Հովհաննես Հարությունյանի ոտքը սեւացել է ու սառել. «Սասնա ծուռը» խնդրում է վիրահատել

04/11/2016 schedule21:24

«Սասնա ծռեր» խմբի անդամ Հովհաննես Հարությունյանի ոտքը, որ վիրավորվել էր ՊՊԾ գնդի գրավման օրերին, սեւացել է, անզգայացել ու սառչել: Հովհաննես Հարությունյանը խնդրում է բժիշկներին` վիրահատել իր անզգայացած ոտքը:

Մեզ հետ զրույցում այդ մասին հայտնեց ի պաշտպանություն Հովհաննես Հարությունյանի ստեղծված նախաձեռնության անդամ Նաիրա Միրզոյանը:

Վերջինս տեղեկացրեց, որ նախաձեռնությունը պատրաստվում է ամենասեղմ ժամկետներում (մինչեւ նոյեմբերի 21) Հովհաննես Հարությունյանի գործն իր դատական եւ բժշկափորձագիտական ողջ մանրամասներով ներկայացնել Ժնեւում ՄԱԿ-ի Խոշտանգումների դեմ կոմիտե (The Committee Against Torture (CAT)):

«Դրա համար հիմա հավաքագրում ենք Հովհաննեսի բոլոր էպիկրիզները եւ դրա հետ կապված դատափորձագիտական տեղեկատվությունը: Պետք է վերջ տալ մեր հայրենակից Հովհաննես Հարությունյանի նկատմամբ ամիսներ շարունակ տեւող այս անարդարությանն ու հաշվեհարդարին»,- ասաց Միրզոյանը:

Հարցին, թե հնարավոր չէ՞ բուժել Հովհաննեսի ոտքը, նրան անդամահատո՞ւմ է սպառնում՝ Միրզոյանը պատասխանեց. «Ըստ էպիկրիզի եւ փաստաբան Հայարփի Սարգսյանի, ոտքը անհապաղ պետք է վիրահատվի: Հայարփի Սարգսյանն էպիկրիզն ուղարկել էր Նիդերլանդներ, տեղական բժշկական գիտությունների դոկտորի կողմից ուսումնասիրվել էր այն եւ պարզվել, որ Հովհաննեսը պետք է անհապաղ վիրահատվի: Հայաստանում ասում էին, որ Հովհաննեսին չեն վիրահատում, մինչեւ վերքը լավանա: Նիդերլանդների բժշկի խոսքով դրանք ոչ պրոֆեսիոնալ գնահատականներ էին եւ պետք էր վիրահատությունը անհապաղ իրականացնել: Այդ ամենը Հայարփի Սարգսյանը ներկայացրել է էրեբունի բժշկական կենտրոն, սակայն նրանց կողմից մերժվել է վիրահատության իրականացումը»:

Նաիրա Միրզոյանը տեղեկացրեց նաեւ, որ առաջիկայում բողոքի երթ են նախատեսում. «Հիմա փորձում ենք ամեն ինչ անել, որ ներկայացնենք պահանջներ, երթ կազմակերպվի եւ իշխանություններին ներկայացվի 2 կարեւոր պահանջ. 1. թույլատրել դիտորդական խմբին տեսակցել Հովհաննես Հարությունյանին, Հովհաննես Հարությունյանին տեղափոխել քաղաքային հիվանդանոց հետազոտության, 3. պատասխանել, թե ինչու մինչ օրս չի իրականացվել հետազոտություն, քանի որ հուլիսի 26-ին Հովհաննեսին տեղափոխել էին Դատապարտյալների հիվանդանոցի վիրաբուժական բաժանմունք, դա արդեն ենթադրում էր, որ վիրահատություն էր անհրաժեշտ»,- ասաց Միրզոյանը:

Նշենք, որ այսօր Հովհաննես Հարությունյանի առողջական վիճակին անդրադարձել էր նաեւ նրա քույրը. «Կներես ինձ, ախպերս....Թողնելով քեզ շան պես վերքերդ լիզելու ու լավացնելու հոգսիդ մեջ մեն-մենակ, դու պահանջում ես անդամահատում այսօր, որովհետեւ քո ոտքն այսօր մահացածի ոտքի նման սեւ է ու սառը...»,- ֆեյսբուքյան իր էջում գրել է Թամարա Հարությունյանը:

ՀՀ արդարադատության նախարարության քրեակատարողական վարչությունից մեկնաբանություն կփորձենք ստանալ վաղը:

Հիշեցնենք, որ հուլիսի 26-ին Հիմնադիր խորհրդարանը հաղորդագրություն տարածեց՝ տեղեկացնելով, որ գիշերը ժամը 2-ի սահմաններում տարածքին հարակից ոստիկանական պատնեշից դավադրաբար կրակ են բացել, որի հետեւանքով ոտքերից վիրավորվել են «Սասնա ծռեր» խմբի անդամներ Աշոտ Պետրոսյանը եւ Հովհաննես Հարությունյանը: 

Տպել
35469 դիտում

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին