2017-ի ընտրություններն ունենալու են ծանր հետևանքներ. բողոքի մասսայական ալիք է բարձրանալու

12/10/2016 schedule20:12

«Քաղաքական գործընթացները Հայաստանում ամբողջությամբ կառավարվում են իշխանության վերին օղակների կողմից». անդրադառնալով ԱԺ նախկին պատգամավոր, ԱԺ-ում Սերժ Սարգսյանի նախկին ներկայացուցիչ Վիկտոր Դալլաքյանի ակտիվ քաղաքականություն վերադարձին՝ այսօր այս մասին լրագրողների հետ զրույցում հայտարարեց քաղաքագետ Հայկ Մարտիրոսյանը:

Լրագրողների հարցի ի պատասխան վերջինս ընդգծեց, որ ԲՀԿ նախկին նախագահ Գագիկ Ծառուկյանի վերադարձի մասին խոսակցությունները նույնպես իշխանության սցենարի մաս են:

«Միանշանակ, որովհետեւ եթե զուտ քաղաքագիտական պարզ, պրիմիտիվ վերլուծության ենթարկենք, կտեսնենք, որ Ծառուկյանը հեռացավ նախագահի հայտնի ելույթից հետո: Եթե հայտնի ելույթից հետո հեռանում են, գտնում են, որ այլեւս անհնար է մնալ քաղաքական դաշտում, ապա անհնար է մտածել, որ առանց սանկցիայի հնարավոր է վերադառնալ քաղաքականություն: Սա անգամ վերլուծություն չէ, այլ պարզ, տեսանելի հանգամանք է»,- ասաց քաղաքագետը՝ հավելելով, որ Հայաստանում ձեւավորվել է մի մշակույթ, երբ մարդիկ հույսը դնում են ժողովրդի կարճ հիշողության վրա:

Հայկ Մարտիրոսյանն այն համոզմանն է, որ այսպիսի պրոցեսների նպատակը քաղաքական դաշտում խայտաբղետություն ստեղծելն է:

«Ակնհայտ է, որ դաշտը մեռած է, քաղաքական պրոցեսներն արդեն ամբողջությամբ եւ շատ տեսանելիորեն ամենավերեւներից են կառավարվում եւ դրա համար պետք է ստեղծել տեսիլք, իբրեւ թե ինչ-որ գործընթացներ են կատարվում, ինչ-որ ուժեր կան, որոնք վերադառնում են քաղաքականություն կամ նոր ակտիվություն են ցուցաբերում»,- մանրամասնեց նա:

Անդրադառնալով 2017 թվականին սպասվող խորհրդարանական ընտրություններին՝ քաղաքագետը կարծիք հայտնեց, որ դրանք անցնելու են խայտառակ պայմաններում եւ ունենալու են ծանր հետեւանքներ.

«25 տարի շարունակ՝ ներառյալ 1991 թվականի առաջին նախագահի ընտրությունը, ընտրությունները կեղծվել են, թեեւ պոպուլյար հավատալիք կա՝ իբրեւ թե առաջին ընտրությունները արդար եւ ազատ են եղել: 25 տարվա հզոր տրադիցիա կա արմատացած երկրում...Բախտագուշակ պետք չէ լինել՝ հստակ հասկանալու համար, թե ինչպիսին են լինելու հաջորդ տարվա ընտրությունները: Կարծում եմ, որ դրանք անցնելու են խայտառակ պայմաններում եւ ունենալու են ծանր հետեւանքներ»,-ասաց քաղաքագետը՝ չբացառելով, որ  այդ ընտրություններից հետո բողոքի մասսայական ալիք է բարձրանալու:

Իր վերջին ենթադրությունը քաղաքագետը բացատրեց առկա լարվածությամբ. «Լարվածությունը արդեն գագաթնակետին է հասնում երկրում եւ դա կարող է ողբերգական եւ ծանր հետեւանքներ ունենալ: Ես չեմ կասկածում, որ իշխանությունը կրկնակի անզիջում է լինելու, քան նախկինում»,- զգուշացրեց նա:

Տպել
9729 դիտում

Երեւանում երիտասարդը փորձել է վրեժխնդիր լինել ավտոմեքենայով կատարած վրաերթի միջոցով. նրան մեղադրանք է առաջադրվել

Առաջին անգամ Հայաստանում կատարվել է լյարդի փոխպատվաստում երեխային կենդանի դոնորից. Արսեն Թորոսյան (տեսանյութ)

ԱԺ-ն ընդունեց կենդանիների նկատմամբ դաժան վերաբերմունքը քրեականացնող նախագիծը

ՀՀ ՊՆ պատվիրակությունը մեկնել է Մոսկվա՝ բանակցելու ռազմարդյունաբերական ձեռնարկությունների ներկայացուցիչների հետ

Գեւորգ Պետրոսյանը «գիշերօթիկներ»-ի հարցը խեղաթյուրում է. նախարարի խորհրդականի արձագանքը

Խորհրդարանն առաջին ընթերցմամբ ընդունեց ընդերքօգտագործման ոլորտի իրական սեփականատերերի բացահայտման վերաբերյալ օրինագիծը

Գագիկ Բեգլարյանի օրոք 15 միլիոն դրամով ձեռք բերված մեքենան օտարվում է

Սիրիայում ռազմական գործողությունները վերսկսելու կարիք այս պահին չկա. Թուրքիայի ՊՆ

Նախագահ Արմեն Սարգսյանը Տոկիոյում հանդիպել է Վրաստանի նախագահ Սալոմե Զուրաբիշվիլիի հետ

Հայաստանն ու Հնդկաստանը կխորացնեն համագործակցությունը տեխնոլոգիական ոլորտում

Մետաքսի ճանապարհ, 1,5 մլրդ դոլար ծրագրերի փաթեթ. Տիգրան Ավինյանը հանդիպել է Ասիական զարգացման բանկի փոխնախագահին

Մեսսիի ռեկորդը գերազանցված է. նոր ցուցանիշի հեղինակը Մբապեն է

Կառավարության սուբվենցիոն ծրագրով հիմնանորոգվում է Վանաձորի Ռուբեն Սեւակի անվան զբոսայգին, նաեւ հատվել են ծառեր

Աշխատանքային իրավունքների իրազեկման համար ՄԻՊ-ն ու Բուլղարիայի դեսպանատունը մեկնարկում են ծրագիր

Քննարկել են համատեղ ծրագրեր. ԿԲ նախագահն ու ՀՀ փոխվարչապետը հանդիպել են ԱՄՀ գործադիր տնօրեն Կրիստալինա Գեորգիեւայի հետ

Տիգրան Ավինյանը հանդիպել է Վրաստանի խորհրդարանի նախագահի հետ եւ խոսել վիրահայ համայնքի դերակատարության մասին

Խորհրդարանն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը

Խնջույքի ժամանակ որևէ վիրավորական արտահայտություն չի հնչել. ՔԿ

Թաթան, Իվետա Մուկուչյանը, Արման Հովհաննիսյանը, Արսեն Սաֆարյանը, Սիլվա Հակոբյանը հայտարարագրել են իրենց եկամուտները

Արմեն Սարգսյանը մասնակցել է Ճապոնիայի նոր կայսր Նարուհիթոյի գահակալության առիթով կազմակերպված ընդունելությանը