Ղարաբաղը պաշտպանել պայմանագրո՞վ, թե՞ առանց

Երեկ Ազգային ժողովի նիստին վերստին բարձրացվեց Լեռնային Ղարաբաղի ու Հայաստանի միջեւ փոխօգնության պայմանագիր «կնքել-չկնքելու» հարցը: Պատգամավորներին զայրացրել, զարմացրել ու անհանգստացրել էր այն փաստը, որ ԼՂ հետ փոխօգնության պայմանագրի ստորագրման Սերժ Սարգսյանի՝ ապրիլյան պատերազմի օրերին ԱԳՆ-ին տված հանձնարարականը մնացել է օդում կախված:

Մինչեւ վերջերս պատգամավորների ու լրագրողների բազմաթիվ հարցումներին ու հարցադրումներին ի պատասխան արտգործնախարարության տարբեր պաշտոնյաներ հնչեցնում էին հերթապահ՝ «պայմանագիրը մշակվում է» բառերը: Միայն վերջերս ԱԳ փոխնախարար Շավարշ Քոչարյանը հայտարարեց. «Պայմանագիրն, ըստ էության պատրաստ է»: Նա, սակայն, հրաժարվեց դրա կնքման ժամկետ նշել: «Տեքստում որոշակի անճշտություններ են տեղ գտել, որը պահանջեց հավելյալ աշխատանք: Սակայն հաջորդ նիստին այն անպայման կներկայացվի եւ կընդգրկվի ԱԺ օրակարգում»,- պարզաբանեց ԱԺ արտաքին հարաբերությունների հանձնաժողովի նախագահ Արտակ Զաքարյանը:

Արցախի հետ պայմանագիր ունենալ-չունենալու մասին քննարկումներն ու բանավեճերը սկսում են նմանվել Արցախը «ճանաչել-չճանաչելու» վերաբերյալ հայտարարություններին: Երկու բանավեճերի տոնայնության ու փաստարկվածության կամ դրա բացակայության մասին զուգահեռները պատահական չեն, քանի որ չճանաչված Արցախի հետ պայմանագրի կնքումը Հայաստանի կողմից ճանաչման ակտ է ենթադրում: Այլապես ինչպես կարող է Երեւանը կնքել պայմանագիր Ստեփանակերտի հետ, եթե չի ճանաչում վերջինիս անկախությունն ու սուվերենությունը:

Ճանաչումն իր հերթին ենթադրում է որոշակի գործողությունների համակարգ եւ հնարավոր հետեւանքներ, որին պետք է պատրաստ լինեն Հայաստանն ու Արցախը: «Ճանաչել Արցախը, նշանակում է դուրս գալ բանակցություններից», - բազմիցս նշել է ՀՀ արտաքին գործերի նախկին նախարար, ԱԺ պատգամավոր Ալեքսանդր Արզումանյանը: Նա կարծում է, որ անհրաժեշտության դեպքում Արցախի չճանաչված կարգավիճակի պայմաններում Ստեփանակերտի հետ պայմանագրի կնքման հնարավորություններ կան:

Ադրբեջանական կողմն արդեն իսկ արձագանքել է փոխօգնության պայմանագրի կնքման մասին խոսակցություններին՝ դրանք անվանելով «հայկական կողմի ապակառուցողական քայլ, ուղղված բանակցային գործընթացում յուրաքանչյուր դրական քայլի տապալմանը»: Փորձագետների համար պարզ է, որ գոնե այժմ Հայաստանը չի գնա Արցախի հետ փոխօգնության պայմանագրի պաշտոնական կնքման ճանապարհով:

«Սա ուղղակի հայկական կողմի ձեռքում խաղաքարտ է, որը խաղարկվում է Ադրբեջանի ու համանախագահների վրա ճնշում գործադրելու համար: Իրականում, սակայն, այդ պայմանագրի կնքմամբ ոչինչ չի փոխվի, քանի որ դրանից հետո ՀՀ-ն ԼՂ-ին ավել կամ պակաս չի պաշտպանելու: Ռազմաքաղաքական համագործակցության բանաձեւը մշակված է վաղուց», - մեզ հետ զրույցում նշեց Կովկասի ինստիտուտի փոխտնօրեն, ռազմական փորձագետ Սերգեյ Մինասյանը:

Մեզ հետ զրույցում Արցախի «Անալիտիկոն» հանդեսի գլխավոր խմբագիր Գեղամ Բաղդասարյանը նշեց, որ այդ պայմանագրի կնքելուց չէ, որ Արցախը կդառնա ավելի պաշտպանված: «Ավելին՝ այդ պայմանագիրն իրականության հետ ոչ մի կապ չունի: Սա ավելի շատ PR է: Փոխօգնության պայմանագիրը ոչ մի էական նշանակություն չի կարող ունենալ», - ասաց նա: Արցախի հետ փոխօգնության պայմանագիրը հավանաբար կարող է կնքվել միայն ռազմաճակատում իրավիճակի սրման ու բանակցությունների  փակուղային իրավիճակից դրդված: Պետք չէ մոռանալ, որ Արցախի ճանաչման կամ նրա հետ պայմանագրի կնքման մասին հայտարարությունները հնչում են պատերազմական կամ դրան շատ մոտ իրավիճակներում:

Տպել
8187 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները