Ընտրովի արդարադատության զոհն ու պրոտեժեն. «Կաշառք գետնանցումում» կինոն սերիաներ կունենա

Երեւանում գետնանցումներից մեկում կաշառք ստանալու կասկածանքով ձերբակալվել է Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանը: ԱԱԾ-ն հրապարակեց նաեւ տեսանյութ, որտեղ երեւում է, թե ինչպես է անձը, որի վրա տեղադրված է գաղտնի տեսախցիկը, տասը հատ 100 դոլարանոց հաշվում եւ փոխանցում դատավորին, որն էլ գումարը գրպանում տեղավորելով՝ խոսում է ինչ-որ դատական նիստ հետաձգելու մասին: Սա ընտրովի արդարադատության դասական օրինակ է:

Ասում են, Հայաստանի դատավորների մեջ չի գտնվի մեկը, որի մասնակցությամբ հնարավոր չլինի նույն կինոն նկարել` որոշ դետալների տարբերությամբ: Ասենք, մեկին գետնանցումում 500 դոլար կփոխանցեն, մյուսին սրճարանում`10 հազար դոլար, երրորդին`աշխատասենյակում`100 հազար դոլար: Միլիոնների փոխանցման հնարավոր վայրեր մատնանշելու համար մեր երեւակայությունը, կարծես, չի բավարարում: Երեկ նախկին դատավոր Պարգեւ Օհանյանը «Tert.am»-ի հարցազրույցում ասել էր, որ համակարգն է այնպիսին, որ որեւէ դատավոր չի կարող սուրբ մնալ:

Պարտադիր չէ, սակայն, որ որեւէ նախկին դատավոր խոստովանություն անի, որ պատկերացում կազմենք, թե կաշառակերությունը դատավորների մեջ որքան տարածված երեւույթ է: Դատարանների հետ երբեւէ գործ ունեցած ցանկացած բնակիչ դա շատ լավ գիտի, որովհետեւ կամ ինքն է կաշառք տվել, կամ ընդդեմ իրեն են դատավորին կաշառել, կամ իր գործը չի կարողացել դասավորել միայն այն պատճառով, որ անհրաժեշտ կաշառքի գումարը ձեռք չի բերել:

Եվ չնայած այս իրականությանը, վերջին 17 տարվա մեջ Հայաստանում երկրորդ անգամ է կաշառքի համար դատավոր ձերբակալվում: Առաջինը Լոռու մարզի ընդհանուր իրավասության դատավոր Խաչատուր Խաչատրյանն էր, որը ձերբակալվեց 2014 թվականին, իսկ այս օգոստոսին նույն մեղադրանքով դատապարտվեց 8 տարի ազատազրկման: Արդար չի, իհարկե: Ու թերեւս այս անարդարությունն է պատճառը, որ նման դեպքերում ձերբակալվողները մեխանիկորեն շահում են հասարակության համակրանքը:

Կարծիքներ, թե սա քայլ էր, որը կմոտեցնի ՀՀ դատական համակարգից կոռուպցիայի վերացմանը կամ չեն հնչում, կամ հատուկենտ են հնչում` հիմնականում իշխանական շրջանակներից: Ավելի լայն տարածում ունի տեսակետը, թե եւս մեկը քավության նոխազ դարձավ: Մյուս կողմից, հնարավոր էլ չէ պատկերացնել մի իրավիճակ, երբ Հայաստանի բոլոր կաշառակեր դատավորները ձերբակալվեն եւ դատվեն: Դա լուրջ ճգնաժամ կառաջացնի երկրում, որովհետեւ պետության հենասյուներից մեկի` դատական իշխանության մի մասը պարզապես հօդս կցնդի:

Երեկ այս համատեքստում մի քանի փաստաբաններ բարձրացնում էին վճռաբեկ դատարանի նախագահ Արման Մկրտումյանի հարցը, որի մասին նախօրեին ՄԻԵԴ-ը հիշատակել էր «Վարդանյանն ու Նանուշյանն ընդդեմ Հայաստանի» գործով վճռում: ՄԻԵԴ-ը նշել է, որ Արման Մկրտումյանը օբյեկտիվ դիրքորոշում չի ցուցաբերել, ինչը հանգեցրել է արդար դատաքննության իրավունքի խախտման: Մասնագետները սա աննախադեպ են համարում, քանի որ ՄԻԵԴ վճիռներում սովորաբար դատավորների անուններ չեն նշվում:

Իհարկե, սա չի նշանակում, որ 2007 թվականին այն ժամանակ ՀՀ վճռաբեկ դատարանի քաղաքացիական եւ վարչական պալատի նախագահ Արման Մկրտումյանը կաշառք է վերցրել կամ պատվեր է կատարել, դրա համար օբյեկտիվ չի եղել: Բայց հաշվի առնելով, թե ինչ մեծ վնաս կարող է հասցնել այս գործը Հայաստանի բյուջեին, նա պետք է պատասխանատվության ենթարկվի: Կարծիք կա, որ փոխհատուցման գումարը հնարավոր է մի քանի անգամ գերազանցի մինչ օրս կառավարության կողմից ՄԻԵԴ վճիռների հիման վրա վճարված ամբողջ գումարը միասին վերցրած:

Եվ ահա փաստաբաններն արդարացիորեն նշում էին, որ վճռաբեկ դատարանի նախագահ Արման Մկրտումյանը պետք է առնվազն հրաժարականի դիմում գրի, ինչը նաեւ ՀՀ դատական համակարգում արմատական փոփոխությունների դուռ կբացի:

Գուցե մեկ- երկու շարքային դատավոր ձերբակալելուց հետո մյուս բոլոր դատավորները մի շաբաթ ընկնեն մտածմունքների գիրկը, թե նման բան կարող է նաեւ իրենց հետ պատահել, բայց վերջիվերջո կհանգեն այն եզրակացության, որ իրենք ավելի զգույշ են, ավելի ամուր մեջք ունեն եւ այլն: Նրանք կշարունակեն կաշառք ստանալ, ասենք` զուգարաններում, ժողովուրդն էլ կմնա իր կարծիքին, որ ամեն ինչ ձեւական է:

Մինչդեռ` ղեկավարության կազմից մեկ-երկուսի ձերբակալությունը նույն րոպեին 50 տոկոսով կարող է կրճատել կաշառակեր դատավորների թիվը: Սա վերաբերվում է նաեւ կոռուպցիայի մյուս պետական օջախներին: 2017 թվականի ընտրություններին պատրաստվող իշխանական կուսակցությունում նույնպես գիտակցում են այս նրբությունները եւ ակնհայտորեն ավելի խոշոր ձերբակալություններ են նախապատրաստում:

Եվ հիմա մեծ թվով մարդիկ իսկապես հայտնվել են աննախանձելի վիճակում: Նրանք չեն կարող վստահ լինել, որ մինչեւ 2017-ի ապրիլ այս երկարուձիգ եւ մղձավանջային փուլում հենց իրենք չեն հայտնվի ընտրովի արդարադատության թիրախում:

Տպել
5705 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա