ԵԱՏՄ մտնելուց հետո նավթամթերքի ներմուծման մենաշնորհը խորացավ

Armtimes.com-ը երեկ հրապարակեց «Գործարարին թույլ չեն տվել 100 տոննա դիզվառելիք ներկրի. ահազանգ վարչապետին» վերտառությամբ մի հոդված, որտեղ նավթամթերքի ներմուծմամբ զբաղվող մի գործարար ահազանգել էր, թե ինչպես իրեն թույլ չեն տվել մոտ 100 տոննա դիզվառելիք ներմուծել՝ նշելով, որ դիզվառելիքում առկա ծծմբի ծավալի սահմանաչափը նվազեցրել են եւ իր ներկրած դիզելը չի համապատասխանում այդ չափորոշիչին: Գործարարն այդ քայլը համարել էր միտումնավոր:

Մեզ հաջողվեց պարզել, որ Եվրասիական տնտեսական միություն մուտք գործելուց հետո Հայաստան ներմուծվող բազմաթիվ ապրանքների, այդ թվում՝ ներքին այրման շարժիչի վառելիքի, ստանդարտները համապատասխանեցվել են ԵԱՏՄ-ի ստանդարտներին:

Եվ այսպես. ՀՀ կառավարությունը 2015 թվականի հունվարի 30-ի 71 Ն որոշմամբ սահմանել է Եվրասիական տնտեսական միության (մաքսային միության) տեխնիկական կանոնակարգերի պահանջների պահպանման նկատմամբ պետական վերահսկողություն իրականացնող լիազոր մարմիններ, իսկ 2016 թվականի հունվարի 30-ի 60 Ն որոշմամբ էլ սահմանել է սոցիալական եւ կենսական կարեւոր նշանակություն ունեցող չափման միջոցները, դրանց ներկայացվող պահանջները եւ շուկայահանման կարգը:

Այս որոշումները համաձայնեցվել են Մաքսային միության (ԵԱՏՄ-ն ստեղծվել է Մաքսային միության հիման վրա) հանձնաժողովի 2011 թվականի հոկտեմբերի 18-ի թիվ 828 որոշմամբ, որը սահմանել է Մաքսային միության տեխնիկական կանոնակարգը: Կանոնակարգի 21-րդ էջի համապատասխան աղյուսակում նկարագրված է, թե Մաքսային միության կազմում ընդգրկված երկիր դիզելային վառելիք ներմուծելիս ինչպիսի տեխնիկական բնութագիր պետք է ունենա տվյալ ապրանքը (ծածկագիր՝ ՄՄ ՏԿ 013/2011): Այսինքն՝ Հայաստան ներմուծվող «K5» տեսակի դիզվառելիքում ծծումբի  առկայությունը 1 լիտրում պետք է չգերազանցի 10 «ppm»-ը, իսկ «K4» տեսակի դիզելում՝ 50 «ppm»-ը, «K3» տեսակում՝ 350 «ppm»-ը եւ «K2» տեսակում ծծմբի առկայությունը չպետք է գերազանցի 500 «ppm»-ը:

Հայաստանի բենզալցակայաններում վաճառվում է «K5» տեսակի դիզել եւ դրա համար, տվյալ դեպքում՝ ծծմբի առկայությունը չպետք է թույլատրվի 10 «ppm» ավելին:

Գործարարը մեզ է տրամադրել ՀՀ ներդրումների եւ զարգացման նախարարության (նախկին էկոնոմիկայի) Ստանդարտների ազգային ինստիտուտում փորձաքննության ենթարկված ընդամենը մի նմուշի դիզելի վերաբերյալ փաստաթուղթ, որը ներկայացրել է մաքսային ծառայությանը: Քանի որ փաստաթղթում ծծմբի առկայությունը նշված է եղել 29 «ppm», այն չի համապատասխանել սահմանված ստանդարտներին եւ թույլ չեն տվել սահմանում կանգնած բեռնատարները մտնեն Հայաստան:

Այս խնդրից բացի եւս մեկ խնդիր կա, որը պարզապես անհնար է դարձնում ԵԱՏՄ-ից դուրս երկրներից ներմուծում կատարել: ԵԱՏՄ երկրներից ներկրելու դեպքում ներկրող ընկերությունն ազատված է Ստանդարտների ազգային ինստիտուտում փորձաքննություն իրականացնելու բեռից, քանի որ նավթը գնելով, օրինակ՝ Ռուսաստանից, այդ երկրում գնորդին տրամադրվում է սերտիֆիկատ, որտեղ նշված է տվյալ նավթամթերքի տեխնիկական բնութագիրը:

Ինչ բնութագիր տալիս են, այդ բնութագիրն էլ որոշում է կամ թույլատրելի է ներմուծել տվյալ ապրանքը, կամ՝ ոչ: Այսինքն՝ ԵԱՏՄ-ից դուրս երկրներից բերվող «K5» տեսակի դիզելում, գրեթե անհնար է ապահովել նվազագույնը 10 «ppm»- ծծումբի առկայություն, քանի որ նմանօրինակ դիզելը բենզինի պրեմիում տեսակից թանկ է եւ եթե դրան գումարենք ներմուծման ծախսերը, ապա այն սուպեր տեսակի բենզինից էլ թանկ կլինի ներմուծված երկրում եւ, բնականաբար, ոչ շահավետ:

Պարզաբանում՝

1 ppm = 0,001  = 0,0001 % = 0,000 001 = 10−6;

1 % = 10 000 ppm; 1 ‰ = 1000 ppm

Տպել
6252 դիտում

Բացահայտվել է Երեւանի բնակարաններից մեկից կատարված գողությունը

Վարդենյաց լեռնանցքը փակ է կցորդիչով բեռնատարների համար, մարդատարների համար՝ դժվարանցանելի

Երեւանի տներից մեկում գազի բալոնի արտահոսքից 3 քաղաքացի է թունավորվել

Թուրքիան Հայաստանի հետ սահմանին լայնամասշտաբ զորավարժություն է անցկացնում (լուսանկարներ)

Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության. Իրանի ԱԳ նախարար

Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի ծրագրի տնօրենի պատվիրակությանը

Քննարկումներ մրցակցության ոլորտի օրենսդրական խնդիրների շուրջ

Սուրբ Աթոռում ՀՀ դեսպանը հանդիպում է ունեցել Սուրբ Աթոռի պետությունների հետ հարաբերությունների քարտուղարի հետ

Ստեփանծմինդա-Լարս ավտոճանապարհը ժամը 20:30-ի դրությամբ բաց է տրանսպորտային բոլոր միջոցների համար

Ըստ մեղադրանքի՝ Արմեն Գևորգյանը այլ գործողություններով օժանդակել է Ռոբերտ Քոչարյանին սահմանադրական կարգը տապալելու համար

Վնասել ու կոտրել են գեներալ Մանվել Գրիգորյանի մայրական տունը, տակնուվրա արել ամեն ինչ ներսում

Փոխնախարար Մանե Ադամյանն ընդունել է ֆրանսիական Airbus ընկերության ներկայացուցիչներին

Փրկարարներն ավտոմեքենան դուրս են բերել արգելափակումից

Վերակառուցման և զարգացման եվրոպական բանկի նախագահը կայցելի Հայաստան

ՔԿՀ-ում գտնվող Արթուր Վարդանյանին անհրաժեշտ է տեղափոխել քաղաքացիական հիվանդանոց. ՄԻՊ

Նազարբաեւը որոշել է լուծարել Ղազախստանի կառավարությունը

ՌԴ դեսպանը ԱԺ պատգամավորների հետ քննարկել է հայ-ռուսական համագործակցությանն առնչվող հարցեր

Ավինյանն ընդունել է Ավստրիական զարգացման համագործակցության Հարավային Կովկասի գրասենյակի ղեկավարին

Որպես ի՞նչ է Սաշիկ Սարգսյանը 18,5 միլիոն դոլար «նվիրաբերում» պետությանը, որպես «չայեվո՞յ»

ՊԲ հրամանատարը հետևել է զորամասերից մեկի՝ «բարձր» մարտական պատրաստականության աստիճանի պարապմունքներին