Ադրբեջանցի քաղաքական վտարանդիները խոստանում են գլխացավանք ստեղծել իշխանությունների համար

12/09/2016 schedule15:00

Սեպտեմբերի 11-ին Բաքվում տեղի է ունեցել ընդդիմադիր դաշտը միավորող «Ժողովրդավարական ուժերի ազգային խորհուրդ» դաշինքի հանրահավաքը: Չնայած, որ հանրահավաքը թույլատրվել է անցկացնել արվարձանային «Մեհսուլ» մարզադաշտում եւ դրա անցկացման համար բազմաթիվ խոչընդոտներ են ստեղծվել, այնուամենսյնիվ, բողոքի ակցիային մասնակցել է 10 հազարից ավելի մարդ: «Ոչ միապետությանը, ոչ թալանին» կարգախոսով հանրահավաքի կազմակերպիչները պահանջել են չեղյալ հայտարարել սեպտեմբերի 26-ին սահմանադրական փոփոխությունների շուրջ հանրաքվեն, որը նպատակ ունի պայմաններ ստեղծել երկրի իշխանությունը հորից որդուն ժառանգելու համար:

Բացի այդ, ընդդիմադիրները հավաքվածների ուշադրությունը հրավիրել են երկրում տիրող աղետալի սոցիալ-տնտեսական իրավիճակի վրա եւ իշխանություններին կոչ արել արմատական բարեփոխումներ անցկացնել երկրում: Հանրահավաքի ժամանակ, ինչպես նախորդ դեպքերում, Իլհամ Ալիեւի հրաժարականի պահանջ չի հնչեցվել: Որոշ տեղեկությունների համաձայն, հանրահավաքից առաջ դրա կազմակերպիչներին արգելել են իշխանությունների հրաժարականը պահանջող կոչեր հնչեցնել՝ հակառակ դեպքում սպառնալով ցրել ցույցը: Այնուամենայնիվ, հանրահավաքի ժամանակ դաշինքի մեջ մտնող «Ազգային ճակատ» կուսակցության առաջնորդ Ալի Քերիմլին հայտարարել է, որ հանրահավաքը Ադրբեջանում ծայր առնող նոր շարժման սկիզբն է, որը վերջ է դնելու ներկա իշխանությանը:

Մինչ Բաքվում ընդդիմադիրները փորձել են սահմանափակ պայմաններում իրենց բողոքի ձայնը բարձրացնել, նույն օրը Ստրասբուրգում տեղի է ունեցել եվրոպաբնակ ադրբեջանցի քաղաքական վտարանդիների հանդիպումը: Հանդիպման արդյունքներով հայտարարվել է. «Ադրբեջանը ժողովրդավարության կարիք ունի (Azerbaijan needs democracy)» կազմակերպության հիմնադրման մասին: Ադրբեջանցի քաղաքական վտարանդիներին միավորող նորաստեղծ կազմակերպության հիմնադիր համագումարին մասնակցել է «Ժողովրդավարական ուժերի ազգային խորհրդի» նախագահ Ջամիլ Հասանլին:

Ադրբեջանցի քաղաքական վտարանդիները հայտարարել են, որ կազմակերպության նպատակն է Ադրբեջանի սահմաններից դուրս ստեղծել պաշտոնական Բաքվին հակադիր ծանրակշիռ ուժ: Նորաստեղծ կառույցը մտադիր է համակարգել Ադրբեջանի իշխանություններին ընդդիմացող բոլոր ուժերի գործունեությունը եւ Ադրբեջանում տիրող իրավիճակի վերաբերյալ պարբերաբար տեսակետներ ներկայացնել ՄԱԿ-ում, ԵԱՀԿ-ում, Եվրոպայի խորհրդում, Եվրախորհրդարանում եւ այլ միջազգային հարթակներում:

Նորաստեղծ կառույցը ծրագրում է գրասենյակներ բացել Եվրոպայով մեկ, ինչպես նաեւ առաջիկայում տարածքային ստորաբաժանումներ ստեղծել նաեւ Միացյալ Նահանգներում՝ միավորելով նաեւ տեղի ադրբեջանցի քաղաքական վտարանդիներին: Ադրբեջանցի վտարանդիները խոստանում են, որ «Ադրբեջանը ժողովրդավարության կարիք ունի» կազմակերպությունն իսկական գլխացավանք է դառնալու պաշտոնական Բաքվի համար:

Տպել
3572 դիտում

Արցախում կորոնավիրուսի եւս 6 դեպք է հաստատվել. Հադրութում նոր օջախ է հայտնաբերվել

Հաստատվել է կորոնավիրուսի 706 նոր դեպք. արձանագրվել է 8 մահ, 1-ը՝ այլ հիվանդության հետեւանքով

Մուշավան թաղամասի ամառանոցներում բռնկված հրդեհը մարվել է. այրվել է 20 հա խոտածածկույթ

1995-ի այս օրը Հիմնական օրենքի նախագիծը դրվեց համազգային հանրաքվեի և հավանության արժանացավ. այսօր Սահմանադրության օրն է

Ջրափրկարարները քաղաքացուն դուրս են բերել Սևանա լճից. մոտորանավակը խափանվել էր

Սահմանադրությունը ոչ միայն իրավունք ու պարտականություն է, այլև՝ մտածողության մշակույթ. Ա. Սարգսկանի ուղերձը

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)