ԱԺ-ում թեժ էր. ներկա եւ նախկին իշխանությունները իրար քրեական մեղադրանքներ ներկայացրին

11/11/2015 schedule01:27

Խորհրդարանում երեկ բախվեցին ՀՀԿ-ն ու ՀԱԿ-ը: Նույնականացման քարտերով քվեարկությունը թույլ տալու նախագծի երկրորդ ընթերցմամբ քննարկումը ԱԺ երեկվա արտահերթ նիստում առիթ դարձավ, որ ներկա ու նախկին իշխանության ներկայացուցիչները իրար քրեական մեղադրանքներ ներկայացնեն:

Հիշեցնենք, ՀԱԿ-ը առաջարկել էր դեկտեմբերի 6-ին նշանակված հանրաքվեի ժամանակ կիրառել մատների թանաքոտման մեթոդը, ինչը հարցով հիմնական զեկուցող, ԱԺ պետաիրավական հանձնաժողովի նախագահ Հովհաննես Սահակյանը համարեց հետամնաց քայլ: Նա հայտարարեց, որ ընդունվել է միայն ԲՀԿ-ի եւ ՀՅԴ-ի առաջարկը, ըստ որի, նույնականացման քարտերով հանրաքվեին մասնակցած անձանց անունների դիմաց ընտրացուցակներում պետք է նշվի, որ այդ մարդիկ քվեարկել են ID քարտերով: ՕԵԿ¬-ն ու Ժառանգությունը գրավոր առաջարկ չէին ներկայացրել:

Պետաիրավականի նախագահի հայտարարությանը ՀԱԿ խմբակցության ղեկավար Լեւոն Զուրաբյանը բուռն արձագանքեց: «Դուք ասացիք, որ մատների թանաքոտումը հետադիմական եւ հետամնաց երկրների պրակտիկան է, ես ձեզ մի հարց եմ ուզում տալ. ՀՀ-ի ազատության ինդեքսի կամ ՀՆԱ-ի ցուցանիշը համեմատե՞լ եք աֆրիկյան երկրների հետ: Եթե համեմատեք, կտեսնեք, որ աֆրիկյան բազմաթիվ երկրներ կան, որոնք վաղուց Հայաստանին անցել են: Աֆրիկայում իշխանությունները փոխվում են ընտրություններով, մինչդեռ ՀՀ-ում դա հնարավոր չէ: Դուք համարում եք, որ Հայաստանը առաջադիմակա՞ն պետություն է»: Հովհաննես Սահակյանը պատասխանեց, որ խոսքի ազատության եւ այլ չափանիշներով Հայաստանն, իհարկե, առաջադիմական է եւ առաջընթաց է ապահովել: «Ձեր իշխանությունը հանձնելուց հետո հատկապես»,- ասաց Սահակյանը, հավելելով, որ ընտրակեղծիքների վայրագ դրսեւորումներն իրենք փորձել են մաքրել: «Իհարկե, խնդիրներ կան, կան արջի ծառայություն մատուցողներ, բայց աստիճանաբար մաքրվում են»,- ասաց Սահակյանը:

Զուրաբյանը վերջինիս պատասխանեց իր ելույթի ժամանակ: «Նույնականացման քարտերով առանց համապատասխան վերահսկիչ սարքավորումների քվեարկության օրինականացումը մեր ամբողջ հասարակության կողմից ընկալվել է որպես առաջիկա սահմանադրական հանրաքվեի կեղծմանն ուղղված արտակարգ մի միջոցառում, որը էականորեն խարխլում է հանրաքվեի օրինակարգությունը»,- հայտարարեց Զուրաբյանը։ Ըստ նրա, փոխանակ իշխանություններն ընդառաջ գնային ընդդիմության լեգիտիմ պահանջին եւ փորձեին նվազագույն քայլեր անել ընտրակեղծարարության վերաբերյալ կասկածները փարատելու ուղղությամբ, որոշեցին հարձակում գործել ՀԱԿ-ի վրա, մեղադրելով վերջինիս իննսունական թվականներին կատարած ընտրակեղծարարության համար։ «Նախ, Հանրապետական խմբակցության ղեկավարը այս ամբիոնից խոսեց 1990-ականների ընտրությունների ժամանակ կատարված «այլանդակությունների» մասին, հետո «Ազատություն» ռադիոկայանի բանավեճի ժամանակ Հովհաննես Սահակյանը՝ «վայրագությունների», «անջատված ռուբիլնիկների» եւ այլնի մասին։ Սահմանադրական հանրաքվեի բանավեճների ժամանակ ձեր այդ պարզունակ հնարքին չեմ տրվելու եւ չեմ թողնելու բանավեճի բուն էությունից շեղվել»,- ասաց Զուրաբյանը, հայտարարելով, որ իշխող ուժը, բացի ընտրություններից, նաեւ պատմության դասագրքերն է կեղծում: Նա ասում էր, որ 1995 թ. ԱԺ ընտրություններում, օրինակ, այն ժամանակվա իշխող ուժը՝ ՀՀՇ-ն, ոչ բոլոր տեղամասերում է հաղթել: «Բայց ավելի հետաքրքիր է այն հանգամանքը, որ իշխանության ներկայացուցիչներին այդ վայրագ, բարբարոսական, այլանդակ ընտրություններում հաղթել են այն մարդիկ, որոնք ամենաբարձրն են գոչում ընտրությունների կեղծման մասին՝ Վահրամ Բաղդասարյանը, Խոսրով Հարությունյանը, Ռուբիկ Հակոբյանը, Արտաշես Գեղամյանը, Դավիթ Հարությունյանը, էլ չեմ խոսում այսօրվա իշխանության տարբեր մարմիններում գտնվող մարդկանց մասին, ինչպիսիք են՝ Մանուկ Վարդանյանը, Վիկտոր Դալլաքյանը, Վազգեն Մանուկյանը եւ այլն: Եթե այդքան վայրագ ընտրություններ էին, ո՞նց եք դուք հաղթել իշխանության ներկայացուցիչներին, կամ՝ ընտրակեղծիքների մասին ձեր ասածներն ընդամենը հեքիաթներ են, կամ էլ՝ դրանք կեղծվել են ձեր օգտին: Դուք փաստորեն ինքներդ ձեզ եք մեղադրում ընտրությունների կեղծման համար»,- ասում էր Զուրաբյանը: Նա հայտարարեց նաեւ, որ ՀՀԿ-ն 1995-ից եղել է իշխող կուսակցության հետ դաշինքում եւ հավասարապես կրում է պատասխանատվությունը բոլոր կատարված կեղծիքների կամ հանցագործությունների համար: Զուրաբյանն ասում էր, թե կեղծելով պատմությունը, ՀՀԿ-ն զբաղված է ընդամենը կեղտոտ քաղաքական պրոպագանդայով:

Այս ելույթին արձագանքեց ԱԺ փոխնախագահ Հերմինե Նաղդալյանը. «Մենք ոչ թե ձեր կեղտոտ տեխնոլոգիաներով ենք ընտրվել ու դարձել պատգամավորներ, այլ՝  հակառակ ձեր կողմից կիրառված բոլոր հնարավոր կեղտոտ տեխնոլոգիաների»:

Արտաշես Գեղամյանը հայտարարեց, որ 95-ին ջախջախիչ հաղթանակ է տարել Դավթաշենում՝ ՀՀՇ-ի կողմից երաշխավորված շատ պարկեշտ անձնավորության հանդեպ: «Պարզապես 5 տարիները բավական էին մեր ժողովրդի համար, որ իրենք համոզվեին՝ թեկուզ պոլի փետ լինի, բայց ՀՀՇ-ական, Դավթաշենում դա չստացվեց»:

ՀՀԿ խմբակցության ղեկավար Վահրամ Բաղդասարյանն էլ  վերհիշեց 90-ականների ընտրությունները, 95-ի հանրաքվեն. «1995թ. ԳԽ ընտրություններ. ՀՀՇ-ն ամբողջ ուժով առաջադրանք էր դրել՝ ով ուզում է անցնի, միայն չանցնի Վահրամ Բաղդասարյանը: Թվերը կան, առաջին փուլով 57 տոկոս: Այսինքն, միանշանակ անցնում էի, հետո ասին՝ վերահաշվարկ պետք է արվի, անվավեր ձայներ կան եւ 37 ձայն է պակասում, որ անցնես: Ես երիտասարդ տղա, ոչ վստահված անձ ունեի, ոչ հանձնաժողովի անդամ, ասի՝ ոչինչ, 2-րդ փուլով կանցնեմ: 2-րդ փուլում բաժանեցին 3500 հատ հեռուստացույցի կտրոն, 7000 սառնարանի կտրոն, որոնք լիմիտով հատկացված էին: Երկրաշարժից հետո այդպիսի կտրոններ կային: Բացեցին արկղերը, պարզվեց, որ պարտվել եմ 71 ձայնով»: Հետո պատմեց, թե ինչպես են 91-ի ընտրություններին գիշերվա կեսին իրեն հանել անկողնուց, ու Երեւանից ժամանած պատվիրակությունը հորդորել է, որ հանի թեկնածությունը: «Ասեցի՝ ոչ, չեմ հանի, չեմ կարող, որից հետո հրավիրվում եմ Երեւան՝ ՆԳՆ, որից հետո վարչապետի մոտ: Բոլոր իմ ընկերներին կալանավորում են: Բացում են արկղերը՝ 4970 ձայն Վահրամ Բաղդասարյան, ՀՀՇ ներկայացուցիչ՝ 470 ձայն: Քաղաքապետի ընտրություններ. 96 թվական. Կալանավորեցին ամբողջ ընտանիքս՝ եղբայրներիս: Բնականաբար, հաղթեցի»,- շարունակում էր ՀՀԿ խմբակցության ղեկավարը:

Օրինագծի քննարկումը երեկ ավարտվեց: Այն քվեարկության կդրվի կամ այսօր, կամ եկող շաբաթ, ԱԺ հերթական քառօրյայում:

Տպել
2752 դիտում

Ինչպես են փրկարարներն Արփա գետից դուրս բերում ավտոմեքենան (տեսանյութ)

Դատավորների ընդհանուր ժողովը ՍԴ դատավորի թեկնածու է ընտրել

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում