Մենք ադրբեջանցիներին համարժեք պատասխան չենք տալիս, մի քիչ ավել ենք տալիս. Արշակ Զաքարյան

Ղարաբաղա-ադրբեջանական շփման գծում իրավիճակն անցած գիշեր եւ օրվա ընթացքում եւս շարունակել է լարված մնալ:

Մարտակերտ-Թալիշ-Մատաղիս ուղղություններում ադրբեջանական զինուժը կիրառել է ԴՇԿ տիպի խոշոր տրամաչափի գնդացիր, «ԻՍՏԻԳԼԱԼ» տիպի հեռահար դիպուկահար հրացան: Հյուսիսային ուղղությամբ կիրառվել է նաեւ հաստոցավոր ավտոմատ նռնականետ: Հակառակորդի գործողությունների հետեւանքով մեկ զինվոր է վիրավորվել, մեքենա  է վնասվել:

ԼՂՀ պաշտպանության բանակը հայտարարությամբ է հանդես եկել՝ ընդգծելով, որ հակառակորդի պահվածքից տպավորություն է ստեղծվում, որ ընտրել է առաջնագծում իրավիճակն աստիճանաբար եւ նպատակային սրելու մարտավարություն: Չնայած այս ամենին՝ դեռ որեւէ մեկը չի կարող կանխատեսել, թե իրավիճակը որքան կլարվի: Կինոռեժիսոր Արշակ Զաքարյանը երեկ է վերադարձել սահմանից: Մեզ հետ զրույցում նա որոշ մանրամասներ պատմեց ստեղծված իրավիճակից:

- Պարոն Զաքարյան, ի՞նչ իրավիճակ է սահմանին, ինչո՞վ է պայմանավորվում նոր լարվածությունը:

- Մենք այնտեղ էինք, որ կրակոցները սկսվեցին: ՊՆ-ի պաշտոնական հաղորդագրությունում ամեն ինչ ասվում է, ես ավելացնելու այդքան էլ շատ բան չունեմ: Ակնհայտ է, որ թուրքերը սկսել են ավելի հաճախ կրակել եւ զենքերի տրամաչափը սկսել է մեծանալ, նույնիսկ նռնականետ են կիրառել: Հակառակորդի ակտիվությունը, իմ անձնական կարծիքով, պայմանավորված է իրենց ներքին ընդվզումներով: Ադրբեջանցիները թալիշների հետ բախումներ ունեն եւ, ըստ երեւույթին, Ղարաբաղի հետ սահմանին իրավիճակն ակտիվացնում են, որ թալիշներին ասեն՝ տեղներդ մնացեք: Եվ բացի այդ. ապրիլյան պատերազմում իրենք շատ մեծ կորուստներ ունեցան եւ դրա համար երեւի պաս էին պահում, որ մի քիչ վերապատրաստվեն: Որովհետեւ իրենց հայտնի խումբը՝ «Յաշմայի բրիգադը», ջարդել էին մերոնք: Երեւի այս ընթացքում իրենք նոր դիպուկահարների եւ այլնի կարիք էին զգում, որովհետեւ մեծ քանակությամբ զորք էին կորցրել եւ ըստ երեւույթին այդ ճգնաժամն արդեն ավարտվեց:

- Այն ժամանակ, երբ արդեն վերադառնում էիք Ղարաբաղից, իրավիճակը փոքր ինչ հանդարտվե՞լ էր, թե՞ դեռ լարվելու միտում ունի:

- Երբ մենք իջնում էինք դիրքերից՝ մի պահ մեքենաների շարժն ուղղակի դադարեցրին՝ իրենց իսկ անվտանգության համար: Դա շատ բնական է, որովհետեւ եթե ճանապարհը գնդակոծվում է, չի կարելի շարունակել վարել: Դուք տեսաք, որ մեքենա էր վնասվել:

Ինչ վերաբերում է լարվածության ավելացման հնարավորությանը: Ես չեմ կարող ասել՝ կա՞ արդյոք միտում էլ ավելի լարվելու, որովհետեւ դա ոչ ոք չի կարող ասել: Այն, որ երեկ ավելի ակտիվ էր, քան մինչեւ էդ՝ դա փաստ է: Ինչ-որ միտում ունեն, բայց թե ուր է տանում դա՝ միայն իրենք գիտեն այս պահին:

- Ռազմական փորձագետ Տիգրան Աբրահամյանը երեկ մեզ հետ զրույցում ասել էր, որ ադրբեջանական կողմը ակտիվ հետախուզական աշխատանքներ է իրականացնում, դիպուկահարներ են աշխատում: Հատկապես հետախուզությամբ ի՞նչ են ուզում հասկանալ:

- Հետախուզություն ասելով ըստ երեւույթին անօդաչու սարքերը նկատի ունեն: Դրանք միշտ օգտագործվել են: Իսկ դիվերսիոն ներթափանցման փորձ չի եղել, որքան ես տեղյակ եմ: Դիպուկահար երեկ ես ինքս տեսել եմ, մոտեցավ առաջնագծին, տեղավորվեց. դե արդեն ի՞նչ դիպուկահար, որ ես եմ տեսնում:

- Պարոն Զաքարյան, մարդկանց միշտ մտահոգում է, թե արդյո՞ք ադրբեջանական կողմին համարժեք պատասխան է տրվում:

- Մենք համարժեք չենք տալիս, մի քիչ ավելի ենք տալիս ու լավ ենք անում: Ապրեն մեր հրամանատարները, որ լավ ձեւով պատժում են թշնամուն իրենց սադրանքների համար: Իմ տեսածով մենք ոչ թե համարժեք, այլ մի բան էլ ավելի պատասխան ենք տալիս: Սխալ են ասում, որ չենք տալիս: Եթե իրենք մեզ ինչ-որ վնաս են տալիս, մեքենա են վնասում (ոնց որ երեկ) եւ այլն, մենք ոչ միայն համարժեք, այլ մի բան էլ ավելի ենք պատասխանում: Ոչ մի բան նրանց չի ներվում:

Տպել
14501 դիտում

Այլեւս չենք հանդուրժի կեղտոտ փողոցներ. Հայկ Մարությանը վերջնագիր է ներկայացրել «Սանիթեքին»

Ոսկեվանի մանկապարտեզը կաշխատի ամբողջ հզորությամբ. Շահագործման է հանձնվել արևային ջրատաքացուցիչ համակարգը

Հայաստանում արձանագրվել է կարմրուկի չորրորդ բերովի դեպքը

Երկրպագուները ճայթուկներով եկել էին ՀՀ ֆուտբոլի հավաքականի մարզմանը (տեսանյութ)

Վաղվա նիստերից անմիջապես հետո կգումարվի Ազգային ժողովի արտահերթ նիստ

2019-ին կարող է լինել գնաճ` թույլատրելի միջակայքում՝ օրենքով սահմանված կարգով․ այն չի գերազանցի 4 տոկոսը․ նախարար

Հայտարարություն մրցույթի մասին

Տիգրան Խաչատրյանը ներկայացրել է Զբոսաշրջության կոմիտեի նորանշանակ նախագահ Սուսաննա Սաֆարյանին

Մարտի 1-ի գործի շրջանակում հարցաքննվել է նաեւ նախկին ոստիկանապետ Հայկ Հարությունյանը

Եկել ենք 3 միավորի հետեւից. Ֆինլանդիայի ֆուտբոլի հավաքականի պաշպան

Աննա Հակոբյանը հյուրընկալել է ՀԲԸՄ նախագահ Պերճ Սեդրակյանին (լուսանկարներ)

Պետք է ուշադիր լինենք Մխիթարյանի նկատմամբ. Ֆինլանդիայի հավաքականի մարզիչ

«Դե դուք ձեր ասածն արեք, ես էլ իմ ասածն անեմ». ի՞նչ է իրականում տեղի ունեցել Մեղրիի զորամասում

Աղետների մասին գրականություն՝ ՀՀ դպրոցներին. Ֆ. Ցոլակյանն ընդունել է ՅՈԻՆԻՍԵՖ-ի ներկայացուցչին

ՊՆ-ում օպերատիվ հավաքի մասնակիցներին ներկայացվել են կոռուպցիայի դեմ պայքարի հիմնական ուղղությունները

Արմեն Սարգսյանը պատրաստ է համագործակցել խորհրդարանի հետ․ հանդիպում նախագահականում

Հայաստանը ներկայացնող երկու մարզիկ Սամբոյի աշխարհի գավաթի խաղարկությանը նվաճեցին երկու մեդալ

Եթե ապացուցվի, որ Նարեկ Սարգսյանը կամ որեւէ մեկը զանգահարել է ինձ, ես պատրաստ եմ հրաժարվել իմ պաշտոնից․ Վալերի Օսիպյան

«Սասնա Ծռեր»-ը սադրանքով ապատեղեկատվություն է տարածում. մարտունեցի ազատամարտիկների բաց նամակը

Մեզ արհեստական ցուցանիշներ հարկավոր չեն․ ՔԿ նախագահ