Համաշխարհային ֆուտբոլ. Մեսին հեռանում է

28/06/2016 schedule12:19

Չիլիի հավաքականի հաղթանակով է ավարտվել Ամերիկայի գավաթի 45-րդ խաղարկությունը եւ այն կարող է ծանր հետեւանքներ ունենալ եզրափակիչի մյուս մասնակցի՝ Արգենտինայի ընտրանու համար: Հիշեցնեմ, որ Հարավային Ամերիկայի ֆուտբոլային միության հիմնադրման եւ այս մայրցամաքի առաջին առաջնության 100-ամյակին նվիրված արտահերթ մրցաշարը, որը պաշտոնապես կրում է «Copa America Centenario»-ն («Հարյուրամյակի գավաթ») անվանումը, անցկացվում էր ԱՄՆ-ում: Մրցաշարի ակնհայտ ֆավորիտ էր համարվում Արգենտինան՝ 5 անգամ աշխարհի լավագույն ֆուտբոլիստ ճանաչված Լիոնել Մեսիի առաջնորդությամբ: Արգենտինան էլ մրցաշարի ընթացքում ապացուցեց ֆավորիտի իր կարգավիճակը. խմբային փուլում հաղթեց «Copa America» գործող չեմպիոն Չիլիին (2-1), Պանամային (5-0), Բոլիվիային (3-0), քառորդ եզրափակիչում՝ Վենեսուելային (4-1), կիսաեզրափակիչում տանտերերի՝ ԱՄՆ-ի ընտրանուն (4-0) եւ նվաճեց եզրափակիչ հանդիպման ուղեգիր: 6 խաղ՝ 6 հաղթանակ, գնդակների 18-2 տարբերությամբ. սա ուղղակի չեմպիոնական ցուցանիշ էր:

Մեծ դժվարությամբ հաղթահարելով խմբային փուլի արգելքը՝ փլեյ-օֆում հրաշալի հանդիպումներ անցկացրեց Չիլին (Մեքսիկա՝ 7-0, Կոլումբիա՝ 2-0) եւ նույնպես դուրս եկավ եզրափակիչ: Աշխարհը եզրափակիչում սպասում էր Արգենտինայի եւ օրեր առաջ ծննդյան 29-ամյակը նշած Մեսիի հաղթանակին: 2014-ին Մեսին եւ Արգենտինան Աշխարհի առաջնության եզրափակիչի լրացուցիչ ժամանակում 0-1 հաշվով պարտվեցին Գերմանիային (հիմնական ժամանակում՝ 0-0), 2015-ին Ամերիկայի գավաթի խաղարկությունում հետխաղյա 11 մետրանոցներով պարտվեցին Չիլիին (հիմնական ժամանակը՝ 0-0): Մեսին Արգենտինայի կազմում եւս 1 եզրափակիչ հանդիպում էր անցկացրել 2007 թվականին. Ամերիկայի գավաթի եզրափակիչում պարտվել է Բրազիլիային 0-3 հաշվով: 3 եզրափակիչ՝ 3 պարտություն եւ ոչ մի գոլ. այսպիսին էր Մեսիի ցուցանիշը Արգենտինայի հավաքականի կազմում անցկացրած եզրափակիչներում մինչեւ «Copa America Centenario»-ի եզրափակիչը: «Եթե չհաղթեն, թող հետ չգան»՝ Չիլիի հետ խաղից առաջ հայտարարել էր Դիեգո Մարադոնան:

Այս լեգենդար ֆուտբոլիստի հետ Մեսիին համեմատել են ամբողջ կարիերայի ընթացքում, եւ Մարադոնային հասնելու համար Մեսիին անհրաժեշտ էր գոնե 1 տիտղոս նվաճել Արգենտինայի հավաքականի մարզաշապիկով: Եվ ահա այդ պահը հասունացել էր. փայլուն մարզավիճակում գտնվող Արգենտինան «Copa America Centenario»-ի եզրափակիչում հանդիպում է Չիլիի ընտրանուն, որին շատ հեշտ հաղթել է խմբային փուլում: ԱՄՆ-ի Նյու Ջերսի նահանգի Իստ Ռատերֆորդ քաղաքի գերժամանակակից «MetLife» ստադիոնում, 82 հազար հանդիսականների ներկայությամբ անցած եզրափակիչ Չիլի - Արգենտինա հանդիպման հիմնական եւ լրացուցիչ ժամանակները, սակայն, ավարտվել են ոչ-ոքի՝ 0-0: Հետխաղյա 11 մետրանոցների ժամանակ Արգենտինայի հավաքականի կազմում առաջինը գնդակին է մոտեցել Մեսին եւ վրիպել է: Ի վերջո հետխաղյա 11 մետրանոցների շնորհիվ (4-2) հաղթել է Չիլին եւ 2-րդ անգամ պատմության ընթացքում նվաճել Ամերիկայի գավաթի հաղթողի կոչումը:

Եզրափակիչում կրած պարտությունից հետո Արգենտինայի հավաքականի մի շարք ֆուտբոլիստներ, այդ թվում՝ Լիոնել Մեսին, հայտարարել են հավաքականի կազմում իրենց ելույթները ավարտելու մասին: «Որոշումը ընդունված է՝ հավաքականում իմ կարիերան ավարտված է: Շատ եմ ջանացել տիտղոս նվաճել Արգենտինայի կազմում, բայց չստացվեց: 4-րդ անգամ եմ պարտվում եզրափակիչում: Չիրացրեցի շատ, շատ կարեւոր 11 մետրանոց եւ վերջ: ելույթներս Արգենտինայի հավաքականում ավարտվեցին։ Դա օգտակար կլինի բոլորի համար» - հայտարարել է Մեսին: Տեղեկություններ կան, որ հավաքականում իրենց կարիերան ցանկանում եմ ավարտել նաեւ արգենտինացի այլ հանրահայտ ֆուտբոլիստներ՝ Խավիեր Մասկերանոն, Անխել Դի Մարիան, Սերխիո Ագուերոն, Գոնսալո Իգուաինը, Էսեկիել Լավեցին: Ավելացնեմ, որ «Copa America Centenario»-ի 3-րդ տեղի համար խաղում Կոլումբիան 1-0 հաշվով հաղթել է ԱՄՆ-ի ընտրանուն:

Տպել
1552 դիտում

Աշխարհի տարբեր վայրերում կհիշատակեն Հրանտ Դինքի սպանության 12-րդ տարելիցը

Քաղաքապետարանը Ճանապարհային «կանաչ» նշաններ է տեղադրում Երևանում

2017-ին Թալիշում զոհված Կարեն Դանիելյանի մայրը երկվորյակ տղաներ է լույս աշխարհ բերել (լուսանկարներ)

ՊԲ հրամանատարն այցելել է զորամասեր, հանդիպել ժամկետային զինծառայողների հետ

Աշոցք-Բավրա ավտոճանապարհին 2 ավտոմեքենա արգելափակվել են ձյան մեջ

Ստեփանծմինդա-Լարս ավտոճանապարհը փակ է, առկա է ձնահյուսի վտանգ. 237 մեքենա դեռ սպասում է

Երևանում հարձակվել են բժշկական համալսարանի դասախոսի վրա, ծեծի ենթարկել, վնասել նրա մեքենան

Վանաձորի փողոցները սահադաշտի են վերածվել. քաղաքապետի պարզաբանումն ու մարզպետի դժգոհությունը

Փակ ու դժվարանցանելի ճանապարհներ, բուք, մերկասառույց ու ձյուն. ՀՀ ճանապարհները՝ 23:00-ի դրությամբ

Երեւանում ավտոմեքենան հարվածել է գազի խողովակին. գազի արտահոսք է եղել

Ի՞նչ ունեցվածք է հայտարարագրել կաշառք ստանալու եւ փողերի լվացման մեջ մեղադրվող ՀՀԿ-ական Արամ Հարությունյանը

Կարևորվեց երկխոսության խթանումը Աֆրիկյան Միության հետ. հանդիպել են ՖՄԿ գլխավոր քարտուղարն ու ԱԳ նախարարը

Գյումրու ոստիկանները հայտնաբերել են սիգի ապօրինի առեւտրով զբաղվող 4 անձանց

Նիկոլ Փաշինյանը շնորհավորական ուղերձներ է ստացել Էստոնիայի և Լատվիայի վարչապետներից

Մոսկվայի օդանավակայաններում 51 չվերթ է հետաձգվել ու չեղարկվել. ինչ պատկեր է «Զվարթնոց»-ում

Համացանցում կեղծ տեղեկատվություն է տարածվում. դպրոցների եւ մանկապարտեզների աշխատանքները չեն դադարեցվել

«Մանսուրյան- 80» միջոցառումների նախապատրաստական շրջանն արդեն մեկնարկել է. Երևանը կշնչի «կենդանի դասականի» երաժշտությամբ

Հրանտ Մարգարյանը իրավիճակին չի տիրապետում. «Իմ քայլի» երիտասարդ պատգամավորների պատասխանը

Երեւանի մի շարք մանկապարտեզներում նորոգվում եւ կահավորվում են տարիներ շարունակ չօգտագործված սենյակները

Աշոցք-Բավրա ճանապարհահատվածը ուժեղ բքի և ցածր տեսանելիության պատճառով դժվարանցանելի է