ՌԴ-ում փորձելու են հասկանալ հայկական կողմը կարո՞ղ է գնալ տարածքային զիջման. վտանգավոր փուլ

04/08/2016 schedule23:15

Երեկ հայտնի դարձավ, որ Սերժ Սարգսյանը օգոստոսի 10-ին մեկնելու է Մոսկվա:

Այնտեղ նա, ըստ պաշտոնական հաղորդագրության, հանդիպելու է ՌԴ նախագահ Վլադիմիր Պուտինի հետ՝ քննարկելու քաղաքական, առեւտրատնտեսական, հումանիտար, երկկողմ փոխգործակցության օրակարգի առանցքային հարցեր, ինչպես նաեւ ԵՏՄ տարածքում ինտեգրացիոն գործընթացների զարգացմանը վերաբերող հարցեր: Հաղորդագրության վերջում նշվում է, որ Սարգսյանն ու Պուտինը կանդրադառնան նաեւ միջազգային եւ տարածաշրջանային մի շարք խնդիրների: Խոսքն, իհարկե, ԼՂ հակամարտության մասին է:

Հակամարտության կարգավորման բանակցություններին մոտ կանգնած մեր աղբյուրները փոխանցում են, որ Սարգսյանի մոսկովյան այցը կարող է պայմանավորված լինել ԼՂ հակամարտության համատեքստում ՀՀ-ում տեղի ունեցող ներքաղաքական իրադարձություններով: Խոսքը չհաջողված զինված ապստամբության մասին է: «Խոսքը ԼՂ հակամարտության մասին է լինելու: Սերժ Սարգսյանը, կարծում եմ, այցի մասին պաշտոնական հաղորդագրությունից երկու օր առաջ պատահական չասաց, որ պատրաստ է իր կյանքը դնել այս հարցում: Սա նշանակում է, որ եթե տարածքներ հանձնվեցին, ապա նա չի կարողանա պահել ներսում իրավիճակը վերահսկողության տակ: Սա պրեվենտիվ հայտարարություն էր: ՌԴ-ում փորձելու են հասկանալ՝ այս պայմաններում հայկական կողմը կարո՞ղ է այժմ գնալ տարածքային զիջման: Շատ վտանգավոր էտապ է»,- նշեց մեր աղբյուրը՝ ուշադրություն հրավիրելով այն հանգամանքին, որ Մոսկվա այցի մասին տեղեկատվությունը նախագահականը հրապարակում է այցից մեկ շաբաթ առաջ: «Սովորաբար Սարգսյանի այցի մասին հաղորդագրությունները հրապարակվում են այցից 1-2 օր առաջ: Նախագահի՝ ինքնազոհության պատրաստ լինելու մասին հայտարարությունն ու այցի մասին հաղորդագրության բավական շուտ հրապարակումը պատահական բաներ չեն»,- նշեց նա՝ հիշեցնելով, որ մինչ այդ Սարգսյանը եղել է Արցախում եւ քննարկումներ անցկացրել ԼՂ իշխանությունների հետ: 

Հատկանշական է, որ նախագահականի հաղորդագրությանը զուգահեռ հայտարարությամբ հանդես եկավ նաեւ ԵՀԱԿ Մինսկի խմբի ամերիկացի համանախագահ Ջեյմս Ուորլիքը, որը Ռիա Նովոստի գործակալությանը տված հարցազրույցում հայտարարեց, որ «ղարաբաղյան հակամարտության կողմերից ակնկալում է խաղաղ կարգավորման շուրջ ստանձնած պարտավորությունների կատարում»: Խոսքն, իհարկե, առաջին հերթին Վիեննայում ստանձնած ու Սանկտ Պետերբուրգում վերահաստատած հակամարտության կողմերի միջեւ վստահության ու շփման գծում միջադեպերի հետաքննության մեխանիզմների ներդրման մասին է: Սակայն ներկայիս քննարկումները միայն դրանց շուրջ չեն:

ԼՂ հակամարտության կարգավորման գործընթացն ունի կրկնակի «հատակ»: Մեր աղբյուրների փոխանցմամբ, վստահության միջոցառումների իրականցմանը զուգահեռ ՌԴ էքսկլյուզիվ միջնորդությամբ այժմ քննարկումներ են ընթանում հակամարտության կարգավորման իրական ուղիների շուրջ: Երկու հարց է դրված. տարածքներ՝ ԼՂ-ին ավելի ամուր անվտանգության երաշխիքների դիմաց (ԼՂ կարգավիճակի մասին հիշատակվում է շատ աղոտ), որն առաջ է տանում Ռուսաստանը, ինչին համաձայնություն է հայտնել Ադրբեջանը եւ տարածքներ՝ ԼՂ իրացրած ինքնորոշման իրավունքի ճանաչման դիմաց: Այս տարբերակն առաջ է տանում Հայաստանը՝ փորձելով ստանալ մյուս համանախագահների՝ Ֆրանսիայի ու ԱՄՆ-ի աջակցությունը:

Պատահական չէ, որ վերջերս ամերիկացի վերլուծաբանները սկսել են խոսել ԼՂ հակամարտության կարգավորման ուղղությամբ ՌԴ նախաձեռնողականության մասին, որը ստվերել է ԱՄՆ-ին եւ Ֆրանսիային: «Այս փուլում ՀՀ-ի ու Ադրբեջանի միջեւ խաղաղությունը բխում է Մոսկվայի շահերից: ՌԴ-ն փոխել է իր դիրքորոշումը՝ սառեցված հակամարտության փոխարեն այժմ նրա շահերից է բխում խնդրի կարգավորումը»,- կարծում է ամերիկացի վերլուծաբան Մայքլ Ռուբինը:

Ինչեւէ, այս փուլում Հայաստանին շատ դժվար է լինելու տապալել նոր նախաձեռնությունը՝ ներգրավելով ԱՄՆ-ին եւ Ֆրանսիային ի աջակցություն սեփական առաջարկի: ԱՄՆ-ը, սովորաբար, նախագահական ընտրություններից առաջ արտաքին քաղաքական հարցերում ակտիվություն չի ցուցաբերում, իսկ Ֆրանսիան միայնակ բավական թույլ է ԼՂ հակամարտության թատերաբեմում ՌԴ-ին հակակշռելու համար: Կովկասի հարցերով ռուսաստանցի փորձագետ, քաղաքագետ Ալեքսանդր Պերենջիեւը մեզ հետ զրույցում նշեց, որ Սարգսյան-Պուտին հանդիպման ժամանակ կշարունակվեն քննարկումները ԼՂ հակամարտության կարգավորման ուղիների շուրջ: «Պետք չէ սպասել, որ մեկ քննարկմամբ այդ հարցը կլուծվի ու դրա մասին ոչ մեկը չի իմանա: Այն միջազգային խնդիր է, եւ կան ԵԱՀԿ Մինսկի խմբի այլ համանախագահներ: Բացի այդ, լուծումը կամ վերջնական գործընթացը պետք է լինի հրապարակային: Սակայն կարող եմ ասել, որ ՌԴ-ն ցանկանում է հասնել խնդրի կարգավորման, քանի որ Անդրկովկասում կայունությունը կարեւոր է Մոսկվայի համար: Գուցե ես հայկական կողմի համար պոպուլյար բան չասեմ, բայց չեմ կարծում, որ հայկական կողմը պետք է պնդի «ոչ մի թիզ հող» կամ «ոչ մի քայլ հետ» դիրքորոշումը: Սա նոր պատերազմն ավելի հավանական դարձնող սցենար է, ինչը ՌԴ-ն չի ցանկանում», - եզրափակեց նա:

Արշալույս Մղդեսյան

Տպել
4191 դիտում

Լավրովի նշած «վերահսկման մեխանիզմները» անհրաժեշտ, բայց ոչ բավարար պայման են հրադադարի համար

Մահ ու պայքար՝ Լեռնային Ղարաբաղում. սարսափելի պատերազմի ռազմաճակատից. The New York Times-ի անդրադարձը

Այսօր ՊԲ հակաօդային պաշտպանության ստորաբաժանումները խոցել են 5 անօդաչու թռչող սարք (տեսանյութ)

Պատերազմը չի ավարտվել, դաժան ու սաստիկ պատերազմ է եւ մեր բոլորի ներդրումը չափազանց կարեւոր է. ՊՆ ներկայացուցիչ

Թուրքիայում ապրող հայաստանցիները հայրենիք վերադառնալու ճանապարհներ են փնտրում. նրանք տագնապած են

Արծրուն Հովհաննիսյանը՝ հակառակորդի դիակները հուղարկավորելու մասին

Արցախում զոհվել է «Թևանիկ» ֆիլմի գլխավոր հերոսներից Հովհաննես Խոդերյանը

Ամեն կերպ պետք է օգնել, որ մեր երեխաները դառնան ոչ թե նահատակված, այլ կենդանի հերոսներ. Ալբերտ Հովաննիսյանի հայր

Հյուսիսում թշնամին այսօր կենդանի ուժի զգալի կորուստներ է ունեցել, իսկ հարավում շարունակվել են ծանր մարտերը. Պողոսյան

Այս պահին մարտերի ուժգնությունը որոշակիորեն թուլացել է. Արծրուն Հովհաննիսյան

ԱՄՆ պետքարտուղար Պոմպեոն Վաշինգտոնում առանձին հանդիպումներ կունենա Հայաստանի եւ Ադրբեջանի ԱԳ նախարարների հետ

Մեր տղաները իմիտացիա են անում, իբր նահանջել են, հետևից սողեսող մոտենում են թշնամու տանկին, հարվածում. Հովհաննիսյան

Ադրբեջանի ագրեսիվ գործողությունների հետևանքով վիրավորված Ռոբերտն ու Նարեկը դուրս են գրվել վերակենդանացման բաժանմունքից

Ալեքսանդր Կարապետյանը երրորդ գոլն է խփել Ռուսաստանի առաջնությունում և այն նվիրել հայրենիքի պաշտպաններին

Բախվել են ավտոմեքենաներ․ տուժածները տեղափոխվել է են «Աստղիկ» բժշկական կենտրոն

Վարչապետը հանդիպում է ունեցել արտախորհրդարանական քաղաքական ուժերի ներկայացուցիչների հետ

Կորոնավիրուսը կարող է լսողության կորստի պատճառ դառնալ. կորոնավարակակիրներին սպասարկող բուժկենտրոններն ավելացել են 5-ով

Հայտնաբերվել է արգելված հրապարակումների 108 դեպք. 82-ը՝ լրատվական գործունեություն չիրականացնող անձանց կողմից

Մեր բոլոր միջազգային գործընկերներին կոչ եմ անում պատերազմը դադարեցնելու հստակ հայտարարություն անել. նախագահ

Կոռուպցիայի կանխարգելման հանձնաժողովի մրցութային խորհրդի անդամ է նշանակվել «Իմ քայլի» պատգամավոր Հերիքնազ Տիգրանյանը