Հայաստանն իջեցնում է հակառուսական «գրադուսը»

Հայաստանում կառավարության փոփոխությունը, ըստ մամուլում համառորեն շրջանառվող լուրերի, ավելի խորքային եւ արտաքին քաղաքական երանգներ ունեցող տեղաշարժերի մասին է խոսում:

Նախընտրական տարում կառավարության ղեկավարի եւ ֆինանսա-տնտեսական բլոկի նախարարների փոփոխությունը, ինչպես հայտնում են իշխանության մեր աղբյուրները, սոսկ կադրային փոփոխություններ չեն: Կարեն Կարապետյանի՝ Ռուսաստանից Հայաստան «տրանսֆերը» զուգորդվում է նաեւ իշխանական բուրգում ներքին տեղեկատվական հոսքերին հետեւող, հաճախ դրանք ուղղորդող ու վերահսկող կառույցներում կադրային փոփոխություններով: «Վերանայվում եւ փոփոխվում է շատ բան, այդ թվում՝ տեղեկատվական քաղաքականությունը»,- հայտնեցին իշխանական մեր աղբյուրները:

Մամուլն արդեն հայտնել է ՀՀ նախագահի աշխատակազմի «Հանրային կապերի եւ տեղեկատվության կենտրոն» ՊՈԱԿ տնօրեն Արա Սաղաթելյանի հնարավոր հրաժարականի մասին: Նրա ղեկավարած կառույցը ոչ միայն պետական կառավարական մարմինների հասարակայնության հետ կապերի համակարգմամբ էր զբաղվում, այլեւ ներքին տեղեկատվական դաշտի մանրամասն մոնիտորինգի, վերահսկողությամբ ու երբեմն էլ ուղղորդմամբ: Ներքին տեղեկատվական հոսքերով զբաղվող կառույցում ղեկավարի հնարավոր փոփոխությունը ենթադրում է նաեւ տեղեկատվական քաղաքականության եթե ոչ 180 աստիճան փոփոխություն, ապա գոնե բավականին զգալի ճշգրտումներ: Ըստ մեզ հասած տվյալների, գոնե մոտ ապագայում Հայաստանում այդ նոր տեղեկատվական քաղաքականության հիմնական թիրախներից է լինելու հակառուսական տրամադրությունների մեղմումը: Ինչ-որ առումով դրան էր ուղղված նաեւ վարչապետի փոփոխությունը, որը համարվում է ՌԴ-ի համար շատ լոյալ եւ ընդունելի կադր:

«Այժմ նպատակ է դրված ապահովել նոր կառավարության համար տեղեկատվական աջակցություն: Այս կառավարությունն ավելի սերտորեն է աշխատելու ՌԴ-ի հետ, ուստի եւ պետք է համապատասխան տեղեկատվական ֆոն կամ հակառուսական տեղեկատվական հոսքերի կտրուկ նվազեցում: Այսինքն՝ կառավարության համար տեղեկատվական անհարմարություններ ՌԴ-ի հետ աշխատանքում, եթե չասենք՝ չեն լինելու, ապա մինիմալացվելու են դրանք», - նշում է մեր զրուցակիցը:

Ռուսաստանում գոնե փորձագիտական մակարդակում բավականին մեծ ուշադրությամբ հետեւում են Հայաստանում տեղի ունեցող զարգացումներին: «Հայաստանը շատ մեծ երկիր չէ, եւ հեշտ է հետեւել ու հասկանալ, թե ում ինչ է պատկանում եւ ով ինչով է զբաղվում: Որքան էլ խոսեն խոսքի ազատության մասին, շատերը Ռուսաստանում լավ գիտեն, թե տեղեկատվական հոսքերի կառավարմամբ Հայաստանում ով է զբաղվում: Ուստի եւ ով է հիմնականում հանրային տրամադրություններ ու օրակարգ ձեւավորում: Իրականում ՀՀ նախագահի փեսայի կողմից է ղեկավարվում կամ նրա վերհասկողության տակ են գտնվում շատ տեղեկատվական կայքեր, ռադիոկայաններ ու հեռուստաալիքներ: Դրանք բոլորը միավորված են մեկ ընդհանուր «ՊանԱրմենիան Մեդիա Գրուպ» անվանումը կրող կազմակերպության շրջանակներում: Սա մի տեղեկատվական հարվածային գործիք է, որը անհրաժեշտության դեպքում սկսում է գործել ու հանրային կարծիք, օրակարգ ձեւավորել: Մենք տեսանք, թե ինչպես աշխատեց այն «ElectricYerevan-ի ժամանակ, երբ Բաղրամյան պողոտայում ցույցեր էին տեղի ունենում հոսանքի թանկացման դեմ: Մենք տեսանք, թե ինչպես աշխատեց այն ապրիլյան պատերազմի օրերին եւ դրանից հետո: Այն է՝ հիմնական սլաքներն ուղղվեցին ՌԴ-ի դեմ», - մեզ հետ զրույցում նշեց Մոսկվայում գործող Կովկասագետների գիտական միության նախագահ, քաղաքագետ Ալեքսանդր Կռիլովը:

Կռիլովը չի քննադատում այս աշխատաոճը, ավելին, նրա կարծիքով, սա Հայաստանի համար ՌԴ-ի հետ քաղաքական առեւտրի կամ հարաբերվելու, գուցե նաեւ խնդիրներ լուծելու տարբերակ է: Այս գործիքի կիրառելիությունը ավելի պահանջված դարձավ հայաստանյան իշխանությունների համար, երբ պաշտոնական Երեւանը Մոսկվայից ստացած անբեկանելի առաջարկությունից հետո անդամակցեց Եվրասիական տնտեսական միությանը: Արտաքին քաղաքականությունում մանեւրելու դաշտը կտրուկ նվազեց, սակայն մանեւրելու ցանկությունը՝ ոչ: Ուստի այդ մանեւրելու տարբերակները սկսեցին փնտրել ներսում, օրինակ՝ տեղեկատվական հոսքերի նպատակային կառավարման ու ուղղորդման տեսքով: Սա դարձավ երկրի ներսում որոշակի արտաքին քաղաքական հարցեր լուծելու մեխանիզմ:

«Այն բավականին հարմար գործիք է, որը անհրաժեշտության դեպքում գործի է դրվում այս կամ այն ուղղությամբ: Այժմ երեւի ժամանակն է, որպեսզի նոր կառավարության փոփոխությամբ որոշակի փոփոխություն կատարվի նաեւ այդ գործիքի ուղղության կիրառելիության մեջ, քանի որ ՀՀ-ում նաեւ այդ մեխանիզմով ուռճացված հակառուսական տրամադրությունները մոտենում են վտանգավոր կետի: Պետք է այն մեղմել, քանի որ Հայաստանի համար Ռուսաստանի կարեւորությունը մեծ է: Վերջերս միայն Հայաստանի անկախության տոնին նվիրված զորահանդեսի ժամանակ ՌԴ-ից ներկրված սպառազինության ցուցադրությունը Երեւանի համար Մոսկվայի կարեւորության յուրօրինակ ցուցահանդեսն էր»,- եզրափակեց Կռիլովը:

Տպել
3940 դիտում

Ամառային զորակոչի մեկնարկի առիթով ՊԲ զորամասերում հանդիսավոր արարողություններ են անցկացվել

Վերանայվել է 1․3 տրիլիոն դրամ մնացորդով շուրջ 980 հազար վարկային պայմանագիր․ բանկերի միության նախագահ

Մանկապարտեզներում արձանագրվող խախտումները նվազել են. ԿՏՄ

Ինքնաձիգ, ատրճանակներ, նռնակներ․ քաղաքացիները ոստիկանության բաժիններում հրազեններ են հանձնել (տեսանյութ)

«Սուրբ Գրիգոր Լուսավորիչ» ԲԿ-ն արձագանքել է մահացած կնոջ մարմինը կորցնելու ու նրա հեռախոսից գումար փոխանցելու դեպքին

ՌԴ ԿԸՀ-ն կայացած է համարել երեկվա ընտրությունները. պաշտոնական արդյունքները կհրապարակվեն վաղը

ԱԻՆ ջրափրկարարները դադարեցրել են կորած քաղաքացու ստորջրյա որոնողական աշխատանքները

Լավ կլինի՝ վերադառնաք Ձեր «մահացած» քաղաքական ուժի ռեինկառնացիային. Արսեն Թորոսյանը՝ Նաիրա Զոհրաբյանին

Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին

Կասեցումներ են իրականացվել «ՎՏԲ Հայաստան բանկ»-ում, Սոցիալական ապահովության ծառայությունում, առեւտրի կենտրոններում․ ԱԱՏՄ

Ստեղծվել է ԱԺ քննիչ հանձնաժողով. կուսումնասիրվեն կորոնավիրուսային իրավիճակում իրականացված միջոցառումներն ու այլ հարցեր

Գեղարքունիքում հաստատվել է կորոնավիրուսային հիվանդության 31 նոր դեպք, եւս 27 հոգի առողջացել է

Ձերբակալվել են Գյումրու սոց. աջակցության տարածքային բաժնի վեց աշխատակիցներ, այդ թվում՝ բաժնի պետը և գլխավոր մասնագետները

Սրբուհի Գալյանն ընտրվել է գլխավոր դատախազի՝ ապօրինի գույքի բռնագանձման ոլորտը համակարգող տեղակալ

Կոտայքի մարզպետը նախորդ տարի 35 մլն դրամ վարկ է վերցրել և 51 մլն դրամանոց բնակարան գնել

Դեռեւս ոչ մի կոնկրետ որոշում չկա մեծահասակների աշխարհի առաջնության վերաբերյալ. Արսեն Ջուլֆալակյան

Նախագահ Արմեն Սարգսյանն ու ԱԱԾ տնօրեն Արգիշտի Քյարամյանը հանդիպել են

Հայաստանի հավաքականը կմասնակցի ՖԻԴԵ-ի կողմից կազմակերպվող օնլայն Օլիմպիադային

Սա հեքիաթ է. Գյումրին կունենա օդային երթուղի. Սամվել Բալասանյան

Հայաստանը՝ «Հավասարության սերունդ» կանանց իրավունքների հարցերով մեկնարկած նախաձեռնության թեմատիկ դաշինքի առաջնորդ