, որ դեմ է սահմանադրական փոփոխություններին:

Ի դեպ, քվեարկությանը չմասնակցեցին նաեւ դահլիճում գտնվող ՀՀԿ-ականներ Վարդան Այվազյանն ու Լեւոն Մարտիրոսյանը: Վերջինս մեզ ասաց, որ չէր հասցրել քվեարկել, եւ քարտուղարությանը փոխանցել է, որ կողմ է: Այս երկու ՀՀԿ-ականները ուշ էին մտել դահլիճ եւ, ըստ էության, կարելի է ասել, որ նախագիծն ընդունվեց որ թե 104, այլ 106 կողմ ձայներով: 

ՕԵԿ-ում ազատ քվեարկություն էր: Խմբակցության ղեկավար Հեղինե Բիշարյանն ու խմբակցության պատգամավոր Իշխան Խաչատրյանը դեմ քվեարկեցին, իսկ Հովհաննես Մարգարյանը, Մհեր Շահգելդյանն ու Լեւոն Դոխոլյանը՝ «ձեռնպահ»:

ԱԺ-ի կողմից հավանության արժանացած նախագիծը 7 օրվա ընթացքում Գալուստ Սահակյանը կուղարկի Սերժ Սարգսյանին, որն էլ հանրաքվեի օր կնշանակի:

Տպել
2394 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում