ԱԱԾ-ի վնասազերծած խմբի ղեկավարին կարող էր օգնել ԻՊ-ը. Վահան Բադասյան

27/11/2015 schedule10:00

Մեր տեղեկություններով, Նորքում ԱԱԾ հատուկ ջոկատայինների  վնասազերծած խմբի ձերբակալված անդամների թիվը 15-ից անցել է: Ենթադրվում է, որ ԱԱԾ քննչական վարչության պետի տեղակալ Միքայել Համբարձումյանը այսօրվա ասուլիսում նոր թիվ կհրապարակի: Երեկ  ուժայինները շարունակել են ուժեղացված աշխատանքը:

Մասնավորապես, կառավարությունում, ինչպես արձանագրել է մեր թղթակիցը, անվտանգության աշխատակիցները շրջել են ավտոմատներով: Տեղեկացրել էինք, որ Նորքում իրականացրած հատուկ գործողություններից հետո իրավապահները շարունակել էին խուզարկությունները Շիրակի, Կոտայքի մարզերում: Երեկ հայտնի դարձավ, որ ԱԱԾ-ն խուզարկել է Գյումրիի «Մարիամ» ռադիոկայանը եւ ԱԱԾ տարել ռադիոկայանի երկու պատասխանատուների, ինչպես նաեւ «Մարիամի» համակարգիչները: Հենց այս ռադիոկայանով էր հեռարձակվել նախօրեին վնասազերծված խմբի ղեկավար Արթուր Վարդանյանի հարցազրույցը: Վարդանյանը, հիշեցնենք, «Հայոց վահան» գնդի ղեկավարն է. այդ գունդը, ըստ «Հայոց վահանի» ֆեյսբուքյան էջում տեղադրված տեսագրության, ստեղծվել է 1.5 տարի առաջ՝ Սիրիայի Քեսաբ բնակավայրի պաշտպանության նպատակով: Խմբում ընդգրկվածները, առաջին տպավորությամբ, ծայրահեղ ազգայնականներ են, հրապարակված լուսանկարներում ոմանց դեմքերը ծածկված են,  ոմանք պարբերաբար ֆաշիստական խորհրդանիշ «սվաստիկան» են տարածել՝ տարօրինակ բովանդակությամբ գրառումներով:

Պարզվում է, ԼՂՀ ԱԺ նախկին պատգամավոր Վահան Բադասյանը, որը հայտնի է իր արմատական ընդդիմադիր հայացքներով, շփում է ունեցել «Հայոց վահան» խմբի ղեկավար Արթուր Վարդանյանի հետ եւ խիստ բացասական տպավորություն ստացել: Բադասյանը, հիշեցնենք, 2014-ին մի քանի հոգու հետ Քեսաբ էր մեկնել: Երեկ մենք զրույցել ենք նրա հետ:

- Պարոն Բադասյան, պարզվում է, ծանոթ եք Արթուր Վարդանյանին:

- Այդ տղային ես հանդիպեցի Բեյրութում: Մեր տղաներից մեկի միջոցով նա ցանկություն էր հայտնել հանդիպել, մենք ուրախացանք, որ ուզում է միանալ մեզ: Բայց եկավ, պարզվեց, որ ուզում է մեզ միացնել իրեն եւ տանել չգիտես ուր: Ինքը արդեն հանդիպել էր սիրիական բանակի սպաների հետ, զենք էր ստացել, հագուստ, որ գնա, կռվի Դամասկոսում, Հալեպում: Ես նրա մոտ ոչ թե արկածախնդրություն տեսա, այլ տեսա ոչ հայեցի եւ շատ վտանգավոր պահվածք: Ես նրան զգուշացրի, որ այդ մտադրություններով Քեսաբ չմտնի եւ գործիք չդառնա: Նույնիսկ հիվանդության նշույլներ տեսա այդ մարդու մոտ: Երբ ես խոսում էի Քեսաբի ինքնապաշտպանության ջոկատի տղաների հետ, նրանք էլ նույնը ասացին, որ արկածախնդրի մեկն է, չենք հասկանում՝ ինչն է իր խնդիրը: Փոքր ջոկատ էր ստեղծել, չգիտես ինչու, ջոկատի անունը դրել «Հայոց վահան», հետագայում տեսա, թե ինչպես է սիրիական բանակի հագուստ հագած՝ այստեղ-այնտեղ նկարվում: Չի կարելի սիրիական բանակի տարազով Սիրիայի հողի մեջ կանգնել եւ Հայաստանի իշխանությունների վրա զենքով հոխորտալ: Նա իրավունք ունի դա որպես ՀՀ քաղաքացի անել միայն այստեղ, Հայաստանի մեջ: Մենք չէինք գնացել այնտեղ կռվելու, Սիրիայի ներքին խնդիրներին խառնվելու: Եթե այդպես անեինք, դա կլիներ արկածախնդրություն ազգային հարցերի վերաբերյալ՝ ազգին, պետությանը ներքաշել կեղտոտ խաղերի մեջ: Խայտառակություն է հայկական դրոշով խումբ ստեղծել: Ես նրա հետ քառորդ ժամ զրույցից նկատեցի, որ դա նրա ուղեղի բանը չէր, նրան ղեկավարել են:

- Կոնկրետ ի՞նչ էր ասում:

- Դուք պետք է միանաք ինձ, գնանք Սիրիա: Ասում էր՝ ես եղել եմ Սիրիայում, հատուկ մարդկանց եմ հանդիպել, ինչ-որ գեներալների եմ հանդիպել, ինձ խոստացել են, որ պետք է գնանք այնտեղ, զենք վերցնենք, կռվենք: Ո՞ւմ համար, ինչո՞ւ:

- Եթե ղեկավարել են, ստացվում է՝ նրա այստեղի գործողություններն է՞լ դրսից են կառավարել:

- Հնարավոր է, դա մեր գործը չէ, դա պետք է քննությունը ցույց տա:

- Կարո՞ղ էր այդ զենքերը Սիրիայից բերած լինել:

- Քննությունը ցույց կտա: Շատ հնարավոր է, գուցե Իսլամական պետության կողմից է ֆինանսավորվել կամ Ասադի ընդդիմադիրներից է ստացել: Ես բառեր չեմ գտնում նկարագրելու, թե նա ինչ ահավոր մտքեր ուներ: Ես հնար չունեի նրան ձերբակալելու կամ ձերբակալության առաջարկ անելու Բեյրութում, բայց միշտ մտածում էի, որ այս տղան ինչքան շուտ ձերբակալվի, այնքան նախեւառաջ կփրկվի ինքը: Նրա մտքերը հեռուն տանող էին, եւ երբ երեկ տեսա, ուրախացա, որ վերջապես ձերբակալված է:

- Իսկ ի՞նչ մտքեր ուներ:

- Ասացի՝ զենք-զրահ վերցնել եւ կռվել օտարի բանակում, չգիտես ինչու, եւ դա շոուներով, ներկայանալով որպես հայաստանցի, հայ եւ այլն:

- Բայց այդքան զենք ձեռք բերելը թերեւս շատ դժվար է:

- Բայց եթե ծառայություններ կան, որոնք աջակցում են, երեւի թե դժվար չէ: Միայն ԻՊ-ը չէ, կարող է՝ թուրքական ծառայություններ, ամեն ինչ հնարավոր է:

- Իսկ Հայաստանի վերաբերյալ իր պլանների մասին խոսե՞լ է:

- Չէ, չէր խոսում, բայց պարզ չէ՞, որ նա գնացել է այնտեղ զենք վերցնի, հետո տեքստ կարդա, հետո պետք է փորձեն մյուս բաներում: 

- Ունա՞կ էր նա այդքան մեծ ազդեցություն թողնել մարդկանց վրա եւ հեշտությամբ նրանց հավաքագրել:

- Ես չգիտեմ: Կարծում եմ, հավաքվել է մի խումբ, իրենց թվացել է, որ հայրենասեր են, բայց խճճվել են շատ բարդ խնդիրների մեջ, որովհետեւ արաբական պետությունների գաղտնի գործակալների այդ սիստեմը, ես պատկերացնում եմ, որ շատ մեծ եւ բարդ ցանց է: Միջազգային տեռորը արաբական աշխարհից է գալիս եւ սրանք այդ բարդ խաղերի մեջ են հայտնվել, ու կարծում եմ, որ նրանց ձերբակալումը ամենամեծ փրկությունն է: Ես միշտ մտածում էի, որ երբեք ԻՊ-ը չի կարող հասնել Արցախ կամ Հայաստան, օրինակ ՌԴ կամ եվրոպական երկրներ կարող է գնալ, բայց Հայաստանը միատարր է, այստեղ կհասկանան, որ օտար է, կհետաքրքրվեն՝ որտեղից է, ուր է գնում: Տեսեք, բռնել եւ հայ են գտել եւ հայի են ուղարկել, այն էլ ինչ հայի՝ Հայաստանում մեծացած, ՀՀ քաղաքացի: Ես որ ասում եմ՝ վտանգավոր են, այդ առումով են վտանգավոր: Եվ նրա ձերբակալությունը, կարծում եմ, տեղին էր: Լուրջ բան է կանխվել: Այն, որ ԻՊ-ը փաստորեն, ցանկացել է տեռոր անել, մի քանի հիմարների միջոցով է ցանկացել: Ես կարծում եմ, սրանք ղեկավարվում են ինչ-որ մի կենտրոնից, որը Հայաստանի բարեկամը չէ, ընդհակառակը, թշնամին է:

Տպել
5595 դիտում

Վարդենյաց լեռնանցքը բեռնատարների համար փակ է, Սոթք-Քարվաճառը՝ դժվարանցանելի, Լոռիում եւ Շիրակում ձյուն է

Լոռիում նախորդ տարի արտակարգ դեպքերի ու պատահարների աճ է գրանցվել. զոհվել է 42, վիրավորվել 866 մարդ

Արման Սարգսյանը բանակցություններ է վարում զինված տղամարդու հետ. «իմ մեքենայով գնում ենք իմ կաբինետ» (տեսանյութ)

Կիևյան կամրջի տակ՝ «Լավանդա» ռեստորանի մոտակայքում, 40-ամյա տղամարդու դի է հայտնաբերվել

Արագածոտնի մարզում կոռուպցիոն բնույթի հանցագործություն է բացահայտվել. ոստիկանություն (տեսանյութ)

«Էրեբունի պլազա»-ի կրակոցները պետք է սթափության ահազանգ լինեն Հայաստանի իրավապահ մարմինների համար. Բաբաջանյան

Համահայկական հիմնադրամի նախկին տնօրեն Արա Վարդանյանը կմնա ազատության մեջ

ՀՀ ոստիկանությունը տարածել է «Էրեբունի պլազա» ներխուժած զինված տղամարդու վնասազերծման տեսանյութը

Ռուզան Մանթաշյանն ընդունել է Դրեզդենի օպերային թատրոնում կայանալիք համերգի ելույթի առաջարկը. «հենց դա հաղթանակ կլինի»

Այսօր ԿԲ-ն շուկայից 5 միլիոն դոլարի գնում է իրականացրել. Նիկոլ Փաշինյան

Մեկնարկել է «Արտահանողի զարգացման դրամաշնորհներ» ծրագիրը. էկոնոմիկայի նախարարություն

Ընտանեկան կամ սոցիալական նպաստ նշանակելու համար անապահովության սահմանային միավորն իջեցվել է 30.00-ից՝ 28.00

«Էրեբունի պլազա» ներխուժած տղամարդը ոստիկանության պետի ժ/պ-ի ծառայողական մեքենայով տեղափոխվել է ոստիկանություն

Խորհրդարանը քննարկում է աշխատող ուսանողների ուսման վարձը եկամտահարկով փոխհատուցելու նախագիծը

Բռնության որեւէ դրսեւորում, որեւէ պատճառով կամ հիմնավորմամբ, անընդունելի է. վարչապետ

Արմեն Սարգսյանը հանդիպել է Կանադայի գեներալ-նահանգապետ Ժուլի Պայետին

Փոխել նախագահի ընտրվելու կարգը, ընտրելու իրավունքի շեմը 18 տարեկանից իջեցնել 17. Իոաննիսյանը հետաքրքիր առաջարկներ ունի

«Էրեբունի պլազա» հյուրանոց զինված ներխուժած անձը վնասազերծվել է. Աշոտ Ահարոնյան

«Էրեբունի պլազա» հյուրանոց ներխուժած զինված անձը բանակցությունների արդյունքում հանձնել է ինքնաձիգը. ոստիկանություն

«էրեբունի պլազա» հյուրանոցին մոտենալ չի թույլատրվում նաեւ այդտեղ գործող մանկապարտեզի երեխաների ծնողներին