Երևան
6 °C
«Եթե մենք ստվերը դաշտ չբերենք, ինչ ուզում է անենք, երկիրը երկիր չենք դարձնի»,- երեկ Հայաստանի արդյունաբերողների եւ գործարարների միության (ՀԱԳՄ) անդամների հետ հանդիպման ժամանակ հայտարարել է ՀՀ նորանշանակ վարչապետ Կարեն Կարապետյանը:
Ճիշտ, շատ ճիշտ բան է ասում վարչապետը: Կասկածի տակ դնելու որեւէ հիմք որեւէ մեկը ներկայացնել չի կարող: Բայց մի՞թե սա նորություն է, արդյոք նախկինում, նախկին վարչապետները այդ նույն բանը չե՞ն ասել: Պարզվում է՝ ասել են եւ ոչ պակաս հաստատակամ ոճով:
«Ստվերը բոլորիս թշնամին է, եւ պայքարը ստվերի դեմ լինելու է անողոք, անաչառ եւ հետեւողական»,- 2014 թվականի մայիսի 20-ին վարչապետ նշանակվելուց կարճ ժամանակ անց հայտարարեց այն ժամանակվա վարչապետ Հովիկ Աբրահամյանը: Վերջինս նույնիսկ կոնկրետ օրինակներ էր բերում, թե ով է ստվերից դուրս գալու: 2014 թվականի մայիսի 24-ին, ՀՀԿ համագումարից առաջ լրագրողների հետ զրույցում Հովիկ Աբրահամյանը հայտարարեց, թե ՀՀԿ գործարար պատգամավոր Սամվել Ալեքսանյանը իրեն խոստացել է այսուհետ աշխատել հարկային դաշտում: «Հայաստանի գործարարների հետ հանդիպման ընթացքում Ալեքսանյանը հայտարարել է, որ պատրաստ է «մաքուր» աշխատել եւ հարկային դաշտ մտնել, եթե բոլոր գործարարները նույն կերպ վարվեն: Նա խոստացել է «մաքուր» աշխատել, եւ ինձ չի հետաքրքրում, թե ինչ է եղել մինչ այդ, ինձ հետաքրքրում է, թե ինչ է լինելու այսուհետ, այսինքն` բոլոր գործարարները պետք է աշխատեն հարկային դաշտում»,- ասել էր նախկին վարչապետը:
«Դեռեւս մենք ունենք բավական մեծ ստվերային տնտեսություն, եւ մեր ջանքերն առաջին հերթին ուղղված են ստվերային տնտեսության կրճատմանը եւ արդարության սկզբունքի ներդրմանը հարկային դաշտում»,- սա է՛լ «ավելի» նախկին վարչապետ Տիգրան Սարգսյանի հայտարարությունն է՝ թվագրված 2011 թ. հոկտեմբերի 31-ով: Այդ օրը ՀՀԿ-ի տնտեսական կոնֆերանսն էր, որի ժամանակ նա պատասխանել էր լրագրողների հարցերին:
Դրանից տարիներ առաջ էլ` 2008 թվականի օգոստոսի 8-ին կառավարության նիստում Տիգրան Սարգսյանը ելույթ ունեցավ եւ խոսեց «ստվերի» մասին: «Եթե մենք չենք կարողանալու պայքարել ստվերային տնտեսության դեմ, չենք կարողանալու ավելացնել հարկերը, իսկ դա նշանակում է, որ չենք կարողանալու բարձրացնել թոշակները, աշխատավարձերը, սոցիալական նպաստները: Սրանք փոխկապակցված խնդիրներ են: Մենք պետք է ստանանք հասարակության աջակցությունը, որպեսզի այս գործընթացում ունենանք հաջողություն»,- ասել էր Սարգսյանը:
Երկրի համար ստվերային տնտեսության կործանարար լինելու, դրա դեմ անողոք պայքարելու մասին նախկին վարչապետների եւ այլ բարձրաստիճան պաշտոնյաների հայտարարությունները շատ են, չափազանց շատ: Այնքան շատ, որ դրանք ուղղակի ձանձրացրել են հանրությանը: Հանրությունն էլ շատ լավ գիտի, որ ստվերի դեմ պայքարի «ջատագովները» հենց իրենք են հիմնական ստվերի կնքահայրերն ու հովանավորները: Եվ դրանով իսկ անցած տարիներից ստվերային տնտեսության դեմ պայքարի գաղափարը հետեւողականորեն ու թերեւս մտածված արժեզրկվել է:
Ու հիմա ստվերի դեմ պայքարի մասին հայտարարում է նորանշանակ վարչապետ Կարեն Կարապետյանը: Երեկվա հանդիպման ժամանակ վարչապետը ասել է, թե կառավարության գերխնդիրն է ստեղծել այնպիսի միջավայր, որպեսզի «սպիտակ դաշտում» աշխատող գործարարն իրեն հարմարավետ զգա, իսկ ստվերում աշխատողը գիտակցի, որ առաջին հերթին հենց իրեն է պետք դառնալ բարեխիղճ հարկատու: Արդյոք նոր վարչապետի` գործարար աշխարհին ուղղված ուղերձը կարո՞ղ է հասնել նպատակին:
Փաստորեն շատ հետաքրքիր իրավիճակ է: Կարեն Կարապետյանը ասում է բաներ, որոնք պարզ ճշմարտություններ են: Կարելի է ենթադրել, որ նա իրոք այդպես է մտածում` «Եթե մենք ստվերը դաշտ չբերենք, ինչ ուզում է անենք, երկիրը երկիր չենք դարձնի»: Բայց այդ պարզ ճշմարտությունը արդեն ձանձրացրել է հանրությանը իսկ գործարար աշխարհը լրիվ իրավունքները ունի չհավատալու այդ հայտարարությանը: Բայց ստվերի դեմ պայքարի գործում առաջին հերթին անհրաժեշտ է հանրության վստահությունը եւ գործարար աշխարհի աջակցությունը, ինչը գոնե այս պահին չկա: Ու ստացվում է կախարդական շրջան. ասում ես՝ պայքարենք ստվերային տնտեսության դեմ, ոչ ոք չի հավատում դրան, պայքարը տապալվում է, եւ հանրությունն ու գործարար աշխարհը կրկին անգամ ձանձրանում ու հիասթափվում են...:
Իսկ ստվերի դեմ պայքարում առանց լայն աջակցության հաջողության հասնելը անհնարինի ոլորտից է: Ստվերային տնտեսություն ասվածը նկուղներում թաքնված գաղտնի արտադրամասերի ցանց չէ, որը պետք է հայտնաբերել ու բերել «սպիտակ դաշտ» կամ հրդեհել հիմնահատակ: Ստվերային տնտեսություն ասվածը բոլորիս աչքի առաջ գործող հսկայական ու ճանաչված ընկերություններ են, որոնք հովանավորվում են իշխանության բարձր ու ամենաբարձր մակարդակներով: Ու եթե որեւէ մեկը փորձի շոշափելի հարված հասցնել ստվերային տնտեսությանը, կստացվի, որ ուղղակիորեն եւ անմիջականորեն հարվածում է հենց իշխանությանը: Իսկ Հայաստանում իշխանություն ասելով՝ հասկանում ենք ՀՀԿ-ի եւ ՀՀԿ-ամերձ տարատեսակ «ընդդիմությունների» վերնախավին: Ուրեմն ստացվում է որ ստվերի դեմ պայքարը պայքար է քաղաքական իշխանության բարձր օղակների դեմ: Այն օղակների, որոնք Կարեն Կարապետյանին նշանակել են վարչապետ, ապահովում են նրա «քաղաքական աջակցությունը», նրան «քարտ բլանշ են» տվել...: Սա էլ իր հերթին նշանակում է որ երկրի քաղաքական իշխանությունը սկսելու է պայքարել ինքն իր դեմ: Ինչպե՞ս հավատալ նման հեռանկարին: Եթե դա իրոք այդպես է, ապա քաղաքական իշխանությունը ամբողջությամբ կորցրել է ինքնապահպանման բնազդը: Իսկ դա, այսպես ասենք, քիչ հավանական է:
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան
© 2024 Հայկական ժամանակ