Արա Արշավիրովիչը բավականին ճոխ հյուրասիրություն էր կազմակերպել ռուսների համար

15/10/2016 schedule17:30

Ռուսաստանի հայերի միության նախագահ Արա Աբրահամյանը երեկ «Արմենիա Մարիոթ» հյուրանոցում բավական ճոխ հյուրասիրություն էր կազմակերպել:

Իհարկե, կողքի դահլիճում զուգահեռաբար նաեւ նրա կազմակերպած «Եվրասիական  գործընկերության միջազգային» առաջին համաժողովն էր ընթանում: Բայց քանի որ Աբրահամյանը հասարակ գյուղացի տղա է ու մինչեւ հիմա էլ հյուրընկալության նկատմամբ իր պարզությունն ու ավանդական պատկերացումներն է պահպանել, նրա հյուրասիրությունը շատ ավելի լավ էր ստացվել, քան միջազգային ֆորումի կազմակերպումը: Իսկ միջազգային կոչվածը սահմանափակված էր ընդամենը Եվրասիական տնտեսական միության երկրներից ու մասնավորապես Ռուսաստանից հրավիրված հյուրերով: Իհարկե, մի երկու հյուր էլ Չինաստանից ու ԱՄՆ-ից կային: Արա Աբրահամյանը թերեւս թե՛ իր, թե՛ պապերի փորձից լավ գիտի, որ ռուսները սիրում են հայկական հյուրասիրությունը: Անկախ այն հանգամանքից, գնահատո՞ւմ են այդ վերաբերմունքը, թե՞ մտածում են, որ հենց այդպես էլ պետք է լինի:

Եվ քանի որ այդ միջոցառման ամենատպավորիչ հատվածը հյուրասիրությունն էր, հանուն արդարության շեշտենք, որ Արա Արշավիրովիչը դրա համար հաստատ փող չէր խնայել: Ֆորումը դեռ չսկսված՝ հյուրասրահի սեղանները ճոճվում էին դեսերտային բազմապիսի ուտելիքներով՝ հայկական սուջուխից, չրերի, մրգեղենի, թխվածքեղենի բազմաթիվ տեսականիներով, կար նաեւ թեյ ու սուրճ: Անգամ ղարաբաղյան ժինգյալով հաց կար, որին անծանոթ եվրասիական մեր հյուրերը թթվասեր էին քսում վրան եւ ուտում: Այնուհետեւ մատուցվեց աղցանների եւ պանիրների հսկայական տեսականի, հետո արդեն՝ տաք ուտեստների բազմատեսակ ու բուրավետ տարբերակներ: Ներկայացված տեսականիներն անընդհատ թարմացվում էին նորանոր խմբաքանակներով: Եվ այդ ամենն այնքան գայթակղիչ ու գրավիչ էր, որ մեր եվրասիական հյուրերը հազիվ դիմացան ֆորումի՝ մոտ կես ժամ տեւող բացման արարողությանը: Ապա ակամա սահուն քայլերով հայտնվեցին ճոխ սեղանների շուրջ ու իրենցից անկախ սկսեցին վայելել սաստիկ արժանավայել հյուրասիրությունը: Իսկ հայ մասնակիցներն իրենց եվրասիական գործընկերներին ներկայացնում էին, թե, օրինակ, ասետրինա ձուկը բրնձի փլավի հետ ինչ արքայական համ ունի:

Մենք փորձեցինք Ա. Աբրահամյանից ճշտել, թե ի վերջո ինչքան փող է ծախսել այդ երկօրյա միջոցառման վրա, որի համար ոչ միայն ճոխ հյուրասիրություն է կազմակերպել, այլեւ բազմաթիվ հյուրերին իր հաշվին բերել Հայաստան: «Գիտեք, ես չեմ հաշվել, դա էական չէ, այդ գումարը վալանտյորներն են տվել»,- պատասխանեց նա:

Ինչ վերաբերում է արդեն ֆորումին, այն այնքան էլ լավ կազմակերպված չէր, հրավիրվածների մեծ մասը ոտքի վրա էր մնացել, լավ էր գործում թարգմանությունը, Ա. Աբրահամյանն ինքը երբեմն խճճվում էր կողքին շարված բարձրախոսներից ու թարգմանչական սարքերից ու շփոթված դրանք շուռ տալիս: Ներկաները ԵՏՄ-ի ու Հայաստանի պայծառ ապագային ու վիթխարի ծրագրերին վերաբերող անհետաքրքիր եւ ծեծված ելույթների պատճառով անընդհատ դուրս էին թռչում՝ ըմբոշխնելու ավելի իրական բաներ՝ համեղ ուտելիքները: Սրահում թագավորում էր ռուսերենը. անգամ հայերը միմյանց հետ զրուցում էին իրենց կոտրտված ռուսերենով: Ի դեպ, ֆորումն իրենց ներկայությամբ պատվել էին ԵՏՄ տնտեսական հանձնաժողովի նախագահ Տիգրան Սարգսյանը, ՀՀ վարչապետ Կարեն Կարապետյանը, որոնք մի քանի կարճ ելույթներից հետո դուրս եկան ու չցանկացան պատասխանել լրագրողների հարցերին: Ավելի ուշ Տիգրան Սարգսյանը ԵՏՀ նախարար Տատյանա Վալովայային հրավիրել էր հյուրանոցի ռեստորան, որտեղից դուրս գալիս լրագրողները փորձեցին հարց ուղղել նրան: Տ. Սարգսյանը, սակայն, իր ԵՏՄ-ական բարձունքներից անգամ չփորձեց բարեւել կամ նկատել հայ լրագրողների ներկայությունը եւ Վալովայայի հետ զրուցելով հեռացավ: Հայաստանում սովորաբար այդպես են անում ռուս պաշտոնյաները, օրինակ՝ Նիկոլայ Բորդյուժան:

Անդրադառնալով ֆորումին՝ նշենք, որ ավելի քան մեկ տարի է, Արա Աբրահամյանն ու իր գրասենյակը բարձրաձայնում են այդ մասին: Նախ, Հայաստանում նա պետք է կուսակցություն ստեղծեր եւ մասնակցեր 2017թ. խորհրդարանական ընտրություններին: Տեղեկություններ կային, որ եթե ոչ նոր կուսակցության, ապա Արթուր Բաղդասարյանի «Օրինաց երկիր» կուսակցության միջոցով դա կաներ: Հետո կարծիքներ հնչեցին, թե ՀՀ իշխանությունները Աբրահամյանին զգուշացրել են՝ Հայաստանում չմտնել ակտիվ քաղաքականություն: Ու աստիճանաբար նրա՝ կուսակցություն ստեղծելու գաղափարը վերածվեց այս ֆորումին: Այնուամենայնիվ, երեկ լրագրողների հետ զրույցում նա հայտարարեց, թե իր քաղաքական ծրագրերը շարունակվում են, իսկ նոյեմբերին այդ մասին հայտարարություն կանի:

Նշենք նաեւ, որ Աբրահամյանին հաջողվել էր Հայաստան բերել նաեւ ՌԴ նախագահ Վլադիմիր Պուտինի խորհրդական Սերգեյ Գլազեւին, որը եկել էր հավանաբար այն պատճառով, որ իր ղեկավարն էլ այդ օրը Հայաստանում մեկ այլ միջոցառման՝ ՀԱՊԿ անդամ երկրների նախագահների գագաթնաժողովին պիտի մասնակցեր: Փորձեցինք Արա Աբրահամյանից պարզել, թե ինչ տվեց այդքան ճոխ, բայց նույնքան էլ վատ կազմակերպված ֆորումը Հայաստանին: Արդյոք դրա շրջանակներում տնտեսական համագործակցության ինչ-որ պայմանավորվածություննե՞ր ձեռք բերվեցին: Նա պատասխանեց, որ անցած հինգ ամիսներին մի շարք ընկերությունների տնօրեններ են այցելել Հայաստան, որ ուսումնասիրեն մեր շուկան: «Նաիրիտի» հարցով ենք ուսումնասիրություն անում, նոր տեխնոլոգիաների ոլորտում ենք փորձում, ռուսական տարբեր ընկերություններ զբաղված են Հայաստանի թեթեւ արդյունաբերության զարգացման ուղղությամբ ուսումնասիրություններով, նոր տեխնոլոգիայով ավելի էժան էլեկտրաէներգիա ստանալու շուրջ են ուսումնասիրություններ գնում»,- ընդամենը պատասխանեց նա:

Բայց քանի դեռ իրական պլաններ չկան, դժվար է հավատալ, որ ռուսները «Նաիրիտը» կաշխատեցնեն, իրենց գազն ու մեր էլեկտրաէներգիան մեզ վրա թանկ չեն վաճառի, կարելի է մտածել, որ Աբրահամյանի այս միջոցառումն ու դրա վրա կլորիկ գումար ծախսելը առանձնապես մեծ նշանակություն չունեն: Ընդամենը կարող են ապահովել կազմակերպչի PR-ը: Իսկ ամենակարեւորը՝ նաեւ այսպիսի դատարկ միջոցառումներով ՌԴ-ն ցանկանում է մեզ ու հավանաբար աշխարհին ցույց տալ, որ ինքն ու ԵՏՄ-ն էլ կան:

Տպել
4947 դիտում

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար