ԼՂՀ դատարանում կքննվի պատգամավորին առեւանգողներին համաներմամբ ազատ արձակելու որոշումը

Նոյեմբերի 9-ին, ԼՂՀ առաջին ատյանի ընդհանուր իրավասության դատարանում, տեղի կունենա Հայկ Խանումյանի առեւանգման գործով նրա պաշտպանի բողոքի քննությունը: Փաստաբան Հայկ Ալումյանը Երեւանում այլ նիստեր ունենալու պատճառով բացակայել է նախորդ նիստերից, սակայն այդ օրվա նիստին ներկա լինելու է:

Մեզ հետ զրույցում փաստաբանն ասաց, որ բողոքարկել է քննիչի կողմից կայացված մի շարք որոշումներ, այդ թվում գործը կարճելու որոշումը: «Քննիչը մի շարք որոշումներ էր կայացրել, որոնք բոլորը Հայկ Խանումյանի իրավունքների ոտնահարում էին եւ մենք չէինք կարող համամիտ լինել այս որոշումների հետ: Մենք դրանք բողոքարկեցինք սկզբում դատախազին, այնուհետեւ՝ դատարան: Բողոքարկվող որոշումների թվում են նաեւ գործի վարույթը կարճելու մասին որոշումը, մեղադրանքները վերաորակելու որոշումը»,- ասաց Ալումյանը:

Անդրադառնալով Խանումյանին առեւանգելու եւ ծեծի ենթարկելու գործով կալանավորվածների նկատմամբ համաներման կիրառմանը, փաստաբանն ասաց, որ կալանավորվածների նկատմամբ համաներում չէր կիրառվի, եթե արարքը ճիշտ որակված լիներ, բայց քանի որ արարքը ոչ ճիշտ է որակվել, դրա համար էլ համաներում կիրառվեց, որը չպետք է կիրառվեր:

«Սկզբում ճիշտ որակում էր տրված. առեւանգումը ճիշտ որակում էր, իսկ հետո որակեցին խուլիգանություն, որը ոչ մի կապ չուներ այս դեպքի հետ»,- ընդգծեց Ալումյանը:

Հիշեցնենք, որ Հայկ Խանումյանը armtimes.com-ին հայտնել էր, որ գործի կարճումը եւ կալանավորվածների նկատմամբ համաներման կիրառումը նախագահականի քաղաքական պատվերի արդյունք են:

«...ակնհայտ է, որ այս ամենը ԼՂՀ նախագահի որոշմամբ է եղել, իր սենյակում է որոշվել թե՛ այս հանցագործությունը, թե՛ այն կոծկելու որոշումը»,- ասել էր Խանումյանը:

Հիշեցնենք նաեւ, որ ԼՂՀ ԱԺ պատգամավոր Հայկ Խանումյանն անհայտ անձանց կողմից առեւանգվել եւ ծեծի էր ենթարկվել հունիսի 6-ին: Դա տեղի էր ունեցել Սամվել Բաբայանին ՊԲ հրամանատար նշանակելու պահանջով նրա մասնակցությամբ ԼՂՀ նախագահի նստավայրի մոտ անցկացված բողոքի ակցիայից հետո:

Պատգամավորին ծեծելու դեպքի առթիվ հարուցված քրգործը վերջերս վերաորակվել էր՝ առեւանգումից դառնալով խուլիգանություն: Ըստ Խանումյանի՝ գործը վերաորակվել է, որպեսզի գործով կալանավորված անձինք եւս համաներմամբ ազատ արձակվեն:

Տպել
5052 դիտում

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկներին, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը

Պարգեւատրվել են ԱՆ քրեակատարողական ծառայության մի շարք աշխատակիցներ (տեսանյութ)

Հանրապետության տարածքում կան դժվարանցանելի և փակ ավտոճանապարհներ

Չարենցավանում մեքենան ընկել է 9 մետր խորությամբ ջրանցքը

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը