Երևան
11 °C
2017 թվականի խորհրդարանական ընտրություններին ընդառաջ ընդդիմադիր դաշտում որոշակի քննարկումներ են սկսվել:
Ընդդիմադիր կուսակցություններն այս անգամ էլ համախմբվելու եւ ընտրություններին դաշինքով մասնակցելու կոչեր են հնչեցնում, անգամ արդեն հանդիպումներ են սկսել ու այդ գաղափարի շուրջ բանակցություններ են վարում: Կիրակի օրը «Քաղաքացիական պայմանագիր» կուսակցության արտահերթ համաժողովին ներկա գործիչները կարեւորեցին համախմբման անհրաժեշտությունը: Պատգամավոր Նիկոլ Փաշինյանը չբացառեց այլ ուժերի հետ նախընտրական համախմբումը: Անցած շաբաթ 2017թ. խորհրդարանական ընտրություններին ընդառաջ քաղաքական ուժերի հետ իշխանափոխություն իրականացնելու նպատակով համագործակցության քննարկումներ սկսելու պատրաստակամություն էր հայտնել ՀԱԿ-ը: Դեռեւս տարեսկզբին պատգամավոր Հրանտ Բագրատյանն էր ընդդիմությանը համախմբվելու կոչ արել:
Նման կոչերը, նախաձեռնություններն ու քննարկումները գնալով ավելի ինտենսիվ բնույթ կստանան: Եվ, ամենայն հավանականությամբ, ոչ իշխանական ուժերը նախընտրական որոշակի դաշինք, ինչու չէ՝ նաեւ դաշինքներ կկազմեն: Նոր Սահմանադրությամբ ընդդիմությունը խորհրդարանում պետք է ստանա ԱԺ մանդատների 1/3-ը, անկախ այն հանգամանքից, թե որքան ձայն է ստացել: Ընդդիմության համախմբման ու այդ հարցի շուրջ ծավալված քննարկումների մասին էլ զրուցեցինք Հրանտ Բագրատյանի հետ:
- Պարոն Բագրատյան, ոչ իշխանական կուսակցությունները նախընտրական համախմբման շուրջ բանակցություններ են սկսել: Դուք ո՞ր ուժի հետ եք նման քննարկումներ անցկացնում:
- Տարեսկզբին ես առաջինն ասացի, որ եկեք՝ համախմբվենք: Որոշ կուսակցություններ ասել են, որ կպատասխանենք, բայց մինչեւ հիմա դեռ չեն պատասխանել: Մեկ-երկուսը արձագանքել են:
- Ընդդիմադիր դաշտում ինչպիսի՞ համախմբում եք պատկերացնում:
- Գոյություն ունեն գաղափարներ, մոտեցումներ, որոնց շուրջ էլ պետք է համախմբվել: Գոյություն ունի լիբերալ մտածողություն, գոյություն ունի սոցիալիստական մտածողություն:
- Ընդդիմադիր դաշտում երբեմն համախմբվում են արեւմտամետ կամ ռուսամետ կողմնորոշում ունեցող ուժերը: Եվ այդ սկզբունքը հաճախ որոշիչ դեր է ունենում:
- Ես դա վիրավորական եմ համարում եւ քաղաքական դաշտն այդպես չեմ բաժանում: Հայաստանի քաղաքական դաշտում բոլորը պարտավոր են լինել հայամետ:
- Նախօրեին, օրինակ, «Քաղաքացիական պայմանագիր» կուսակցության արտահերթ համաժողովին ներկա ընդդիմադիր գործիչները կարեւորեցին համախմբման գաղափարը: Այն չբացառեց նաեւ ՔՊ վարչության անդամ եւ պատգամավոր Նիկոլ Փաշինյանը: Հնարավոր համարո՞ւմ եք այդ ուժերի համագործակցությունը:
- Երեկվա հայտարարություններն ինձ համար պարզ չեն: Այնտեղ ասվում էր, թե մի կուսակցություն դառնանք: Բայց ե՞րբ պետք է հասցնենք մի կուսակցություն դառնալ:
- Ոչ իշխանական դաշտում կան նաեւ ՀԱԿ, «Հանրապետություն», «Ժառանգություն», «Ազատ դեմոկրատներ» եւ այլ կուսակցություններ: Այս ուժերի միջեւ համագործակցությունը հնարավոր համարո՞ւմ եք, կամ դուք նախընտրական դաշինք կկազմե՞ք նրանց հետ: Հատկապես որ նրանցից ոմանք նախկինում նախընտրական դաշինքում եղել են:
- ՀԱԿ-ն ու «Ժառանգությունն» իմ հարցադրումներին դեռ չեն պատասխանել, բայց նախնական պատասխան է եղել, որ կարձագանքենք: Երբ պատասխանեն, կքննարկենք: Բայց համախմբման դեպքում կան որոշ սկզբունքային արժեքներ, որոնք պահպանելու ենք: Օրինակ, «Ժառանգության» պարագայում դա կարող է լինել՝ ուժը լիբերա՞լ արժեքներ է ներկայացնում, թե ավելի շատ սոցիալիստական ուղղվածություն ունի: ՀԱԿ-ի պարագայում դա կարող է լինել հարցը, թե Հայաստանի տնտեսական զարգացումը դեպի ուր են կողմնորոշում: Իսկ Արամ Սարգսյանը պնդում է, որ պետք է հեղափոխություն անել: Այդ գաղափարին զգուշորեն ենք վերաբերվում՝ որոշակի փորձ ունենալով: Խ. Քոքոբելյանի հետ աշխատում ենք:
- «Բարգավաճ Հայաստան» կուսակցության նախկին նախագահ Գագիկ Ծառուկյանը կարծես թե նորից քաղաքականություն վերադառնալու ցանկություն է հայտնում, իսկ ԲՀԿ-ն այսօր ընդդիմադիր դաշտում է: Ի՞նչ եք կարծում, նրա վերադարձի նպատակը նորից ընդդիմադիր էլեկտորատի ձայները մասնատե՞լն է:
- Չեմ կարող ասել, կարծիք կկարողանամ հայտնել, երբ նա հստակ հայտարարություն կանի՝ իսկապես ընտրություններին մասնակցելո՞ւ է:
- 2017թ. խորհրդարանական ընտրությունների դեպքում ընդդիմության համախմբումն ի՞նչ նշանակություն կարող է ունենալ այն պարագայում, երբ դա այս անգամ երկրի ղեկավարի ընտրությունն է:
- Նախ, գոյությունն ունի կայուն մեծամասնության թեզ, եւ Ազգային ժողովում ընդդիմությանը հատկացված է տեղերի 1/3-ը: Մեր Սահմանադրությունն այդպիսով յուրահատուկ է: Իսկ իշխանության խնդիրն այսօր իր 2/3-ը ստանալը չէ, իշխանությունն իր այդ հարցը լուծել է մեծամասնական ընտրակարգով: Տեղերում մենք 100 տոկոս մեծամասնական համակարգի հետ գործ ունենք, որտեղ իշխանությունը լծակներ ու առավելություն ունի: Իշխանության խնդիրը ընդդիմության 1/3 մասն է:
- Իսկ իշխանության համար կարեւո՞ր է, թե ով է լինելու ընդդիմությունը: Միգուցե իշխանություններին պետք է հաջորդ խորհրդարանում ունենալ այնպիսի ընդդիմություն, որ հնարավորինս իր ազդեցության տակ կլինի:
- Վստահ չեմ, բայց կարծում եմ՝ այո, նման զարգացում հնարավոր է: Բայց կարող է նաեւ ասել՝ թող 1/3-ն էլ ընդդիմություն լինի: Մենք պայքարում ենք, որ ընդհանրապես 2017-ին իրական ընդդիմություն լինի պառլամենտում՝ այլախոհ:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ