Վարդան Օսկանյանն ու Արա Աբրահամյանը գլուխ չեն բերում նոր կուսակցություն ստեղծելու գործը

13/11/2015 schedule19:15

Մեծ աղմուկով քաղաքական դաշտում հայտնված լուրը, թե ՀՀ նախկին արտգործնախարար Վարդան Օսկանյանը նոր կուսակցություն է ստեղծում, դուրս է գալիս օրակարգից:

Ինքը՝ Օսկանյանը, համառորեն փորձում է պահել ինտրիգը: Վերջին անգամ լրագրողները նրանից հոկտեմբերի 27-ին են հետաքրքրվել այդ պրոյեկտից: «Ձեզ հետաքրքիր չէ՞, որ ինտրիգը մնա, ուրեմն պետք է սպասել»,- ասել է Օսկանյանը: Արդեն երեկ, երբ զանգահարեցինք նախկին արտգործնախարարին եւ հարցրինք՝ ճի՞շտ է, որ նոր կուսակցություն բացելու մտադրությունից հետ է կանգնել, նա պատասխանեց. «Տեղս հարմար չէ, ուրիշ ժամանակ»:

Հիշեցնենք, փետրվարի 12-ին «Բարգավաճ Հայաստան» կուսակցության շուրջ տեղի ունեցած սկանդալային իրադարձություններից հետո Օսկանյանը լքեց ԲՀԿ-ն: ««Բարգավաճ Հայաստան» կուսակցությանն անդամակցությունս դադարեցնելու իմ որոշման պատճառն այն է, որ կուսակցությունը չկարողացավ իրականացնել հայ ժողովրդի՝ իմ գնահատմամբ՝ բացարձակ մեծամասնության ցանկությունը՝ այս փուլում արմատական փոփոխություններ իրականացնելու եւ երկիրը ոչ միայն ծանր վիճակից դուրս բերելու, այլեւ զարգացման ճիշտ եւ առողջ ճանապարհի վրա դնելու»,- մասնավորապես ասված էր մարտի 5-ին տարածած նրա հայտարարության մեջ: Սրանից կարճ ժամանակ անց լուրեր տարածվեցին, թե նա պատրաստվում է նոր կուսակցություն բացել եւ մասնակցել առաջիկա խորհրդարանական ընտրություններին: Սրան էլ հաջորդեցին քաղաքական դաշտ նետված  տեղեկությունները, թե Օսկանյանի նոր կուսակցության մասին կհայտարարվի սահմանադրական փոփոխությունների վերաբերյալ Ռոբերտ Քոչարյանի հարցազրույցից հետո: Ավելին, քաղաքական շրջանակներում խոսվում էր, որ նոր կուսակցությունը ֆինանսավորելու է Քոչարյանը, եւ այն ակտիվ պայքար է մղելու սահմանադրական փոփոխությունների դեմ: Զուգահեռաբար շարունակ տեղեկություններ էին ստացվում, որ Օսկանյանը հանդիպումներ է ունենում հասարակական կազմակերպությունների ներկայացուցիչների հետ, փորձում է հանրային ընկալում ունեցող անձանց ներգրավել, մի խոսքով, զբաղված է ակտիվ կուսակցաշինությամբ:

Քոչարյանի հարցազրույցն, իհարկե, եղավ, բայց նոր կուսակցությունից «խաբար» չկա եւ չկա ու կարծես թե չի էլ լինելու: Չի բացառվում, որ ՀՀ նախկին արտգործնախարարը այս ընթացքում մի շարք գործոններ է հաշվի առնել: Նախ, առաջիկա խորհրդարանական ընտրություններին ընդամենը 1-1.5 տարի է մնացել, եւ քաղաքական նոր միավոր ստեղծելու նպատակով լուրջ թիմ հավաքելու եւ այդ միավորը կայացնելու համար դա բավական քիչ է: Բացի այդ, Վարդան Օսկանյանը զրկված է պատգամավորական անձեռնմխելիությունից: Հիշեցնենք, 2012 թվականի հոկտեմբերին ՀՀ նախկին գլխավոր դատախազ Աղվան Հովսեփյանը Ազգային ժողովին միջնորդեց Օսկանյանին զրկել պատգամավորական անձեռնմխելիությունից: Խորհրդարանը բավարարեց այդ միջնորդությունը: Օսկանյանը մեղադրվում էր փողերի լվացման մեջ: Ավելի ուշ նախկին արտգործնախարարը «ղազագիր» ստորագրեց, որը գրվել էր Բաղրամյան 26-ում, ու ԱԱԾ-ն գործը փակեց: Չի բացառվում, որ Օսկանյանը հաշվի է առել իր անձեռնմխելիության հարցը՝ կտրուկ շարժումներ անելու համատեքստում: Մի խոսքով, Օսկանյանը չի կարողանում գործը գլուխ բերել:

Երեկ, երբ ԲՀԿ նախագահ Նաիրա Զոհրաբյանին հարցրինք՝ որեւէ տեղեկություն ունի՞ իր երբեմնի կուսակցի նոր կուսակցությունից, նա պատասխանեց. «Ես նորից պնդում եմ այն, ինչ ասել եմ: Ես պարոն Օսկանյանին համարել եւ համարում եմ պարկեշտ անձնավորություն, եւ եթե Վարդան Օսկանյանը մտադրություն ունենա ստեղծել կուսակցություն, ես կլինեմ առաջին մարդկանցից մեկը, որ կիմանամ այդ մասին: Իմ նախորդ պնդումը ուժի մեջ է»: Ձեր ասածից կարելի՞ է ենթադրել, որ չկա նման բան, այսինքն, նրա կուսակցությունը չի բացվելու, հարցին Զոհրաբյանը պատասխանեց. «Ես կարծում եմ, հստակ ասացի, եթե լինի, ես վստահ եմ եւ մեկ րոպե անգամ չեմ կասկածում, որ առաջիններից մեկը ես կիմանամ, որ Վարդան Օսկանյանը մտադիր է բացել կուսակցություն»: 

Ուշագրավ է, որ վերջին շրջանում ձեռնարկված քաղաքական նոր պրոյեկտները հիմնականում չեն կայանում: Արդեն տեղեկություններ կան, որ լուրջ խնդիրներ են ծագել նաեւ Ռուսաստանի հայերի միության նախագահ Արա Աբրահամյանի պրոյեկտի շուրջ: Հայաստանում նոր կուսակցություն հիմնելու մասին Աբրահամյանի հայտարարությունը եւս մեծ աղմուկ բարձրացրեց, բայց սույն ծրագիրը հիմա մեծ կասկածի տակ է: Արդեն իսկ տեղեկություններ կան, որ այդ աղմուկից հետո Աբրահամյանը զուգահեռաբար բանակցություններ է սկսել ՌԴ իշխանությունների հետ Պետդումայի 2016-ի խորհրդարանական ընտրություններում 77-ամյա Արթուր Չիլինգարովի տեղը զբաղեցնելու նպատակով: Կստացվի, թե ոչ, ցույց կտա ժամանակը: Նորություն այս առումով դեռ չկա: Իշխանական շրջանակներում տեղեկություններ կան, որ քննարկվում է նաեւ տարբերակ, որ Արա Աբրահամյանը Հայաստանում իր կուսակցությունը հիմնադրելու փոխարեն 2017-ի խորհրդարանական ընտրություններում ընդամենը ֆինանսավորի Արամ Սարգսյանի ղեկավարած դեմոկրատական կուսակցությունը: Համենայնդեպս, ՀՀ քաղաքական դաշտ մուտք գործելու մասին Աբրահամյանի արած հայտարարությունից հետո բոլոր կողմերից նրա դեմ սկսված դեմարշից հետո Ռուսաստանի հայերի միության նախագահը կարծես հետեւություններ է արել եւ զուգահեռ այլ ծրագրեր էլ է մտմտում: 

Թե ինչ հաջողություն կարձանագրեն քաղաքական դաշտում հայտ ներկայացրած մյուս նորաստեղծ միավորները, դեռ շատ հստակ չի երեւում, թեեւ ուրվագծվում է:

Առաջիկա համապետական ընտրություններից առաջ քաղաքական ուժերի եւ առանձին անձանց դիրքավորումը ակտիվ փուլում է: Շատ բան ավելի հստակ կդառնա դեկտեմբերի 6-ին նշանակված սահմանադրական հանրաքվեից հետո:

Տպել
3262 դիտում

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան