Մերձֆուտբոլային կրքեր. Իսպանական թոփ ակումբները փորձում են մնալ ուշադրության կենտրոնում

Ազգային հավաքականների հանդիպումներից հետո եվրոպական ֆուտբոլային հանրության ուշադրությունը կրկին բեւեռվել է ակումբային ֆուտբոլի վրա եւ ներկայումս ամենաքննարկվող թեման կրկին Անգլիայի Պրեմիեր լիգան է: Արդեն մի քանի ամիս մարզասերները, վերլուծաբաններն ահռելի հետաքրքրությամբ հետեւում են անգլիական թիմերի խաղին: Ամռանն աշխարհի ուժեղագույն եւ տիտղոսակիր մարզիչների մի ստվար հատված տեղափոխվեց Անգլիա եւ հիմա մարզչական մտքի, գաղափարների պայքարը սպասվում է հենց այս երկրի առաջնությունում: Արդեն վաղը կայանալու են մի քանի հանդիպումներ, որոնք դուրս են զուտ անգլիական «հետաքրքրության» շրջանակներից:

Նախ, Երեւանի ժամանակով 15:30-ին կայանալու է մանչեսթերյան դերբին՝ «Մանչեսթեր Յունայթեդ» - «Մանչեսթեր Սիթի» հանդիպումը. կրկին մրցելու են Ժոզե Մոուրինյոյի եւ Խոսեպ Գվարդիոլայի թիմերը: Տարիներ առաջ այս մարզիչները գլխավորում էին իսպանական «Ռեալ Մադրիդը» եւ «Բարսելոնան». այս թիմերի խաղերին այն ժամանակ հետեւում էր ամբողջ աշխարհը: Հիմա «Ժոզե-Պեպ» ֆուտբոլային դիմակայությունը տեղափոխվել է Անգլիա: Վաղը ժամը 18:00-ին մրցելու են «Արսենալն» ու «Սաութհեմթոնը»՝ սա էլ ֆրանսիացի մարզիչներ Արսեն Վենգերի եւ Կլոդ Պյուելի դիմակայությունն է, իսկ 20:30-ին արդեն սպասվում է զուտ իտալական դիմակայություն. Անտոնիո Կոնտեի «Չելսին» հյուրընկալվելու է Ֆրանչեսկո Գվիդոլինի «Սուենսիին»:

Նման իրավիճակը, երբ ամբողջ ֆուտբոլային աշխարհի ուշադրությունը բեւեռվել է անգլիական ակումբների վրա, հանգիստ չի տալիս երկար տարիներ «համընդհանուր ուշադրության» դափնին իրենց ձեռքին պահող Մադրիդի «Ռեալին» եւ «Բարսելոնային»: Ընդ որում, խոսքը ոչ միայն մարզական հաղթանակների, տիտղոսների եւ դրա հետեւանքով առաջացած ուշադրության մասին է: Իսպանական այս 2 գրանդներն ուղղակի չեն կարողանում հանգիստ քնել, երբ այլ թիմերի մասին խոսվում է ավելի շատ, քան իրենց մասին: «Ռեալն» ու «Բարսան» մարզական առումով մրցակցությունից դուրս են Իսպանիայում, համարվում են Չեմպիոնների լիգայի խաղարկության հաղթողի գլխավոր թեկնածուներ, բայց մերձֆուտբոլային առումով՝ ասեկոսեներ, ինչ-ինչ չստուգված տեղեկություններ, սկանդալներ եւ այլն, չեն կարողանում մրցակցել հատկապես անգլիական թիմերի հետ: Եվրոպական մամուլը ինչ-որ չափով մոռացել է իսպանական 2 գրանդների մասին:

Իրավիճակը շտկելու համար «Ռեալը» եւ «Բարսելոնան» «համատեղ» ծրագիր են իրականացնում՝ փորձում են իրենց նախկին եւ ներկա ֆուտբոլիստների միջոցով կրկին դառնալ մամուլի հիմնական թեմա: «Բարսելոնայի» ուժեղագույն ֆուտբոլիստներից մեկը՝ Անդրես Ինյեստան, հրապարակել է «Արտիստը» գիրքը, որից հատվածներ, ընդ որում՝ բավական հետաքրքիր, հայտնվել են իսպանական մամուլում: Մասնավորապես մեծ արձագանք է ստացել բրազիլացի լեգենդար ֆուտբոլիստ Ռոնալդինյոյի մասին Ինյեստայի խոստովանությունը, համաձայն որի՝ 2005թ. կայացած «Ռեալ» - «Բարսելոնա» խաղից օրեր առաջ բրազիլացին գիշերվա ժամը 3-ին զանգահարել է Ինյեստային եւ տեղեկացրել, թե տեղափոխվում է «Ռեալ»: «Անդրես, դու երիտասարդ ես եւ կհասկանաս ինձ: Չեմ կարող հրաժարվել այդ անհավանական առաջարկից: Ուղղակի խնդրում եմ ոչ մեկին չասես այս մասին»,- ասել է Ռոնալդինյոն: «Խաղից առաջ՝ հանդերձարանում քար լռություն էր: Ոչ մեկը չէր կարողանում կատակել, անգամ՝ խոսել:

Հանկարծ խոսեց Ռոնալդինյոն. «Ես այս մի քանի օրերի ընթացքում հասկացա, որ մենք իսկական թիմ ենք: Դուք բոլորդ գիտեիք իմ տեղափոխվելու մասին՝ բոլորիդ էլ զանգել էի: Բայց դուք ինձ «չծախեցիք»՝ իրար չպատմեցիք «Ռեալ» տեղափոխվելուս գաղտնիքի մասին: Ու ես որոշեցի մնալ: Ուրիշ տեղ դժվար թե գտնեմ այսպիսի լավ ընտանիք, նման տղամարդ ընկերներ: Ես մնում են «Բարսելոնայում»: Իսկ հիմա եկեք դուրս գանք դաշտ ու ցույց տանք այդ «Ռեալին» թե ով ենք մենք», - իր գրքում պատմում է Ինյեստան: Հիշեցնեմ, որ դա Մադրիդի «Սանտյագո Բեռնաբեու» ստադիոնում կայացած այն պատմական խաղն էր, որն ավարտվեց «Բարսայի» հաղթանակով՝ 3-0 հաշվով: Ռոնալդինյոն անցկացրեց միգուցե իր կարիերայի լավագույն խաղը, դարձավ 2 հիասքանչ գոլերի հեղինակ եւ արժանացավ մադրիդյան հասարակության ծափահարություններին, ինչը բացառիկ երեւույթ է:  

Իսպանական 2 գրանդների կազմերում հանդես եկած պորտուգալացի Լուիշ Ֆիգուն էլ  ոչ այս կողմ, ոչ այն կողմ՝ խոսել է Կրիշտիանու Ռոնալդուի՝ «Բարսելոնա» հնարավոր տեղափոխության մասին: «Չեմ բացառում նման տեղափոխությունը: Ազատ շուկայի պայմաններում այն հնարավոր է: Երբ ինձ Մադրիդի «Ռեալից» առաջարկ եղավ, ես այդ մասին տեղյակ պահեցի «Բարսելոնայի» ղեկավարներին եւ խնդրեցի բարձրացնել աշխատավարձս: Բայց դա չարվեց, եւ ես տեղափոխեցի», - հայտարարել է Ֆիգուն: «Ռեալ» - «Բարսելոնա» հակամարտության շուրջ կատարվող իրադարձությունների մասին  իրենց հուշերն են ներկայացրել նաեւ Ռոնալդինյոն, «Բարսայի» երկարամյա ավագ Չավին:

Տպել
3396 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում