Ամառային 31-րդ Օլիմպիական խաղեր. Օլիմպիադան ավարտվեց

23/08/2016 schedule12:01

Ռիո Դե Ժանեյրոյի «Մարականա» ստադիոնում նախօրեին կայացել է ամառային 31-րդ Օլիմպիական խաղերի փակման հանդիսավոր արարողությունը. գեղեցիկ ու դիտարժան միջոցառման ժամանակ Հայաստանի դրոշակակիրն է եղել Օլիմպիական չեմպիոն, ըմբիշ Արթուր Ալեքսանյանը: «Ռիո 2016»-ում Հայաստանը գերազանցեց Օլիմպիական խաղերի պատմության ընթացքում նվաճած ընդհանուր մեդալներով լավագույն արդյունքը: 1996 թվականին ԱՄՆ Ատլանտա քաղաքում կայացած Օլիմպիական խաղերում Հայաստանը նվաճած 1-ական ոսկե եւ արծաթե մեդալներով մասնակից 197 երկրների մեջ կիսեց 44-45 տեղերը, իսկ Ռիո դե Ժանեյրոյում ավարտված ամառային 31-րդ Օլիմպիական խաղերում մեր երկիրը ներկայացնող մարզիկները նվաճեցին 1 ոսկե, 3 արծաթե մեդալներ, եւ մասնակից 207 երկրների ընդհանուր հաշվարկում Հայաստանը զբաղեցրեց 42-րդ տեղը:

20 տարի անց Հայաստանը ոսկե մեդալ նվաճեց Օլիմպիական խաղերում. Արթուր Ալեքսանյանը կրկնեց Արմեն Նազարյանի՝ 20-ամյա վաղեմություն ունեցող  մարզական սխրանքը: Ընդ որում, 2 մարզիկներն էլ հունահռոմեական ոճի ըմբիշներ են: Ծանրորդներ Գոռ Մինասյանը, Սիմոն Մարտիրոսյանը, հունահռոմեական ոճի ըմբիշ Միհրան Հարությունյանն էլ արժանացան արծաթե մեդալների: «Ռիո 2016»-ում մեդալներ նվաճած 4 հայաստանցի մարզիկներն էլ ծնվել են Հայաստանում, ընդ որում, Արթուրը, Գոռը եւ Սիմոնը՝ անկախ Հայաստանում (առաջին 2-ը՝ Գյումրիում, Սիմոնը՝ Արմավիրի մարզի Հայկաշեն գյուղում), իսկ Միհրանը՝ Խորհրդային Հայաստանում (Վաղարշապատ): Մեծ հաշվով Հայաստանն արդարացրեց այն բոլոր կանխատեսումները, որոնք արվում էին «Ռիո 2016»-ի մեկնարկից առաջ, եւ առաջին հերթին պետք է նշել Արթուր Ալեքսանյանի հաջողությունը: Մարզական կարիերայի ընթացքում Արթուրին չէր հաջողվել նվաճել միայն Օլիմպիական բարձունքը, եւ Ռիո դե Ժանեյրոյում այդ «բացը» լրացվեց: Արթուր Ալեքսանյանը այլեւս Օլիմպիական չեմպիոն է, նաեւ՝ աշխարհի կրկնակի եւ Եվրոպայի եռակի չեմպիոն: Եվ սա՝ ընդամենը 25 տարեկանում:

Ընդհանուր առմամբ, ամառային 31-րդ Օլիմպիական խաղերի ընթացքում արձանագրվեցին հնչեղ սկանդալներ, նաեւ՝ պատմական իրադարձություններ, որոնց մասին դեռ երկար է խոսվելու եւ որոնց դեռ կանդրադառնանք: Իսկ հիմա ներկայացնեմ «Ռիո 2016»-ը «չոր» թվերով եւ փաստերով: Նվաճած մեդալների քանակով թիմային հաշվարկում հաղթող ճանաչվեց ԱՄՆ-ը, լավագույն եռյակում են նաեւ Մեծ Բրիտանիան եւ Չինաստանը: Ներկայացնենք այս առումով լավագույն տասնյակը, մեզ սահմանակից երկրների, ինչպես նաեւ նախկին ԽՍՀՄ երկրների ցուցանիշները (Երկրներից առաջ նշված է տեղը ընդհանուր թիմային պայքարում, Ո՝ ոսկե մեդալ, Ա՝ արծաթե, Բ բրոնզե մեդալ):

«Ռիո 2016»-ում մեդալներ են նվաճել 87, ոսկե մեդալներ՝ 59 երկրների ներկայացուցիչներ: Նշենք, որ նույն՝ 1996 թվականին կայացած Օլիմպիական խաղերում մեդալային հաշվարկում Հայաստանից ետ էին Ուզբեկստանը, Վրաստանը, Ադրբեջանը, իսկ Մեծ Բրիտանիան նվաճել էր մեր երկրի չափ ոսկե մեդալ՝ 1: 4 տարի անց Վրաստանը եւ Ադրբեջանն առաջ անցան Հայաստանից: 1996- 2016 թվականներին կայացած 7 ամառային Օլիմպիական խաղերում հարավկովկասյան այս 3 երկրների մրցակցությունում նվաճած մեդալների ընդհանուր քանակով առաջատարը Ադրբեջանն է՝ 44 մեդալ (7 ոսկե, 12 արծաթե, 25 բրոնզե), Վրաստանն ունի 25 մեդալ (6 ոսկե, 5 արծաթե, 14 բրոնզե), Հայաստանը նվաճել է 16 մեդալ (2 ոսկե, 5 արծաթե, 9 բրոնզե): Ամառային հաջորդ՝ 32-րդ Օլիմպիական խաղերը կայանալու են Տոկիոյում 2020 թվականին:

Տպել
1770 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ