Երևան
27 °C
Ազգային անվտանգության ծառայությունը երեկ հայտարարեց, որ լուսադեմին ձերբակալված խմբի ղեկավարը ՀՀ քաղաքացի, Երեւանի նախկին բնակիչ, արտասահմանում բնակվող Արթուր Վարդանյանն է:
Երեկ մեր թղթակիցը Նորքում ԱԱԾ-ականների կողմից վնասազերծված խմբի վարձակալած տանը դրոշներ է նկատել, որոնց վրա պատկերված առյուծները համապատասխանում են «Հայոց Վահան» ազգայնական գնդի դրոշին: Գնդի ֆեյսբուքյան էջի գլխավոր նկարը հենց այդ դրոշն է: Իսկ գնդի հրամանատարը Արթուր Վարդանյանն է: Սույն էջում նշված է, որ Հայոց Վահանը ստեղծվել է հանուն Քեսաբի պաշտպանության եւ ազատագրման գործին մասնակցության, կազմակերպելով Հայաստանի եւ սփյուռքի երիտասարդության միավորումը եւ մասնակցությունը այդ նվիրական գործին: Էջում տեղադրված է նաեւ տեսանյութ, որտեղ Վարդանյանը հայտարարություն է ընթերցում, որում նշում է. «Հայոց Վահան գունդը հայտարարում է զինված դիմադրություն սկսելու մասին վարձկան ահաբեկիչների դեմ, որոնք հարձակվեցին մեր ազգի դեմ՝ գործադրելով սպանություններ եւ կողոպուտ բնակավայրերի ունեցվածքի նկատմամբ»: 2014 թվականի մայիսի 19-ին ընթերցված այս հայտարարության մեջ Վարդանյանն ասում է, որ իրենց նպատակը հայ ազգի անվտանգության ապահովումն է ամենուր, եւ իրենք դեմ են ամեն կարգի ահաբեկչության: Ֆեյսբուքյան այս էջում տեղադրված է նաեւ «Հարցազրույց՝ Հայոց Վահան շարժման ղեկավար Արթուր Վարդանյանի հետ» վերնագրով մի տեսանյութ, որում Վարդանյանը բողոքում է, որ հայերը միացյալ չեն, ունենք կաշառակեր, անգրագետ մարդիկ, որոնք նստած լափում են, հետո խոսում է 2008 թվականի Մարտի 1-ի դեպքերի մասին: «Երբ որ փամփուշտդ վերջանում է, վերցրու դաշույնդ, եթե դաշույնդ էլ չի աշխատում, քար վերցրու, եթե քարն էլ չի աշխատում, ուրեմն ձեռքերով, եղունգներով փորձիր: Այն մարդիկ, ովքեր կազմակերպեցին, շատ լավ գիտեին՝ ինչ են անում, հենց 2008-ին 120 հազար հայ գաղթեց: Էս ամեն ինչին պետք է վերջ դրվի մեկընդմիշտ ու մեկ հարվածով»,- ասում է Վարդանյանը:
Նույն հարցազրույցում նա նշում է, որ իշխանությունները ստիպում են մարդկանց արտագաղթել, որովհետեւ որքան քիչ մարդ լինի երկրում, այնքան հեշտ կլինի կառավարելը: «Եթե մեր ներքին թշնամուն չկարողանանք հաղթել, արտաքին թշնամուն չենք կարողանա հաղթել…Հայհոյանքներ Ազգային ժողովում, անգրագետ խոսելակերպ, մարդիկ, որ արժանի չեն նույնիսկ կոշիկ մաքրելու, ներկայումս զբաղեցնում են պաշտոններ: Այդ ամենն ունենալով՝ մենք ինչպե՞ս կարող ենք խոսել միջազգային ասպարեզում դիրքեր գրավելու մասին»,- ասում է Վարդանյանը: Նա նաեւ հայտարարում է, որ եթե նույնիսկ ինքը միակ ՀՀ քաղաքացին լինի, որ պետք է բարձրանա սարերը եւ մենակ պայքարի ներքին թշնամու դեմ՝ կբարձրանա մենակ: «Թե բանտ կնետեն ինձ, թե կսպանեն՝ ինձ համար միեւնույն է: Կզոհաբերեմ ամեն ինչ, իմ համար միեւնույն է: Մեկ փամփուշտ կվերցնեմ, կբարձրանամ սարերը, կկռվեմ: Ես մենակյաց Հայաստանը չեմ տա: Թող ինձ քննադատեն, ինչ պիտակ ուզում են կպցնեն, ես կմեռնեմ ոտքի վրա, որպես ազատ հայ: Կմեռնեմ, բայց Հայաստանը ոչ մեկի չեմ տա, թող հետո ինչ ուզում են խոսեն, իմ համար միեւնույն է: Եթե մենակս պիտի մի ամբողջ բանակի դեմ գնամ՝ կգնամ, կմեռնեմ, թող դա լինի իմ վերջը: Քան թե դառնամ 80 տարեկան ու վերջին շնչիս հիշեմ, թե ինչեր կարող էի անել ու չարեցի: Ես իմ ազգին ուզում եմ ուրախ տեսնեմ»,- հայտարարում է Արթուր Վարդանյանը: Ի դեպ, նշված ֆեյսբուքյան էջում կան նաեւ բազմաթիվ նկարներ Բաղրամյան պողոտայում այս տարվա ամռանը էլեկտրաէներգիայի սակագնի բարձրացման դեմ կազմակերպված բողոքի ակցիաներից:
ԱԱԾ-ի կողմից ձերբակալված կանանցից մեկը՝ Նելլի Մինասյանը, եւս էլեկտրաէներգիայի սակագնի բարձրացման դեմ ցույցերի մասնակիցներից է: Այդ տեղեկությունը մեր թղթակցի հետ զրույցում հաստատել է նաեւ «Ոչ թալանին» նախաձեռնության անդամ Վաղինակ Շուշանյանը: Նորքում վարձակալած առանձնատանը, որտեղ ԱԱԾ-ն գործողություններ էր իրականացրել, մեր թղթակիցը տեսել է մի լուսանկար, որը, ըստ տանտիրոջ, ձերբակալված կանանցից մեկն է: Աղջկա ֆեյսբուքյան էջում եւս տեղադրված է «Հայոց Վահան» գնդի դրոշը: Այս էջում էլ մեջբերումներ կան Գարեգին Նժդեհից, մասնավորապես. «Քեզ վրա նայիր որպես դատապարտվածի, որը հանուն իր երկրի ու ժողովրդի պաշտպանության՝ պիտ միշտ պատրաստ լինի ընդունելու մահը», Անդրանիկ Օզանյանից, Սեւակից:
Երեկ «Առաջին լրատվականը» գրեց, որ վնասազերծված խմբի անդամներից մեկն էլ Հանրային հեռուստաընկերության աշխատակից, արբանյակային հեռարձակման թողարկիչ Արման Հայրապետյանն է։
Երեկ ԱԱԾ-ն հայտարարեց, որ հարուցել է քրեական գործ Քրօրի 223 հոդվածի 1-ին եւ 2-րդ մասերով՝ (Հանցավոր համագործակցություն ստեղծելը կամ ղեկավարելը 1. Հանցավոր համագործակցություն ստեղծելը կամ հանցավոր համագործակցություն ղեկավարելը՝ պատժվում է ազատազրկմամբ՝ ութից տասներկու տարի ժամկետով՝ գույքի բռնագրավմամբ կամ առանց դրա: 2. Հանցավոր համագործակցությանը մասնակցելը՝ պատժվում է ազատազրկմամբ՝ վեցից տասը տարի ժամկետով՝ գույքի բռնագրավմամբ կամ առանց դրա) եւ 235-րդ հոդվածի 3-րդ մասով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը ` պատժվում է կալանքով՝ առավելագույնը երեք ամիս ժամկետով, կամ ազատազրկմամբ՝ առավելագույնը երեք տարի ժամկետով:
Ի դեպ, ԱԱԾ-ն երեկ հրապարակեց նաեւ խուզարկության ժամանակ Արթուր Վարդանյանի վարձակալած առանձնատնից հայտնաբերված զինամթերքի ցանկը, մասնավորապես. «6 հատ «ԱԿ-74» տեսակի ինքնաձիգ, 4 հատ «ԱԿՄ» տեսակի ինքնաձիգ, որից մեկը խլացուցիչով,
1 հատ «ՏՏ» տեսակի ատրճանակ, 1-ական ողորկափող եւ օդամղիչ հրացաններ, տարբեր տրամաչափի ընդհանուր 5261 փամփուշտներ,
2 հատ ինքնաշեն պայթուցիկ սարքեր, 1 հատ պայթեցման սարք,
1 հատ հակատանկային բեկորային ական «ՄՈՒՎ 50», մոտ 1200 գրամ «տրոտիլ» պայթուցիկ նյութ, մոտ 50 գրամ «պլաստիդ» պայթուցիկ նյութ, 11 հատ «Ֆ1» նռնակներ, 46 հատ «ՌԳ» նռնակներ,
3 հատ «ՌԳԴ-5» նռնակներ, 2 հատ հակատանկային նռնականետ,
20 հատ ինքնաձիգի պահունակներ, պայթուցիչներ, օպտիկական նշանացույցեր, հեռադիտակներ, դետոնատորներ, մեծ քանակության զինվորական համազգեստ եւ հանդերձանք» եւ այլն:
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. վարչապետի աշխատակազմ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում
Օդի ջերմաստիճանը չի փոխվի․ առանձին շրջաններում կարճատև անձրև կտեղա
Հայաստանում անհետ կորել է Ջաթին Շարման
Ռուբեն Վարդանյանը Բաքվում հացադուլ է հայտարարել. նա պահանջում է բոլոր հայ բանտարկյալների անհապաղ արձակումը
Գոռ Աբրահամյանը մեկնաբանել է Շենգավիթի քննչական բաժնում անձի խոշտանգման մասին տեղեկությունները
Բլոգեր Յուլիա Ֆինեսը անմեղսունակ է, կարիք ունի հարկադիր բուժման. ՔԿ-ն մանրամասներ է հայտնել խուլիգանության գործից
Հայաստանն ինքը դեռ չի գծել սահմաններն Ադրբեջանի հետ. Լավրովը վիրավորված խոսել է ՀԱՊԿ-ին ներկայացված պահանջների մասին
Հայաստանին ուզում են արագացված տեմպերով պոկել Ռուսաստանից, ԱՄՆ-ն ուզում է փակել ՀՀ ատոմակայանը. Լավրով
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը բեռնատարների համար փակվել է
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
© 2024 Հայկական ժամանակ