Կարեն Կարապետյանն ընդդեմ Կարեն Կարապետյանի. իսկ ինչու է Հայաստանում գազը այդքան թանկ

Երեկ ՀՀ նորանշանակ վարչապետ Կարեն Կարապետյանն առաջին անգամ վարեց ՀՀ կառավարության նիստը: Իհարկե, դա շատ քիչ է կարծիք կազմելու համար, թե ինչպիսի վարչապետ է նա լինելու: Այդուհանդերձ, երեկ նա մի քանի հայտարարություններ է արել, որոնք կարող են «ուղեցուցային» համարվել:

«Առաջարկում եմ Հանրային ծառայությունները կարգավորող հանձնաժողովին, Էներգետիկայի եւ բնական պաշարների, Աշխատանքի եւ սոցիալական հարցերի նախարարներին՝ համատեղ քննարկել եւ առաջարկություններ ներկայացնել գազի եւ էլեկտրաէներգիայի սակագնային քաղաքականության վերանայման մասին։ Խոսքն ինչին է վերաբերում. մաքսիմալ նվազեցնել սոցիալապես անապահով խավերի համար սահմանված սակագինը՝ ի հաշիվ այլ սպառողների, տրամաբանական: Ապահովել սակագների խթանիչ ազդեցությունը բիզնեսի, հատկապես, գյուղատնտեսության եւ վերամշակող ճյուղերի համար։ Հանձնարարականը նույնպես կձեւակերպվի, ժամկետները կսահմանվեն։ Այս ամենը պետք է անել ոչ ի հաշիվ բյուջեի, այլ ի հաշիվ տնտեսվարող սուբյեկտների, որոնք այդ ծառայությունները մատուցում են»,- հայտարարեց Կարեն Կարապետյանը:

Շատ հոյակապ առաջարկ է: Գազն ու էլեկտրաէներգիան Հայաստանում շատ թանկ են, համեմատած բնակչության եկամուտների հետ: Բայց ո՞րն է դրա պատճառը: ՀՀ սահմանին գազի 1000 խորանարդ մետրը արժե 150 դոլար, բայց բնակչությանն այն վաճառվում է երկու անգամ թանկ: Այսինքն, մենք մեր օգտագործած գազի դիմաց վճարում ենք մի գին, որի կեսը գազի ինքնարժեքն է, մյուս կեսը, պատկերավոր ասած, այդ գազը մինչեւ մեր բնակարան հասնելու արժեքն է: Եվ դա շատ է` շատ շատ: Ինչո՞ւ: Շատ պարզ պատճառով: Որովհետեւ ժամանակին «Հայռուսգազարդը» (ներկայումս «Գազպրոմ Արմենիան») որոշեց, որ Հայաստանը պետք է դառնա աշխարհի ամենագազաֆիկացված երկիրը ու սկսեց թանկուկրակ ցանց կառուցել:

Գազ էր հասցվում հեռավոր, շատ քիչ բնակչություն ունեցող գյուղեր: Տեսականորեն դա շատ լավ է, գործնականում՝ խիստ անարդյունավետ: Դեպի հեռավոր գյուղեր խողովակաշարեր կառուցելու ծախսերը ամենեւին էլ չեն մնացել «Հայռուսգազարդի» վրա: Այդ ծախսերը մինչեւ վերջին լուման ներառվել են գազի սակագնի մեջ եւ այդ ծախսը «քաշել» ենք մենք` սպառողներս: Ու այսպիսի անարդյունավետ մենեջմենտի արդյունքում գազի սակագինն այնքան է բարձրացել, որ վերը նշված գյուղերի բնակիչները, ունենալով գազ, ձմռանը փայտ ու աթար են վառում: Ու երեք փորձից կռահեք, թե ով էր այդ տարիներին գլխավորում «Հայռուսգազարդը»: Ճիշտ է. նույն ինքը`ՀՀ նորանշանակ վարչապետ Կարեն Կարապետյանը:

Գազի սակագնի բարձր լինելու եւս մի պատճառ: Ժամանակին «Հայռուսգազարդը» քաղաքական նկատառումներով 40 միլիոն դոլարով ձեռք բերեց Իրան-Հայաստան գազամուղի` Հայաստանով անցնող ամբողջ հատվածը: Ի՞նչ եք կարծում, ո՞վ վճարեց այդ 40 միլիոն դոլարը: Մոզամբի՞կը, Բուրկինա ֆասո՞ն, Ճապոնիա՞ն, թե՞ Սինգապուրը: Այդ գումարը նույնպես դրվեց գազի սակագնի մեջ եւ մենք կոպեկը կոպեկին վճարեցինք դրա դիմաց:

Հիմա՝ էլեկտրաէներգիայի սակագնի վերաբերյալ: Հայաստանում արտադրվող էլէներգիայի մոտ 30 տոկոսը արտադրվում է ջերմաէլեկտրակայաններում` ՋԷԿ-երում, որտեղ որպես վառելիք օգտագործվում է գազը` բացառապես գազը: Այն նույն գազը, որի սակագինը շատ բարձր է ստացվում շնորհիվ «Հայռուսգազարդի» իրականացրած «փայլուն» մենեջմենտի:

Ասել, որ սրանք, պարզապես, սխալ մենեջմենտի դրսեւորումներ էին, կնշանակի, որ խիստ մեղմացնում ենք: «Հայռուսգազարդը» եւ ՀՀ կառավարությունը եկել էին համաձայնության: Նման դեպքերում ասում են՝ հանցավոր համաձայնության: Գազի բարձր սակագինը ձեռնտու է թե՛ «Հայռուսգազարդին» («Գազպրոմ Արմենիային»), եւ թե՛ կառավարությանը: Որքան բարձր է սակագինը, այնքան մեծ հասույթներ ունի «Հայռուսգազարդը» եւ այնքան շատ գումար է հավաքում կառավարությունը: Գազի եւ էլէներգիայի դիմաց մեր վճարած գումարի ուղիղ 20 տոկոսը գնում է պետական բյուջե: Ու որքան բարձրացվում է սակագինը, այնքան շատ հարկ է վճարվում պետբյուջե, այնքան կառավարությունն ավելի շատ է գլուխ գովում, թե բյուջեի եկամուտները մեծացել են: Իսկ այդ գումարները դուրս են գալիս մեր ու միայն մեր գրպանից, ինչպես ժողովուրդն է ասում` մեր երեխաների բերանից ենք կտրում: Ու այդ «հանճարեղ օպերացիաները» իրականացվում են մի երկրում, որտեղ բնակչության 30-35 տոկոսը` մոտ մեկ միլիոն մարդ պաշտոնապես համարվում է աղքատ:

Հիմա ի՞նչ է նշանակում Կարեն Կարապետյանի` գազի սակագները փոփոխության ենթարկելու մասին հայտարարությունը: Փաստորեն, «Հայռուսգազարդի» ղեկավար Կարեն Կարապետյանի գործունեությունը եւ ՀՀ վարչապետ Կարեն Կարապետյանի հայտարարություններն ուղղակիորեն հակասում են միմյանց: Այստեղ կա երկու տարբերակ: Առաջին` Կարապետյանը զբաղվում է պարզ պոպուլիզմով, երկրորդ` նա 180 աստիճանով փոխել է մոտեցումը որպես մենեջեր: Մնում է պարզել, թե այս երկու տարբերակներից որի հետ գործ ունենք:

Շատ լավ կլինի, եթե տեղի ունենա երկրորդ տարբերակը: Բայց այստեղ էլ խնդիր կա: Լավ մենեջերի համբավը նա վաստակել է հենց որպես «Հայռուսգազարդի» ղեկավար: Ու հիմա եթե նրա մոտեցումները 180 աստիճանով փոխվում են, ստացվում է՝ նրա համբավը խիստ չափազանցված էր:

Տպել
9679 դիտում

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին