Ֆուտբոլ. Եվրոպայի առաջնություն. Մնաց երեք հանդիպում

05/07/2016 schedule12:49

«Մեր ժամանակներում ստադիոն էին գալիս ընդամենը մի քանի հարյուր մարդ, որոնք ծափահարում էին անգամ այն դեպքում, երբ մենք ստանում էինք անկյունային հարվածի իրավունք»,- այս խոսքերի հեղինակը Իսլանդիայի ներկայիս հավաքականի ամենաճանաչված ֆուտբոլիստ, «Բարսելոնայի», «Չելսիի» կազմերում հանդես եկած Էյդուր Գուդյոնսենի հայրն է՝ Արնոր Գուդյոնսենը: Ուղիղ 20 տարի առաջ՝ 1996 թվականի ապրիլի 24-ին Տալինում կայացած Էստոնիա - Իսլանդիա խաղում համաշխարհային ֆուտբոլի պատմության մեջ աննախադեպ իրադարձություն արձանագրվեց. Իսլանդիայի թիմի առաջատար 34-ամյա Արնոր Գուդյոնսենին փոխարինեց որդին՝ 17-ամյա Էյդուրը: Հետագայում Էյդուրը վնասվածք ստացավ, իսկ երբ ապաքինվեց ու վերադարձավ՝ հայրն արդեն ավարտել էր կարիերան եւ հայր ու որդի չկարողացան միասին խաղադաշտ մտնել Իսլանդիայի հավաքականի մարզաշապիկով:

Այդ ժամանակներում Իսլանդիան եվրոպական թույլ թիմերի շարքին էր պատկանում, եւ հավաքականի խաղերը աննկատ էին անցնում կղզիաբնակ իսլանդացիների համար: Ֆուտբոլային աշխարհի, Տալինի ստադիոնում հավաքված մի քանի հարյուր հանդիսականների համար աննկատ անցավ նաեւ մինչ այժմ էլ եզակի այդ իրադարձությունը՝ որդին փոխարինում է հորը հավաքականի կազմում: 20 տարի անց Իսլանդիան Եվրոպայի 2016 թվականի առաջնության քառորդ եզրափակիչում պարտություն կրեց Ֆրանսիայից 2-5 հաշվով, եւ այդ խաղից հետո Իսլանդիայի թիմին ծափահարում էին Փարիզի «Ստադ Դե Ֆրանս» ստադիոնում հավաքված 80 000 ֆուտբոլասերները, Իսլանդիայի ամբողջ բնակչությունը, միգուցե՝ ֆուտբոլային ամբողջ աշխարհը:

«Եվրո 2016»-ում կայացան քառորդ եզրափակիչները, եւ հայտնի են արդեն այն 4 թիմերը, որոնք պայքարը շարունակում են չեմպիոնի կոչման համար. հուլիսի 6-ին եւ 7-ին մրցելու են Պորտուգալիա - Ուելս եւ Ֆրանսիա - Գերմանիա զույգերը: Թեեւ Եվրոպայի չեմպիոնի անունը հայտնի է դառնալու հուլիսի 10-ին, բայց արդեն կարելի է նշել մի թիմի անուն, որը հավասարապես կիսելու է «Եվրո 2016»-ի բոլոր դափնիները ապագա չեմպիոնի հետ միասին: Իսլանդիան ինչ-որ չափով փրկեց միգուցե «Եվրոների» պատմության ամենաձանձրալի մրցաշարը:

Ընթացող «Եվրո 2016»-ի ընթացքում ամենաշատ գործածվող միտքը այն է, թե բոլոր թիմերը իրենց մակարդակով հավասարվել են: Մեծ հաշվով, ընդունելով այս տեսակետը, մի փոքր փորձեմ ձեւափոխել այն՝ «բոլոր թիմերը հավասարապես թույլ են»: Մինչ կիսաեզրափակիչ հասնելը ամենաբարձր վարկանիշով թիմը, որին հաղթել է Ֆրանսիան՝ Ռումինիան է՝ 22-րդ տեղ ՖԻՖԱ-ի վարկանիշային աղյուսակում: Կիսաեզրափակիչ փուլի մյուս մասնակից Պորտուգալիան ընդհանրապես մոտ է հակառեկորդի. 5 խաղում 5 անգամ հիմնական ժամանակում ոչ-ոքի խաղալով, Պորտուգալիան կիսաեզրափակիչում է: Քառորդ եզրափակիչում Պորտուգալիան հետխաղյա 11 մետրանոցներով հաղթեց Լեհաստանին, որը առանց պարտություն կրելու դուրս մնաց «Եվրո 2016»-ից: «Մենք առանց պարտվելու հեռանում ենք, իսկ Պորտուգալիան առանց հաղթելու առաջ է գնում՝ սա անարդար է»,- դառնությամբ նշել է Լեհաստանի ընտրանու ավագ Ռոբերտ Լեւանդովսկին:

Քառորդ եզրափակիչում Աշխարհի քառակի չեմպիոններ Գերմանիայի եւ Իտալիայի խաղն էլ դժվար թե երկար հիշվի զուտ խաղի բովանդակությամբ, ցուցադրված ֆուտբոլի մակարդակով: Այս խաղում էլ հաջորդ փուլի ուղեգրի հարցը լուծվեց հետխաղյա 11 մետրանոցների օգնությամբ՝ առավել հաջողակ էին գերմանացիները: Ուելսը քառորդ եզրափակիչ փուլի ամենագեղեցիկ ու դրամատիկ խաղում 3-1 հաշվով հաղթեց Բելգիային ու պատմության մեջ առաջին անգամ հայտնվեց Եվրոպայի առաջնության կիսաեզրափակիչում:

Տպել
1559 դիտում

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվել

ԵԽԽՎ ձմեռային նստաշրջանում անդրադարձ կլինի ՀՀ-ում կայացած արտահերթ խորհրդարանական ընտրություններին

Հայտնաբերվել է Հաղարծինում ծառերն ապօրինի կտրած անձը

Վարդենյաց լեռնանցքը կցորդիչով բեռնատարների համար փակ է, իսկ մյուս բեռնատարների համար՝ դժվարանցանելի

Սամվել Մայրապետյանի փաստաբանական խումբը պատասխանել է ՀՀ գլխավոր դատախազությանը

Վալերիյ Օսիպյանն ընդունել է տաքսի ծառայությունների ղեկավարների, պատասխանել նրանց հուզող հարցերին

Դավիթ Տոնոյանն ու «Մայքրոսոֆթ» ընկերության ներկայացուցիչները պայմանավորվել են հետագա համագործակցության վերաբերյալ

ՀՀ ՄԻՊ Արման Թաթոյանը հայտարարություն է տարածել Ազգային ժողովի մարմինների ձեւավորման կապակցությամբ

Քաղաքապետ Հայկ Մարությանը հանդիպել է «Դայմլեր բասիս» ընկերության վաճառքների դեպարտամենտի տնօրեն Բերնդ Մեքի հետ

Ադրբեջանական կողմը հրադադարի պահպանման ռեժիմը մեկ շաբաթում խախտել է շուրջ 180 անգամ

ՀՀ Աշխատանքի եւ սոցիալական հարցերի նախարար է նշանակվել Զարուհի Բաթոյանը

Արմեն Սարգսյանը ստորագրել է հրամանագրեր՝ նախարարներ նշանակելու եւ վերանշանակելու մասին

ՄԱԿ գլխավոր քարտուղարը շնորհավորական ուղերձ է հղել Նիկոլ Փաշինյանին՝ վարչապետի պաշտոնում նշանակվելու առթիվ