Երեկ ադրբեջանական զինուժը սկսեց խոշոր տրամաչափի գնդացիրներից գնդակոծել Տավուշի գյուղերը

23/12/2015 schedule10:00

Երեկ ուշ երեկոյան ադրբեջանական զինուժը սկսեց խոշոր տրամաչափի գնդացիրներից գնդակոծել Հայաստանի հյուսիս-արեւելյան սահմանները՝ մասնավորապես, գնդակոծվում էին Տավուշի մարզի Ոսկեվան, Բաղանիս համայնքները:

Ավելի վաղ՝ երեկ կեսօրին, պաշտպանության նախարարի մամուլի խոսնակ Արծրուն Հովհաննիսյանը լրագրողների հետ հանդիպման ժամանակ հայտարարեց. «Սա պատերազմ է, հրադադար, ըստ էության, մենք այլեւս չունենք»:

Իսկ ԱԺ ՀՀԿ խմբակցության ղեկավար Վահրամ Բաղդասարյանը երեկ մեզ հետ զրույցում, ըստ էության, խոստովանեց, որ ՀԱՊԿ-ն ձեւական կառույց է:

Հիշեցնենք, նախօրեին Սերժ Սարգսյանը Մոսկվայում ՀԱՊԿ գագաթնաժողովի ժամանակ հայտարարել էր. «Ամեն անգամ, երբ Ադրբեջանի Զինված ուժերը Հայաստանի Հանրապետության դեմ կիրառում են ավտոմատներ, ականանետեր եւ հրետանային սարքավորումներ, նրանք կրակում են Աստանայի, Դուշանբեի եւ Բիշկեկի, Մոսկվայի եւ Մինսկի ուղղությամբ: Հիշեցնեմ, որ մենք ՀԱՊԿ կանոնադրության մեջ ունենք համապատասխան հոդված, եւ եթե մենք ոչ միայն չենք կիրառում այդ հոդվածը, չենք քննարկում ստեղծված իրավիճակը, հարկ չենք համարում վերցնել լսափողը եւ հետաքրքրվել՝ ինչ է կատարվում դաշնակից Հայաստանում, եւ դրա հետ մեկտեղ նաեւ քվեարկում ենք միմյանց շահերի դեմ միջազգային կազմակերպություններում, երրորդ երկրների հետ ընդունում ենք երկկողմ հայտարարություններ, որոնց տեքստն ուղղված է ՀԱՊԿ դաշնակիցների դեմ, ապա մենք պարզապես այդ կրակոցների տակ ենք դնում մեր ամբողջ կազմակերպությունը, նրա հեղինակությունը, նրա կարեւորությունը»: Երեկ, երբ Վահրամ Բաղդասարյանին հարցրեցինք՝ ինչպե՞ս հասկանանք Սերժ Սարգսյանի ելույթը եւ հնարավո՞ր է՝ ՀՀ-ն դուրս գա ձեւական այդ կառույցից, նա պատասխանեց. «Ընդհակառակը, Հայաստանը ՀԱՊԿ անդամ բոլոր երկրների ուշադրությունն է հրավիրում, որ յուրաքանչյորիս պրոբլեմը պետք է լինի մեր բոլորի պրոբլեմը: Սա ուղերձ էր, որպեսզի կառույցն ավելի ճկուն աշխատի: Այսինքն, եթե մենք հավատարիմ ենք մեր գործընկերներին, փոխադարձ հավատարմություն պետք է նրանցից պահանջենք: Անտարբերությունն ընդունելի չէ, մենք կոչ ենք անում կյանքի կոչել թղթի վրա գրվածը»:

Հարցին՝ երբ Սերժ Սարգսյանը Մոսկվայում թվում էր, թե Ադրբեջանը Հայաստանի դեմ ինչ զենք է կիրառում, նշում էր միայն թուրքականը, այնինչ, հայտնի է, որ նրանք հայ զինվորի վրա նաեւ ռուսական զենքից են կրակում, ինչո՞ւ Սարգսյանն այդ մասին էլ չհիշատակեց, ՀՀԿ խմբակցության ղեկավարը պատասխանեց. «Ես ճիշտ չեմ համարում, որ ՌԴ-ի հետ հարաբերություններում մենք նման հարցեր շոշափենք, ինձ թվում է, ճիշտ է եւ նպատակային նախագահի մեկնաբանությունը»:

Ի դեպ, Վահրամ Բաղդասարյանը գրեթե բացառում էր լայնամասշտաբ պատերազմական գործողությունների վերսկսումը: «Իմանալով Հայաստանի եւ Արցախի բանակի հնարավորությունները, եւ իրենց հնարավորությունները գնահատելով, ես դա գրեթե բացառում եմ: Եթե դուք ուշադիր նայեք Ադրբեջանի մակրոտնտեսական ցուցանիշները, գնաճի տեմպերը, արդեն պահուստային ֆոնդի կրճատումները, մանաթի կտրուկ արժեզրկումը, կզգաք, որ կան լուրջ խնդիրներ: Ադրբեջանը ներքաղաքական լուրջ խնդիրներ ունի, այնտեղ պոռթկումները հասունացել են եւ դրանից շեղելու նպատակով Ադրբեջանի ղեկավարությունը սրում է իրավիճակը սահմանին»:

Տպել
2964 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ