ՌԴ-ն փորձում է Թուրքիայի ձեռքերով վերադարձնել 5 տարածքները

Թուրքիային Ռուսաստանի կողմից կարեւոր դեր է հատկացված Կովկասում՝ անվտանգության խնդիրներին մասնակցելու, որի դիմաց Թուրքիան ՌԴ-ի հետ խաղում է ընդդեմ արեւմուտքի:

Այս մասին Armtimes.com-ի հետ զրույցում ասաց «Միջազգային եւ անվտանգության հարցերի հայկական ինստիտուտի» հիմնադիր նախագահ Ստյոպա Սաֆարյանը՝ անդրադառնալով ՌԴ ԱԳ նախարար Սերգեյ Լավրովի այն հայտարարությանը, որ Թուրքիան կարող է դրական դեր խաղալ ԼՂ հակամարտության կարգավորման հարցում:

«ՌԴ-ն փորձում է սիրաշահել Թուրքիային եւ բավարարել վերջինիս ախորժակը: Այս պրոցեսը մի պահ մթագնեց ռուս-թուրքական հարաբերությունների սրեցմամբ, բայց դրանք վերականգնվելուց հետո ակնհայտորեն նախկին խաղը շարունակվում է: Սա առաջին դեպքը չէ, երբ ՌԴ արտգործնախարարն իր թուրք գործընկերոջ հետ քննարկում է Ղարաբաղյան խնդիր, ՀՀ-Թուրքիա հարաբերությունների վերականգնման խնդիր՝ ըստ էության դրանով Թուրքիային թույլ տալով խառնվել Կովկասի անվտանգության խնդիրներին»,-ասաց Սաֆարյանը:

Ստյոպա Սաֆարյանի խոսքով՝ ՌԴ-Թուրքիա հարաբերությունները խաղ են ընդդեմ արեւմուտքի, որտեղ «Թուրքիան օգտագործվում է».

«Բայց վտանգավոր է ՌԴ-ի համար, որովհետեւ ՌԴ արտգործնախարարը պետք մեկնաբանի՝ ինչ է նշանակում Չավուշօղլուի հայտարարությունը տարածքներ հանձնելու վերաբերյալ»,- ասաց նա:

Հիշեցնենք, որ Թուրքիայի արտգործնախարար Մեւլութ Չավուշօղլուն ԵԽԽՎ աշնանային նստաշրջանի լիագումար նիստում իր ելույթում հայտարարել է, որ ՌԴ-ն ԼՂ հակամարտության հարցում «բավականին խելամիտ առաջարկություններով է հանդես եկել՝ հայերի հեռացումը հինգ գրավյալ շրջաններից»:

«Եկեք հասկանանք, որ ՌԴ-ն փորձում է Թուրքիայի ձեռքերով վերադարձնել 5 տարածքները՝ այսինքն Լավրովի պլանն իրականացնել Թուրքիայի ձեռքերով, որպեսզի ՀՀ-ի մոտ ՌԴ-ի նկատմամբ թշնամու կերպար չձեւավորվի, եւ հայ հանրությունն առաջին հերթին թիրախավորի Թուրքիայի իշխանություններին»,-ասաց Ստյոպա Սաֆարյանը:

Քաղաքագետի համոզմամբ՝ ՀՀ ԱԳՆ-ն պետք է դիվանագիտական մակարդակով ժխտի նման տարբերակի շրջանառումն ու բացառի Թուրքիայի մասնակցությունը ԼՂ խնդրի կարգավորմանը:

Մեր դիտարկմանը՝ Թուրքիայի ԱԳՆ-ի կողմից նման սկանդալային հայտարարությանը չարձագանքելը Սերգեյ Լավրովի կողմից արդյոք չի՞ հուշում, որ նման տարբերակ իրականում գոյություն ունի, եւ այժմ քննարկվում է այն, Սաֆարյանը համաձայնեց.

«ՌԴ-ն պատահականորեն չի այսպես ներկայացնում, որպեսզի չերեւա որպես ՀՀ-ի շահերին դավաճանած գործընկեր, այլապես նա կարող էր հայտարարել, որ խնդրի լուծման հետ Թուրքիան առնչություն չունի: Նաեւ պետք է հայտարարի, որ խնդիրը պետք է համապարփակ լուծում ստանա, ինչպես եւ անում է ամերիկյան կողմը»,- ասաց Սաֆարյանը:

Մեր հարցին՝ հնարավո՞ր է Լավրովի հայտարարությունն անուղղակիորեն հող է նախապատրաստում Թուրքիայի՝ ԵԱՀԿ ՄԽ-ում համանախագահ երկիր դառնալու համար, Սաֆարյանը պատասխանեց.

«ՌԴ-ն չի կարող նման բան անել, որեւէ մեկը թույլ չի տա: Նախ, պետք է կոնֆերանս հրավիրվի ու հետո որեւէ մեկը Թուրքիայի նման պետությանը թույլ չի տա համանախագահ երկիր դառնալ: Եթե այդպես լիներ, տարիներ առաջ քննարկվում էր ԵՄ-ին, Գերմանիային մանդատ տալու հարցը, ուրեմն էդ կարեւոր երկրներին թողած, ո՞վ պետք է Թուրքիայի նման խռոված, ձախողված երկրի մանդատ տա»:

Տպել
3161 դիտում

Հրապարակվել է ՀՖՖ Նախագահի պաշտոնում և Գործադիր կոմիտեի անդամության համար առաջադրված թեկնածուների կենսագրությունները

Մինսկում տեղի է ունեցել Հայաստանի և Բելառուսի քննչական կոմիտեների նախագահների աշխատանքային հանդիպումը

Դատարանը թույլատրել է «օրենքով գող» Հայկո Աստրախանսկիին լքել երկիրը, ապա հետախուզում հայտարարել

Արմեն Սարգսյանը հյուրընկալել է աշխարհահռչակ ջութակահար Մաքսիմ Վենգերովին (տեսանյութ)

Հայաստանի տնտեսության զարգացման ներուժը կարող է իրացվել, եթե կան հավասար մրցակցային պայմաններ. Տիգրան Խաչատրյան

Ամիրյանը տարածքը տվել էր, Մակունցը հետ վերցրել, Հարությունյանը նորից տրամադրել. անհասցե թատրոն կամ մի շենքի պատմություն

2020 թվականից շուրջ 3300 երեխա կստանա ներառական ծառայություններ․ Ժաննա Անդրեասյան

Արսեն Թորոսյանը հանդիպել է ԽԿԿ պատվիրակությանը. ԱՆ

Ընկերության տնօրենը կեղծել է պաշտոնական փաստաթղթեր. ԱԱԾ

Գիշերօթիկների նախկին սաների ընտանիքներում խնդիր չի արձանագրվել. բանկերի հետ քննարկվում է կացարանով ապահովելու հարցը

Գործադիր կոմիտեն քննարկել է ՀՖՖ 5 ՀԿ-ների անդամության կասեցման հարցը. կայացել Գործկոմի հերթական նիստը

Չեմ հիշում դեպք, որ ձեր խմբակցությունը, լինելով կոալիցիայի անդամ, էսպիսի ելույթներ ունենար. Հ. Գեւորգյանը՝ Ուրիխանյանին

Ֆինանսների նախարարությունը չի որոշում՝ գումար տալ, թե չտալ. ՊԵԿ նախագահ

Մարիա Զախարովան համամիտ է Նիկոլ Փաշինյանի այն գնահատականին, որ ռուս-հայկական երկխոսության մեջ նոր դինամիկա է ի հայտ եկել

25 հոգի կպայքարի Հայաստանի 2019 թ. 10 լավագույն մարզիկների թվում հայտնվելու համար

Թունավորում Փարաքարում. 3 բնակիչներ թունավորվել էին հեղուկ գազի թերայրումից

Կառավարությունը հավանություն տվեց «Ապօրինի ծագում ունեցող գույքի բռնագանձման մասին» օրենքի նախագծերի փաթեթին

Ս. Պապիկյանը նշանակվել է ՀՀ կառավարության և մի շարք երկրների համատեղ հանձնաժողովների հայկական կողմի նախագահ

«Պարտքը լավ է, երբ ճիշտ ես կառավարում». Կառավարությունը հավաստիացնում է՝ էլ բյուջետային վարկ չի վերցնելու, սա վերջինն է

Իսրայելում 1 տարվա մեջ 3-րդ արտահերթ ընտրությունները տեղի կունենան