Նախընտրական կես քայլ. կարեւորը կարմիր գծերի տուգանքները նվազեն, գումարն ով ուզում է՝ ծախսի

Կարմիր գծերի եւ տեսախցիկների բիզնեսը պետականացնելու մասին Սերժ Սարգսյանի հայտարարությունը կես քայլ է, որը միգուցե նախընտրական արշավի ինչ-որ մի սկիզբ է, ինչպես հոսանքի ու գազի գինը իջեցնելու մասին հայտարարությունը:

Մեզ հետ զրույցում այսպիսի տեսակետ հնչեցրեց կարմիր գծերի դեմ ժամանակին պայքարող «Դուրս մեր գրպանից» նախաձեռնության անդամ Արմեն Եփրեմյանը:

Հաշվի առնելով, որ մարդկանց մեծամասնությունը իրականում դժգոհ էր ոչ թե այդ բիզնեսի պետական լինելուց, այլ ապօրինի ու անտեղի տուգանքներից՝ Եփրեմյանից հետաքրքրվեցինք, թե արդյո՞ք հասարակ քաղաքացու վրա այդ բիզնեսի պետականացումը որեւէ ազդեցություն ունենալու է:

«Հիմա ոնց որ մի քայլ արեց նախագահը՝ հրահանգելով, որ գանձվող տույժ ու տուգանքները մուտք արվեն քաղաքապետարանի բյուջե: Պետք է ռացիոնալ քայլերով առաջ գնալ եւ հաջորդ քայլերը կատարել: Պետք է, որ քաղաքապետարանի բյուջեն լցվի, բայց ոչ ժողովրդի գրպանից: Ամենուրեք կարմիր գծեր են քաշել: Նկարել են այնտեղ, որտեղ չի կարելի: Մարդը խաչմերուկին մոտ կարմիր գծերի վրա կանգնում է, տուգանվում է, որովհետեւ թեեւ այդտեղ կարմիր գիծ է, բայց չի կարելի խաչմերուկին շատ մոտ լինել»,- ասաց Եփրեմյանը՝ շարունակելով. «Բայց այստեղ առաջ է գալիս երկրորդ հարցը. ի՞նչ է լինելու այդ գումարների հետ, արդյո՞ք նվեր չեն տալու կարմիր գծերի տիրոջը, ինք էլ նորից լցնի պանամական օֆշորներ: Մենք դրա երաշխիքը չունենք: Այսինքն մեխանիզմը չի փոխվում, մենք չենք հասկանում՝ ի՞նչ է կատարվում: Պետք է ասվի, որ ծառայություն մատուցող կազմակերպությունը ֆիքսված աշխատավարձ է ստանալու, ինչը երաշխավորելու է, որ նա շահագրգռված չլինի տուգանելու մարդկանց: Որովհետեւ խնդիրը ոչ թե գումարի տնօրինման, այլ տուգանքների ահռելի քանակի մեջ էր, եւ ճանապարհային ոստիկանությունը եւ «Սիքյուրիթի դրիմը» եւ քաղաքապետարանն ու «Փարքինգ սիթի սերվիսը» շահագրգռված էին, որ շատ մարդիկ տուգանվեն»:

Եփրեմյանը տեղեկացրեց, որ վաղը ասուլիս են հրավիրել եւ ներկայացնելու են նախադեպային դատական գործեր, իրենց քայլերը:

«Քաղաքացուն հետաքրքի՞ր է այդ գումարն ուր է գնում, քանի որ բյուջեն էլ են ուտում, մասնատում են, չենք հասկանում՝ բյուջեւից ինչ է մնում: Եթե այդ գումարներից գնա առողջապահության ֆոնդ, կենսաթոշակային ֆոնդ, ՊՆ-ին տրամադրեն, զենք առնեն՝ մեծ սիրով ժողովուրդը դիտավորյալ կտուգանվի, բայց ոչ ոք չի կարող իմանալ, թե այդ գումարները որտեղ են ծախսվում: Քաղաքապետարանը մի օրում կարող է ցույց տալ, որ 20 միլիոն դրամի սալյուտ է խփել ինչ-որ մեկի ծնունդին կամ ինչ-որ մեկը եկել է, կոնյակ են խմել մի օր 20 միլիոն դրամի»,- եզրափակեց Եփրեմյանը:

«Սիքյուրիթի դրիմ» ընկերության ղեկավարությունը չցանկացավ պատասխանել մեր հարցերին: Ընկերությունից մեզ փոխանցեցին, որ այսօր չեն ուզում խոսել:

Հիշեցնենք, որ երեկ Սերժ Սարգսյանը նախագահականում հրավիրված խորհրդակցության ժամանակ ՀՀ ոստիկանապետին եւ Երեւանի քաղաքապետին հանձնարարեց «Սեքյուրիթի դրիմ», «Փարքինգ Սիթի Սերվիս» եւ «Լոկատոր» ընկերությունների հետ բանակցություններ վարել եւ 10-օրյա ժամկետում իրավական մեխանիզմններ մշակել նրանց գործառույթները, այդ թվում ֆինանսական հոսքերի տնօրինումն ու կառավարումն անցնեն պետական եւ համայնքային կառույցներին:

Տպել
2485 դիտում

Խոնարհվենք դեմներն ու հենց այսօր սկսենք լուծել խնդիրը. Վարազդատ Կարապետյանը՝ Արճիսի խմելու ջրի խնդրի մասին

Մարդու իրավունքների պաշտպանը քայլեր է ձեռնարկում Արճիս գյուղում խմելու ջրի բացակայության հարցով

«Մարսելի» նախկին ֆուտբոլիստը կարող է տեղափոխվել «Փյունիկ»

Բացահայտվել է Շենգավիթում թաղային հեղինակության սպանությունը. մեկ անձ ձերբակալվել է

RyanAir-ն ու ավիատոմսների գների իջեցման հեռանկարը. պետք է՞ ՀՀ-ին ազգային ավիափոխադրող

Փակ լինի «Թումանյան» կայարանից մինչև Օձունի խաչմերուկ ճանապարհահատվածը. կատարվելու են ժայռապայթեցման աշխատանքներ

Իվետա Մուկուչյանը «թարմացրել է» Ալլա Լեւոնյանի «Հայաստան» երգը. օգտատերերը հուզված են (ձայնագրություն)

Նորաշենիկ գյուղի վերջնամասում բռնկված հրդեհը մարվել է (լրացված)

Այստեղ դու տանը չես. էլիտարե պրոֆիլը քո...

Բակո Սահակյանը Շուշիում հանդիպել է «Հաղթանակած 2019» համահայկական երիտասարդական հավաքի մասնակիցների հետ

Թեթեվացնելով ԱԺ-ի հոգսերը. Թորոսյանն ընդդեմ ՕԵԿ-«ականների»

Մի հարգարժան բուհի պատմություն. իսկ դիմորդների շահերը՞

Աշխարհի ամենամեծ արեւադարձային անտառների՝ Ամազոնի վիթխարի հրդեհի իրական ծավալները՝ լուսանկարներով

Երեկվա ընթացքում գրանցվել է 50 հրդեհ՝ ընդգրկելով 129 հա տարածք

Գազամատակարարման պլանային ընդհատում Վանաձորում. 8 ժամ գազ չի լինելու

Փակվել է Ալավերդի-Բագրատաշեն մայրուղու Արճիս գյուղի հատվածը. բողոքում են խմելու ջրի բացակայությունից

Թուրքական մամուլին զայրացրել է Հայոց ցեղասպանության մասին իսրայելցի հեղինակների գիրքը

Խոսրովի անտառ պետական արգելոցի ճանապարհին՝ «Մեղրաքար» կոչվող հատվածում հրդեհ է (լուսանկարներ, տեսանյութ)

Շախմատի միջազգային ֆեդերացիան հետաքննում է՝ ում պատճառով է Մարիա Գևորգյանը զրկվել Թուրքիայի մրցաշարին մասնակցելուց

Փրկարարներին հաջողվել է կանխել քաղաքացու ինքնասպանության փորձը Կիևյան կամրջից