«Սասնա Ծռեր» խմբավորման անդամներից 18-ի անունները հայտնի են (լուսանկարներ)

20/07/2016 schedule00:28

Արդեն երեք օր է՝ «Սասնա ծռեր» խմբավորումը շարունակում է իր հսկողության տակ պահել ՀՀ ոստիկանության պարեկապահակային ծառայության գնդի տարածքը՝ պատանդ պահելով ոստիկանության բարձրաստիճան պաշտոնյաների: Armtimes.com-ին հաջողվեց պարզել խմբավորման անդամներից 18-ի անունները, որոնցից 17-ն այժմ գտնվում են գրավված տարածքում: Նրանք են՝ Պավլիկ Մանուկյան, Վարուժան Ավետիսյան, Տիգրան Մանուկյան, Գագիկ Եղիազարյան, Արեգ Կյուրեղյան, Արմեն Բիլյան, Էդվարդ Գրիգորյան, Արայիկ Խանդոյան, Արմեն Լամբարյան, Հովհաննես Հարությունյան, ազատամարտիկ Դեդ, Մխիթար Ավետիսյան, Սերգեյ Կյուրեղյան, Աշոտ Պետրոսյան, Հովհաննես (ազգանունը հայտնի չէ), Արամ Մանուկյան (լուսանկարը չկա), իսկ վիրավոր է Թաթուլ Թամրազյանը:

«Սասնա ծռեր» խմբավորման անդամ Վարուժան Ավետիսյանի կինը՝ Լուսինեն, Armtimes.com-ի հետ զրույցում նշեց, որ ինքն իրավունք չունի որեւէ բան ասել ՊՊԾ գնդի տարածքի գրավման վերաբերյալ: Պավլիկ Մանուկյանի եղբայրը՝ Վարդան Մանուկյանն էլ մեր զրույցում ասաց, որ Պավլիկ Մանուկյանը Երեւանում վարձով էր բնակվում: «Երեւանում ընտանիքի՝ կնոջ, դստեր եւ որդու հետ էր ապրում արդեն 6 տարի:18 տարի Ղարաբաղում են ապրել: Ինքը նախապատրաստվում էր գնալ Ղարաբաղ, իր մանկության երազանքն է եղել: Ես իր հակապատկերն եմ, բայց ինքն ամբողջ կյանքում երազել է ազատ անկախ Հայաստանի մասին: Դեռ ինձ էլ համոզում էր հետը տանել Ղարաբաղ»,- ասաց Վարդան Մանուկյանը՝ նշելով, որ ՊՊԾ գունդը գրավելու՝ եղբոր մտադրության մասին տեղյակ չի եղել: Նշենք, որ Պավլիկ Մանուկյանի մյուս եղբայրը՝ Թաթուլն այժմ կալանավորված է, մի քույրը 34 տարեկան հասակում մահացել է, իսկ մյուս քույրը բնակվում է Կոտաքի մարզի Բուժական գյուղում:

Պավլիկ Մանուկյան

Ազատամարտիկ, մասնակցել է ԼՂՀ ինքնապաշտպանական մարտերին: Վերջին տարիներին զբաղվում է հասարակական-քաղաքական ակտիվ գործունեությամբ: 2015 թվականի հունվարի 31-ին Գորիս-Ստեփանակերտ ավտոճանապարհի Բերձորի հատվածում Արցախի Հանրապետության ոստիկանության, դիմակավորված հատուկ ջոկատայինների ու քաղաքացիական հագուստով անձանց կողմից հարձակման է ենթարկվել: Հանդիսանում է «Հիմնադիր խորհրդարանի» պատգամավոր, «Նոր Հայաստան» շարժման եւ «Սասնա ծռեր» խմբավորման անդամ:Վարուժան Ավետիսյան

«Հիմնադիր խորհրդարանի» փոխնախագահ, «Նոր Հայաստան» շարժման գաղափարակիր եւ «Սասնա Ծռեր» խմբավորման անդամ, պահեստազորի գնդապետ, իրավաբան: Ամուսնացած է, ունի մեկ տղա եւ մեկ աղջիկ:Տիգրան Մանուկյան

«Նոր Հայաստան» շարժման  եւ «Սասնա ծռեր» խմբավորման անդամ:

Գագիկ Եղիազարյան

«Նոր Հայաստան» շարժման անդամ, «Հիմնադիր խորհրդարանի» պատգամավոր եւ «Սասնա ծռեր» խմբավորման անդամ, ճարտարագետ-շինարար:Արեգ Կյուրեղյան

«Նոր Հայաստան» շարժման եւ «Սասնա ծռեր» խմբավորման անդամ: Արեգ Կյուրեղյանը քաղբանտարկյալ Հայկ Կյուրեղյանի եղբայրն է: Վերջինս ի նշան բողոքի Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի դիմաց, երբ քննվում էր Շանթ Հարությունյանի եւ ընկերների գործը, օդամղիչ ատրճանակից կրակոցներ է արձակել ոստիկանների ուղղությամբ:Սերգեյ Կյուրեղյան

Արեգ եւ Հայկ Կյուրեղյանների եղբայրն է:Արմեն Բիլյան

«Նոր Հայաստան» շարժման անդամ եւ «Սասնա ծռեր» խմբավորման անդամ:Էդվարդ Գրիգորյան

«Նոր Հայաստան» շարժման անդամ եւ «Սասնա ծռեր» խմբավորման անդամ:Արայիկ Խանդոյան

Արայիկ Խանդոյանը հայտնի է «Միայնակ գայլ» մականունով, նա ազատամարտիկ է, պահեստազորի մայոր։ Դեռ 17 տարեկան հասակում Արցախյան պատերազմի վաղ շրջանում Արագածոտնի մարզի Ծաղկահովիտ գյուղի մոտակայքում տեղակայված խորհրդային ռազմաբազայից զենք եւ զինամթերք էր հայթայթում կամավորական ջոկատներին տրամադրելու համար։ 1990 թվականին բանակից արձակուրդ գալուց հետո Արայիկը այլեւս չվերադարձավ խորհրդային բանակ եւ մեկնեց Արցախ։

Պատերազմի ավարտից հետո իր եղբայրների հետ մնացել է բանակում: Բազմաթիվ անգամ վիրավորվել է, սակայն վերջին վիրավորումից հետո Արայիկը սկսեց հենակով քայլել: 2015 թվականի մարտի 11-ին հայտնի դարձավ, որ Արայիկ Խանդոյանը իշխանություններին է վերադարձրել Արցախի եւ ՀՀ-ի «Արիության» մեդալները, «Մարտական ծառայության» պարգեւը, «Զորավար Անդրանիկ», «Մարշալ Բաղրամյան» եւ այլ մեդալները Բերձորյան դեպքերի պատճառով: Խանդոյանը Հիմնադիր խորհրդարանի պագամավոր եւ «Սասնա ծռեր» խմբավորման անդամ է:Արմեն Լամբարյան

Ազատամրտիկ, «Հիմնադիր խորհրդարանի» պատգամավոր, «Նոր Հայաստան» շարժման եւ «Սասնա ծռեր» խմբավորման անդամ:Մխիթար Ավետիսյան

Ազատամարտիկ «Նոր Հայաստան» շարժման անդամ:Աշոտ Պետրոսյան

Շանթ Հարությունյանի եւ ընկերների գործով դատապարտված Լիպարիտ Պետրոսյանի եղբայրն է: «Հիմնադիր խորհրդարանի» պատգամավոր, ազատամարտիկ:

Վիրավոր Թաթուլ Թամրազյանը Դիլիջանից է, նրա հարազատները բնակվում են ՌԴ-ում: Բանակ զորակոչվելու նպատակով Թաթուլ Թամրազյանը վերադարձել է Հայաստան, ծառայել Զինված ուժերում եւ մնացել Հայաստանում:

Արամ Հակոբյան

ազատամարտիկ, նախկին դաշնակցական, Հիմնադիր խորհրդարանի Գյումրիի գրասենյակի պատասխանատու, «Սասնա ծռեր» խմբավորման անդամ 

Տպել
53862 դիտում

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվե

ԵԽԽՎ ձմեռային նստաշրջանին անդրադարձ կլինի ՀՀ-ում կայացած արտահերթ խորհրդարանական ընտրություններին

Հայտնաբերվել է Հաղարծինում ծառերն ապօրինի կտրած անձը

Վարդենյաց լեռնանցքը կցորդիչով բեռնատարների համար փակ է, իսկ մնացածի համար՝ դժվարանցանելի

Սամվել Մայրապետյանի փաստաբանական խումբը պատասխանել է ՀՀ գլխավոր դատախազությանը

Վալերիյ Օսիպյանն ընդունել է տաքսի ծառայությունների ղեկավարների, պատասխանել նրանց հուզող հարցերին

Դավիթ Տոնոյանն ու «Մայքրոսոֆթ» ընկերության ներկայացուցիչները պայմանավորվել են հետագա համագործակցության վերաբերյալ

ՀՀ ՄԻՊ Արման Թաթոյանը հայտարարություն է տարածել Ազգային ժողովի մարմինների ձեւավորման կապակցությամբ

Քաղաքապետ Հայկ Մարությանը հանդիպել է «Դայմլեր բասիս» ընկերության վաճառքների դեպարտամենտի տնօրեն Բերնդ Մեքի հետ

Ադրբեջանական կողմը հրադադարի պահպանման ռեժիմը մեկ շաբաթում խախտել է շուրջ 180 անգամ

ՀՀ Աշխատանքի եւ սոցիալական հարցերի նախարար է նշանակվել Զարուհի Բաթոյանը

Արմեն Սարգսյանը ստորագրել է հրամանագրեր՝ նախարարներ նշանակելու եւ վերանշանակելու մասին

ՄԱԿ գլխավոր քարտուղարը շնորհավորական ուղերձ է հղել Նիկոլ Փաշինյանին՝ վարչապետի պաշտոնում նշանակվելու առթիվ

ԱՄՆ-ն աջակցում են բարգավաճ, ժողովրդավարական եւ հարևանների հետ խաղաղ գոյակցող Հայաստանին. Թրամփը շնորհավորել է Փաշինյանին