ՀՀԿ-ՀՅԴ կոալիցիան վտանգված է. Դաշնակցությունը կդադարեցնի՞ քաղաքական համագործակցությունը

24/09/2016 schedule09:09

Նոր կառավարության ձեւավորման գործընթացներում առանձնակի հետաքրքրության առարկա է դաշնակցական նախարարների հարցը: Այս տարվա փետրվարի 24-ին ՀՀԿ-ՀՅԴ համագործակցության համաձայնագրի ստորագրման արդյունքում Դաշնակցությունը ստացավ նախարարական երեք  եւ մարզպետի երկու պորտֆել: Յոթ ամիս անց, սակայն, իրավիճակ է փոխվել: Արդյոք ՀՅԴ-ն նոր կառավարությունում կպահպանի՞ իր քվոտան:

Երեկվա դրությամբ այս հարցի պատասխանը կարծես թե դաշնակցականներն էլ չունեին: Ճիշտ է, լրագրողների հետ շփումներում նրանք փորձում են հակառակ տպավորությունը ստեղծել՝ վստահեցնելով, որ ոչ մի պորտֆել չեն կորցնի: Վարչապետի փոփոխության ընթացքը, սակայն, ցույց տվեց, որ ՀՅԴ-ականներն այնքան էլ չեն տիրապետում իրավիճակին, եւ միշտ չէ, որ կատարվում է այն, ինչ նրանք վստահաբար պնդում են:

Արդեն հայտնի է, որ Արծվիկ Մինասյանն էկոնոմիկայի նախարար չի լինի: Խոսակցություններ կան, որ Մինասյանը կնշանակվի բնապահպանության նախարար: Երեկ Մինասյանն ըստ էության հաստատեց, որ իրեն նոր առաջարկություն է արվել եւ ասաց, որ դա քննարկման է դրվելու ՀՅԴ ԳՄ-ում: Խոսակցություններ կան նաեւ, որ ՀՅԴ-ական մյուս երկու նախարարները` Լեւոն Մկրտչյանն ու Դավիթ Լոքյանը կվերանշանակվեն: Դաշնակցական երեք նախարարների դեպքում էլ, սակայն, որոշակի խնդիրներ կան: Լոքյանն ու Մկրտչյանը Կարեն Կարապետյանի կառավարության  կարգախոսը դարձած «նոր սկզբի» համար բավական «հին» են եւ ոչ մի կերպ չեն տեղավորվում «տեխնոկրատների  կառավարությունում»: Արծվիկ Մինասյանն այս առումով ընդունելի կադր է, սակայն նրա դեպքում էլ նոր առաջարկից հրաժարվելու անձնական դրդապատճառներ կարող են լինել:

Նախ` վարչապետի պաշտոնում կառավարության առաջին նիստը վարելիս Կարեն Կարապետյանը Մինասյանի հետ բավական տգեղ վարվեց: Բացի այդ, Մինասյանի կերպարը հուշում է, որ նա չի կարող ոգեւորված լինել բնապահպանության համակարգ տեղափոխվելու հեռանկարով: Չի բացառվում, որ Գերագույն մարմնում քննարկումների ժամանակ Մինասյանն ինքնաբացարկ ներկայացնի: ՀՅԴ-ին կարող է առաջարկվել կուսակցությունից դուրս գտնել նոր կառավարության չափանիշներին համապատասխանող անհատներ եւ պահպանել կառավարությունում իրենց պորտֆելները՝ միեւնույն ժամանակ չունենալով դաշնակցական նախարարներ: Ի վերջո, եթե իշխող ՀՀԿ-ում նոր կառավարությունում կուսակցական պատկանելությունը առաջնային չեն համարում, ինչու չպետք է այդպես լինի նաեւ կոալիցիոն գործընկերոջ դեպքում: 

ՀՅԴ-ի համար, սակայն, հիմա շատ ավելի լուրջ հարց կա: Փաստացի վտանգի տակ է հայտնվել ՀՀԿ-ի հետ կոալիցիան, քանի որ արդեն իսկ խախտվել են ՀՀԿ-ՀՅԴ համագործակցության համաձայնագրի մի քանի կետեր: Համաձայնագրում գրված է. «Քաղաքական համագործակցության կողմերը պարտավորվում են՝

Համատեղ ջանքեր գործադրել պետական կառավարման արդյունավետության բարձրացման եւ նրա նկատմամբ հանրային վստահության ամրապնդման ուղղությամբ, այդ թվում` կառավարության կառուցվածքին, գործունեության կարգին եւ կադրային քաղաքականությանը վերաբերող որոշումներ կայացնելիս: (...) Քննարկման առարկա դարձնել Ազգային ժողովի եւ Կառավարության գործունեությանը վերաբերող ցանկացած հարց»:

Սեպտեմբերի 7-ին nwes.am-ին տված հարցազրույցում մեկնաբանելով Հովիկ Աբրահամյանի սպասվող հրաժարականի մասին խոսակցությունները, ԱԺ ՀՅԴ խմբակցության ղեկավար Արմեն Ռուստամյանն ասում է. «Չեմ կարծում, որ առանց մեզ հետ խոսելու, այդ հարցը քննարկելու, այդպիսի բան կատարվի, ի վերջո վարչապետի փոփոխություն՝ նշանակում է կառավարության վերանայում։ Դա այն գլխավոր հարցերից մեկն է, որ հիմնականում կոալիցիոն գործընկերներին պետք է դրա մասին տեղեկացնեն»:

Հաջորդ օրը Հովիկ Աբրահամյանը հրաժարական տվեց: Սեպտեմբերի 9-ին արդեն Ռուստամյանը բացատրում էր, թե ինչ կարեւոր էր կառավարության փոփոխությունը հիմա եւ ինչ լավ հնարավորություն է ստեղծվել ՀՅԴ-ի համար աշխատելու նոր կառավարության ծրագրի վրա: Հարցերին էլ, թե իրենք երբ են տեղեկացված եղել հրաժարականի մասին, Ռուստամյանը պատասխանում էր, որ կոալիցիայի նիստերում փոփոխության անհրաժեշտությունը միշտ էլ քննարկվել է:

ՀՅԴ բյուրոյի ներկայացուցիչ Հրանտ Մարգարյանը «Ժողովուրդ» թերթին տված հարցազրույցում նույն հարցին  պատասխանում է. «Դե, հիմա ինչ կարեւոր է… բայց այնպես չի, որ չենք իմացել, կարծում եմ, որ առաջիններից ենք եղել, որ իմացել ենք»: ՀՀԿ-ՀՅԴ համաձայնագրում ասվում է նաեւ, որ անհաղթահարելի տարաձայնությունների առաջացման դեպքում կուսակցություններից յուրաքանչյուրը, մյուս կողմին գրավոր տեղեկացնելով, կարող է դադարեցնել քաղաքական համագործակցությունը:

Ակնհայտ է, որ կառավարության փոփոխության հարցում կոալիցիոն գործընկերների միջեւ տարաձայնություններ են առաջացել, իսկ թե որքանով դրանք անհաղթահարելի կլինեն՝ առաջիկայում կերեւա:

Տպել
5692 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները