Հին «մեղքերի» համար հայկական ծանրամարտը կանգնած է որակազրկման վտանգի առաջ

Ծանրամարտի միջազգային ֆեդերացիան տեղեկացնում է, որ 2012 թ. Լոնդոնում կայացած Օլիմպիական խաղերի մասնակից Նորայր Վարդանյանի դոպինգ թեստի կրկնակի ստուգման արդյունքները դրական են եղել՝ հայաստանցի ծանրորդը խթանիչներ է օգտագործել: Նորայր Վարդանյանը ժամանակավորապես որակազրկվել է, իսկ վերջնական որոշումը միջազգային ֆեդերացիան կկայացնի առաջիկայում:

Հիշեցնենք, որ Նորայր Վարդանյանը լեգենդար ծանրորդ Յուրի Վարդանյանի որդին է, երկար ժամանակ հանդես է եկել ԱՄՆ-ի դրոշի տակ, իսկ Լոնդոնի Օլիմպիական խաղերից առաջ սկսեց ներկայացնել Հայաստանը: Հետագայում, Վարդանյանը կրկին հանդես եկավ ԱՄՆ-ի դրոշի տակ: Նորայր Վարդանյանի հայտնվելը Հայաստանի հավաքականի կազմում բանավեճի առիթ դարձավ. մարզաշխարհում վստահ էին, որ հավաքականում ընդգրկվելու հիմնական պատճառը Յուրի Վարդանյանի պաշտոնն էր՝ ՀՀ նախագահի խորհրդական:

Նորայր Վարդանյանը Լոնդոնի Օլիմպիական խաղերում չկարողացավ արդարացնել սպասելիքները՝ զբաղեցրեց 11-րդ տեղը, իսկ հիմա կարող է լրջագույն վնաս հասցնել մեր սպորտին: Երբ Ռուսաստանի հետ կապված դոպինգ սկանդալի հետեւանքով հակադոպինգային համաշխարհային կազմակերպությունը պահանջեց վերստուգել նախորդ 2 Օլիմպիական խաղերի մասնակիցների դոպինգ թեստերը, ծանրամարտի միջազգային ֆեդերացիան հայտարարեց, որ եթե այդ 2 Օլիմպիական խաղերի մասնակից մարզիկների նմուշների վերստուգման արդյունքում մեկ երկրի 3 եւ ավելի ծանրորդի օրգանիզմում արգելված խթանիչներ հայտնաբերվեն, ապա այդ երկրի ֆեդերացիան կորակազրկվի մեկ տարով:

Հիշեցնենք, որ 2008թ. Օլիմպիական խաղերի ընթացքում արգելված խթանիչներ են օգտագործել Տիգրան Գ. Մարտիրոսյանը եւ Հռիփսիմե Խուրշուդյանը, 2012թ. խաղերին` նույն Խուրշուդյանը: Հիմա էլ այս ցանկին ավելանում է Նորայր Վարդանյանը: Ստացվում է 2 Օլիմպիական խաղերի ընթացքում Հայաստանը ունեցել է խթանիչներ օգտագործած 3 ծանրորդ, ինչը հնարավոր որակազրկման պատճառ կարող է դառնալ:

Երեկ «Armsport. am» կայքին տված հարցազրույցում Հայաստանի ծանրամարտի հավաքականի գլխավոր մարզիչ Փաշիկ Ալավերդյանը հերքել է այս կարծիքը եւ հայտարարել, թե Հայաստանին որակազրկում չի սպասում: «Նոր օրենքների համաձայն 1 տարում դոպինգ թեստը տապալած 3 ծանրորդների պատճառով միայն հավաքականը կարող է որակազրկվել: Բացի այդ, հավաքականը որակազրկվում է, եթե չի վճարվում համապատասխան տուգանքը՝ 3 մարզիկների համար այն կազմում է 50 հազար դոլար: Հայաստանի հավաքականին որակազրկում չի սպառնում» - պարզաբանել է Փաշիկ Ալավերդյանը:

Նշենք, որ դոպինգ թեստերի վերստուգման արդյունքում ծանրամարտը հայտնվել է խորը ճգնաժամի մեջ՝ շատ մեծ է խթանիչներ օգտագործած մարզիկների թիվը: Եթե ծանրամարտի միջազգային ֆեդերացիան կիրառի իր պայմանը՝ որակազրկի 2008 եւ 2012 թվականների Օլիմպիական խաղերում որակազրկված 3 ծանրորդներ ունեցող երկրներին, ապա հնարավոր է, որ առաջիկա մրցաշարերն ուղղակիորեն տապալվեն մարզիկների քիչ քանակի հետեւանքով: Առաջիկայում ծանրամարտի միջազգային ֆեդերացիան իր արտահերթ նիստում քննարկելու է այս հարցերը եւ ընդունելու է որոշումներ, որից հետո պարզ կլինեն շատ հարցեր, այդ թվում՝ Հայաստանի թիմի հետագա ճակատագիրը:

Նկարում՝ Յուրի Վարդանյանը (ձախից) որդու՝ Նորայր Վարդանյանի հետ

Տպել
2960 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)