Քաղաքական ուժերի պատասխանը Վարդան Օսկանյանին

Քաղաքական ուժերը դեռեւս չեն շտապում «Համախմբում» կուսակցության նախագահ Վարդան Օսկանյանի կոչին հետեւել:

Հիշեցնենք, որ այսօր լրագրողների հետ հանդիպմանը Վարդան Օսկանյանը, խոսելով ապրիլին սպասվող խորհրդարանական ընտրություններից, հայտարարել էր «քաղաքական բեւեռ ձեւավորելու» անհրաժեշտության մասին:

ԲՀԿ խմբակցության քարտուղար Վահե Էնֆիաջյանն Armtimes.com-ի հետ զրույցում ասաց, որ Օսկանյանի հայտարարությանը ծանոթ չէ, սակայն ներկայացրեց ԲՀԿ-ի մոտեցումն առհասարակ դաշինքներ ձեւավորելու հարցի մասին: Պատգամավորի խոսքով՝ պատրաստ են համագործակցել այն քաղաքական ուժի հետ, որի գաղափարախոսության ու ծրագրային դրույթների հետ համակարծիք են:

Ինչ վերաբերում է մեր հարցին, թե հնարավո՞ր է արդյոք ԲՀԿ-ն դաշինք ձեւավորի «Համախմբում» կուսակցության հետ, Էնֆիաջյանն ասաց, որ այդ հարցը պետք է կուսակցության քաղաքական խորհուրդը քննարկի, որից հետո որոշում կկայացնեն:

«Օրինաց երկիր» խմբակցության ղեկավար Հեղինե Բիշարյանը «քաղաքականության մեջ ոչինչ չի բացառում».

«Միավորումները, դաշինքները միշտ էլ ընդունելի են, բայց դեռ որեւէ դաշինքի հարց չենք քննարկել»,- ասաց նա՝ հավելելով, որ կփորձի հասկանալ Օսկանյանի հայտարարությունը:

«Լուսավոր Հայաստան» կուսակցությունն էլ «ներքին քննարկումներ» է իրականացնում: Այս մասին ասաց կուսակցության նախագահ, ԱԺ պատգամավոր էդմոն Մարուքյանը.

«Մեր մոտեցումներն ենք վերանայում, ՏԻՄ ընտրություններից եզրակացությունների հանգում»,- ասաց նա՝ հավելելով, որ քննարկումներ են ընթանում նաեւ մարզային գրասենյակներում:

Ինչ վերաբերում է Օսկանյանի՝ քաղաքական բեւեռ ձեւավորելու մասին խոսքերին, Էդմոն Մարուքյանն ասաց, որ նման հարցերը պետք է մանրամասն քննարկվեն.

«Եթե կուսակցության մի մասը դեմ լինի, չենք կարող ընդունել. այս պահին ներքին պրոցեսներն ավելի կարեւոր են»,- ասաց նա:

«Քաղաքացիական պայմանագիր» կուսակցության վարչության փոխնախագահ Սուրեն Պապիկյանն էլ ասաց, որ «Համախմբում» կուսակցությունից որեւէ առաջարկ չեն ստացել:

«Ինչ վերաբերում է դաշինքներ կազմելուն, քաղխորհուրդն ունի որոշում՝ դաշինքներ չկազմելու վերաբերյալ, քանի դեռ չկա նոր որոշում, կգործի նախկին որոշումը»,-ասաց Պապիկյանը:

նաեւ հավելեց, որ այս պահին չի կարող ոչինչ ասել, քանի դեռ վարչության նիստում այդ հարցը չի քննարկվել:

«Ժառանգություն» եւ ՀԱԿ կուսակցությունների ներկայացուցիչների հետ կապ հաստատել չհաջողվեց:

Տպել
7541 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան