Նոր Սահմանադրությամբ Ղարաբաղը կկոչվի Արցախ. ի՞նչ նշանակություն այն կարող է ունենալ

11/11/2016 schedule13:11

Լեռնային Ղարաբաղի Հանրապետություն անվանումը սահմանադրական փոփոխությունների հանրաքվեով Արցախի Հանրապետությամբ փոխարինելու առաջարկն արտառոց չէ:

Այս մասին Armtimes.com-ի հետ զրույցում ասաց ԼՂՀ նախագահի մամուլի խոսնակ Դավիթ Բաբայանը:

Հիշեցնենք, որ սահմանադրական փոփոխությունների նախագծում առաջարկվում է պաշտոնապես վերականգնել պատմական Արցախի անվանումը՝ որպես Արցախի Հանրապետություն:

«Պատմական անվանումն է, որը միշտ էլ շրջանառության մեջ է եղել, ուստի այն չեմ դիտարկում որպես արտառոց երեւույթ. պարզապես եւս մեկ անգամ ամրագրվում է»,-ասաց Բաբայանը՝ հիշեցնելով, որ ԼՂՀ զինանշանում եւս առկա է Արցախ անվանումը:

Մեր դիտարկմանը, որ ԵԱՀԿ ՄԽ համանախագահներն արդեն իսկ հայտարարել են, որ անվան փոփոխությունը որեւէ դեր չի կարող ունենալու բանակցություններում, եւ միեւնույն է՝ իրենք չեն ճանաչելու Արցախը որպես անկախ պետություն, Բաբայանն ասաց.

«Մի կողմ դնենք չճանաչվածության հարցը, կարող եմ ասել, որ հետաքրքիր մեկնաբանություններ են եղել համանախագահողների կողմից: Օրինակ՝ ՌԴ ԱԳՆ խոսնակը ասել է, որ փոփոխությունը որեւէ ազդեցություն չի ունենալու բանակցություններում, ինչը նշանակում է, որ իրենք ընդունում են, որ սա մեր ներքին գործն է, ու հարգում են մեր մոտեցումը»:

Դավիթ Բաբայանը մանրամասնեց՝ համանախագահողների մեկնաբանությունները հանգեցնում են նրան, որ ԼՂ-ի անվան պաշտոնական փոփոխությունը որեւէ վտանգ չի ներկայացնում.

«Ես սա համարում եմ հարգանքի նշան. այսինքն՝ այն Արցախի ներքին գործն է, եւ որեւէ մեկը չի միջամտում, ասում՝ ինչ՞ու եք նման քայլ անում: Այն մեր ներքին եւ ինքնիշխան իրավունքն է»,- ասաց Բաբայանը:

Անդրադառնանք Ղարաբաղ եւ Արցախ անվանումների ստուգաբանություններին. գրող, թարգմանիչ Վաչագան Սարգսյանը հիշեցրեց, որ ղարաբաղ բառը տարբեր լեզվաբանական ստուգաբանության է ենթարկվում, որոնցից ամենատարածվածն այն է, որ այն  թուրքական բառ է: Ըստ այդմ՝ ղարա նշանակում է սեւ, բաղ՝ այգի: Սարգսյանի խոսքով՝ Արցախ բառի ստուգաբանություն, կարծես թե, չկա, սակայն այն «մեր պատմական անվանումն է»:

Մեր հարցին՝ որեւէ ազդեցություն կարո՞ղ է ունենալ միջազգային հարթակներում անվան փոփոխությունը, Վաչագան Սարգսյանը պատասխանեց.

«Ոչ, չի կարող այն որեւէ կերպ ազդել միազգային ճանաչման կամ հասարակական, քաղաքական կարծիքի ձեւավորման վրա, բայց հայերիս համար այն հոգեբանական մեծ նշանակություն կարող է ունենալ այն, որ վերականգնվի պատմական անվանումը»:

Հիշեցնենք, որ Լեռնային Ղարաբաղ տերմինն առաջին անգամ հայտնվել է 1923 թվականին. այն կիրառվել է որպես Ադրբեջանի ԽՍՀ կազմում գտնվող Լեռնային Ղարաբաղի ինքնավար մարզի տարածք:

Ի դեպ, ազատամարտիկները եւս հրաժարվում են Ղարաբաղ տերմինից՝ կիրառելով Արցախ անվանումը:

Տպել
5219 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը