Մոռացված բաժակաճառեր. Համոզված էր, չէր կասկածում, վստահ է

Սերժ Սարգսյանը իր ներկայիս պաշտոնում երեք անգամ է վարչապետի ներկայացրել կառավարության անդամներին: 2008-ին` Տիգրան Սարգսյանին, 2014-ին` Հովիկ Աբրահամյանին, եւ օրերս էլ` Կարեն Կարապետյանին:

Ինքնին սրանք ընդամենը արարողակարգային բնույթ են կրում, եւ կարելի է հաստատապես պնդել, որ ոչ մի պաշտոնյա, լրագրող կամ քաղաքացի չի կարող հիշել, թե վարչապետին ներկայացնելիս ինչ ելույթ է ունեցել Սերժ Սարգսյանը, ինչ կարեւոր բաներ է ասել: Ճիշտ նույն կերպ, ոչ ոք չի կարող հիշել, թե քավորը ինչ բաժակաճառեր է ասել մի 10 տարի առաջ տեղի ունեցած հարսանիքի ժամանակ: Բայց ի տարբերություն քավորների բաժակաճառերի, Սերժ Սարգսյանի ելույթները գրավոր պահպանված են, սղագրված են, տեսանկարահանված են...: Այլ կերպ ասած, դրանք փաստաթղթեր են, որոնք կարելի է ուսումնասիրել: Ու ուրեմն ուսումնասիրենք:

«Ուղղակի համոզված եմ»

2008 թ. ապրիլի 10-ին Սերժ Սարգսյանը կառավարության անդամներին ներկայացրեց վարչապետ Տիգրան Սարգսյանին: Ներկայացնելու ժամանակ անգամ ակնարկներ չեղան դրանից 40 օր առաջ Երեւանի կենտրոնում տեղի ունեցած արյունահեղության մասին, բայց սա այլ թեմա է: Կենտրոնանանք Ս. Սարգսյանի ելույթի վրա:

«Կարծում եմ, որ ե՛ւ 2007-ը, ե՛ւ դրան նախորդող տարիները որոշակիորեն նախապատրաստող ժամանակաշրջան էին, եւ մենք հիմա պետք է ավելի հավակնոտ ծրագրեր ունենանք, պիտի համարենք, որ մեր բարեփոխումների առաջին փուլը ավարտել ենք եւ անցնում ենք երկրորդ փուլին: Այս առումով, ուզում եմ արդեն պաշտոնապես ձեզ ներկայացնել Տիգրան Սարգսյանին` Հայաստանի Հանրապետության նոր վարչապետին, եւ հույս հայտնել, որ նրա ղեկավարությամբ կառավարությունը մոտակա տարիներին, իրոք, կիրագործի հավակնոտ ծրագրեր: Ես դրանում ուղղակի համոզված եմ»,- հայտարարեց Սերժ Սարգսյանը նոր վարչապետին ներկայացնելիս:

Թե որն էր «բարեփոխումների առաջին փուլը», որը վերաբերում էր 2007 թվականին եւ դրան նախորդած տարիներին, անհայտ է մինչ օրս: Նշված տարիներին Հայաստանում միայն շինարարական մի բում է տեղի ունեցել, որը հետագայում հենց նույն Տիգրան Սարգսյանը որակեց որպես «շինարարական փուչիկ»: «Հավակնոտ ծրագրերից» իրականացավ թերեւս մեկը` 153 միլիոն դոլար ծախսելով, Դիլիջանի գեղատեսիլ մի անկյունում վեր խոյացավ Տիգրան Սարգսյանի նախկին «գրասենյակի»` ՀՀ Կենտրոնական բանկի այսպես կոչված ուսումնական կենտրոնը: Դա, իհարկե, երկրին բացի վնասից որեւէ օգուտ այդպես էլ չտվեց, բայց դե «հավակնոտ ծրագիր» էր, կատարվեց: Հա, մեկ էլ Տիգրան Սարգսյանի վարչապետության օրոք մեր պետական պարտքը համարյա եռապատկվեց: Դա էլ էր հավակնոտ:

«Անպայման հավաքելիությունը (հարկերի.-խմբ.) բարձրացնելու ենք, տնտեսական դաշտը հստակեցնելու ենք, մրցունակ ենք լինելու, խիստ պայքարելու ենք կաշառակերության դեմ»,- նույն ելույթում ասաց Սերժ Սարգսյանը:

Ուշագրավ է, որ մինչ այդ հարկերը իրոք հավաքվում էին: Բայց ելույթից հետո հարկերի հավաքագրումը սկսեց նվազել ու մեկ տարի անց գրանցվեց տնտեսական մոտ 15 տոկոս անկում բյուջեի խիստ թերակատարմամբ: Տնտեսական դաշտը լիարժեք «հստակեցվեց»` մոնոպոլիաները դարձան կատարյալ, բոլորը հասկացան, թե ով որքան կարող է բիզնեսով զբաղվել: Թե որքան «խիստ պայքարեցին» կաշառակերության դեմ, բոլորս ենք տեղյակ:

«Ես չեմ կասկածում»

Անցավ ուղիղ 6 տարի, եւ 2014 թվականի ապրիլի 14-ին Սերժ Սարգսյանը կառավարությունում ներկայացրեց վարչապետ նշանակված Հովիկ Աբրահամյանին:

«...Մեր շարքերում առկա հնարավոր մտահոգությունները պարոն Աբրահամյանը խոստացել է շատ արագ փարատել իր ակտիվ քայլերով, քաղաքական հստակ ուղերձներով, թիմային ոգին բարձրացնելու եւ աշխատանքի շուրջ բոլորին միավորելու իր ձեռնարկումներով եւ, որ ամենակարեւորն է, աշխատանքի շոշափելի արդյունքներով: ...Ես չեմ կասկածում դրանում եւ անձամբ ամեն ինչ անելու եմ՝ օգնելու համար պարոն Աբրահամյանին հնարավորինս արագ հասնելու այդ իրականությանը»,- հայտարարեց Սերժ Սարգսյանը կառավարությունում:

Եթե Տիգրան Սարգսյանի պարագայում նա «համոզված էր», ապա Հովիկ Աբրահամյանի դեպքում չէր կասկածում: Թե ինչ մտահոգություններ կային «մեր շարքերում», ինչու էր պետք «բարձրացնել թիմային ոգին», այնքան էլ չի հասկացվում, ու հետեւաբար հնարավոր չէ ասել, թե ինչ արդյունքներ գրանցեց այդ առումով Հովիկ Աբրահամյանը: Էլի մի ուշագրավ մանրուք. եթե Տիգրան Սարգսյանին ներկայացնելիս Սերժ Սարգսյանը հավաստիացնում էր, որ պայքարելու են կաշառակերության դեմ, ապա Հովիկ Աբրահամյանին ներկայացնելիս հայտարարեց բառացիորեն հետեւյալը. «պետական բյուջեն անձեռնմխելի է, կաշառքն՝ արգելված»:   

«Ես վստահ եմ»

Օրերս` հոկտեմբերի 6-ին Սերժ Սարգսյանը կառավարությունում ներկայացրեց վարչապետ Կարեն Կարապետյանին:

«Սահմանադրական բարեփոխումներով մենք դե ֆակտո մեր երկրում սկսել ենք համակարգային փոփոխությունները: Այս տեսանկյունից ներկա կառավարությունը լրջագույն դերակատարություն է ստանձնում. այն է՝ դառնալ այս փոփոխությունների լոկոմոտիվը, դառնալ այս փոփոխությունների շարժիչ ուժն ու իրականացնողը:... Պրոբլեմների ժամանակ մի փորձեք դրանց արմատները տեսնել անցյալում: Դա ամենից հեշտն է: Միշտ պետք է գտնել առաջ գնալու ուղիները: Սա՛ է միայն հաղթանակի բանաձեւը, եւ ես վստահ եմ, որ մեր միասնական աշխատանքը բերելու է հաջողության»,- ասել է Սերժ Սարգսյանը:

Բարեփոխումների առաջին փուլից հետո ինչ եղավ երկրորդ փուլը, «սահմանադրական բարեփոխումները» որերորդ փուլն է, դեռ անհայտ է մնում: Ինչ եղավ կաշառակերությունը` արգելվեց թե արգելքը հանված է, «մեր շարքերում» մտահոգություններ կան, թե ոչ, «թիմի ոգին» բարձրացել ու ուր է հասել...: Հարցեր են: Բայց կարեւորը, որ եթե Սերժ Սարգսյանը նախկինում «համոզված էր», հետո «չէր կասկածում», հիմա արդեն «վստահ է»: Գուցե հենց «վստահ» լինելու մեջ է թաքնված երկրի զարգացման բանալին: Ճիշտն ասած, «համոզված չենք», ավելին` «կասկածում ենք»: Իսկ եթե անկեղծ լինենք, ամենեւին «վստահ» չենք:

Տպել
9926 դիտում

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան