Սեյրան Օհանյանը դեռ չի որոշել. ՀՀԿ-ում սպասում են

Armtimes.com-ի զրուցակիցն է ԱԺ փոխնախագահ, ՀՀԿ խոսնակ Էդուարդ Շարմազանովը.

- Պարոն Շարմազանով, մամուլում պարբերաբար քննարկվում է պաշտպանության նախկին նախարար Սեյրան Օհանյանի հետագա գործունեության հարցը, այսօր էր շրջանառվում էր այն հարցը, որ նա լինելու է ՀՀԿ-ի ցուցակում, ի՞նչ կասեք այս մասին:

- Խորհրդարանական ընտրությունների համամասնական ցուցակի որեւէ հարց կուսակցության գործադիր մարմինը չի քննարկել: Խորհրդարանական ընտրությունների հետ կապված բոլոր հարցերը կքննարկենք ամանորից հետո: Հիմա զբաղված ենք կուսակցական համագումարով. ամեն ինչ իր տեղին ու ժամանակին. դանդաղ շտապեք:

- Տեղեկություններ ունեք՝ արդյոք եղե՞լ է Սերժ Սարգսյան-Սեյրան Օհանյան հանդիպում:

- Նախ տեղեկություններ չունեմ, եւ հետո տեղեկատվական բյուրոյի նախագահ չեմ, որ իմանամ՝ թերթերին պատմեմ: Կուսակցության գործադիր եւ խորհրդի նիստերում ձեր նշված հարցերը չեն քննարկվել:

- Կարիք չկա՞ թույլ չտալ, որ երկար տարիներ պաշտպանական ոլորտը ղեկավարած անձին ընդդիմությունն իր դաշտը տանի:

- Սեյրան Օհանյանն  այն անձը չէ, որ ընդդիմությունն իրեն կարողանա տանի կամ բերի. Արցախի հերոս է, հարգանքի արժանի անձնավորություն է, ու չեմ կարծում, որ այն անձն է, որ ընդդիմությունն ասի՝ արի տանեմ: Նա բավականին փորձված, կշռադատված գործիչ է, երկար տարիներ աշխատել է ՀՀ-ի ու Արցախի պաշտպանության նախարար, ժամանակը կգա՝ իր որոշումը կկայացնի: Սեյրան Օհանյանին չեմ հանդիպել, չգիտեմ իր պլանների մասին: Սեյրան Օհանյանն ինքը պետք է որոշի՝ ուր գնա, ուր մնա, այն բացառապես իր իրավունքն է: Մենք ո՛չ քննարկում ենք, ո՛չ էլ՝ խառնվում: Երբ Սեյրան Օհանյանը կխոսի, ամեն ինչ պարզ կլինի, բայց դեռ չի խոսել, ի՞նչ եք աժիոտաժ սարքել:

- Այդ դեպքում, ինչո՞ւ է պարբերաբար իր անունը շրջանառվում, վերջերս էլ Վիկտոր Դալլաքյանի նորաստեղծ կուսակցության հետ էր կապվում իր անունը:

- Պարբերաբար իմ անունն էլ, այլ մարդկանց անուններ եւս տարբեր թերթերում կարող են շրջանառվել, բայց դա չի նշանակում, որ իրականության հետ կապ ունի: Քանի դեռ մարդը ոչինչ չի ասել իր անելիքների մասին, ես ի՞նչը գնահատեմ: Երբ պարոն Սեյրան Օհանյանը խոսի, միգուցե մեր կարծիքն արտահայտենք: Անկախ անձից՝ ո՛չ Շարմազանովի, ո՛չ Տարոն Մարգարյանի, ո՛չ Հովիկ Աբրահամյանի, ո՛չ Արմեն Աշոտյանի, ո՛չ Գալուստ Սահակյանի հետ կապված որեւէ հարց չենք քննարկել. բոլոր հարցերը կքննարկենք համագումարից հետո:

Պարոն Շարմազանով, չասեք՝ ցանկությունը քաղաքական կատեգորիա չէ. ամեն դեպքում ցանկություն չկա՞, որ Օհանյանը ձեր թիմում լինի:

-Մենք ցանկություններով չենք առաջնորդվում, այլ պետական շահի գերակայությամբ:

- Լավ, պետական շահը չի՞ առաջնորդում, որ զինված ուժերը երկար տարիներ ղեկավարած գործիչը լինի իշխանության ներսում:

- Իշխանության ներսում կամ դրսում լինելու մասին որոշումը պետք է կայացնի  ժողովուրդը՝ ընտրությունների արդյունքով: Պարոն Օհանյանն ինքը կորոշի իր անելիքը:

Տպել
2435 դիտում

Իջևանում տեղի ունեցած բախումներից հետո ահազանգեր են ներկայացվել ՄԻՊ աշխատակազմի թեժ գծին

M4 միջպետական ճանապարհի Իջեւանի հատվածը բացվել է առանց որեւէ անօրինական պահանջի կատարման. Տավուշի մարզպետ

Պոտենցիալ «վեթինգվածների» երկակի ստանդարտները

Հարգանքի տուրք է մատուցվել ՀՀ ոստիկանության պարեկապահակետային ծառայության գնդում (տեսանյութ)

Սիրիայում 9 ժամ կտտանքների ենթարկելուց հետո քարերով սպանել են 60-ամյա հայուհու

Տեղի է ունեցել ընդունելություն ԱՄՆ-ում ՀՀ դեսպանությունում` ի պատիվ ԱԺ նախագահ Արարատ Միրզոյանի

Իջևանում տեղի ունեցած բախումից տուժած 12 ոստիկաններից մեկը հիվանդանոց է տեղափոխվել գանգուղեղային վնասվածքով. մանրամասներ

Ռուսաստանը հայտնել է Թուրքիային ռազմական ինքնաթիռներ վաճառելու պատրաստակամության մասին

Նպատակը վեթինգը չէ, այլ անաչառ դատարան ունենալը. որ ասենք՝ մեր անկախ, սկզբունքային դատարանը որոշեց. Ն. Փաշինյան

Բախում Իջեւանում. 9 վիրավոր ոստիկան տեղափոխվել է հիվանդանոց

Վրաստանի վթարից տուժած ծայրահեղ ծանր վիճակում գտնվող 14-ամյա տղան գիտակցության է եկել. նա սկսել է ինքնուրույն շնչել

Եթե Քոչարյանը քաղբանտարկյալ է, ուրեմն ես իրավունք ունեմ տանկերի տակ ճզմել ցանկացած ընդդիմադիր շարժում. վարչապետ

Երեւան-Սեւան ավտոճանապարհին ձորն ընկած բեռնատարի վարորդը մահացել է

100 հազար դոլար, 18 մլն դրամ. ԱԱԾ քննչական դեպարտամենտի պետի ունեցվածքը

Հայաստանի և Ադրբեջանի միջև թեժ գիծն աշխատում է, բայց դա չի երաշխավորում, որ մենք զոհեր չենք ունենա. վարչապետ

Երեւանում Իսպանիայի ու Պորտուգալիայի 19 տարեկանները ցույց տվեցին այն, ինչ Հայաստանում չկա

Վենետիկի հանձնաժողովի կողմից պաշտոնական միայն մի դիրքորոշում է եղել. Նիկոլ Փաշինյան

Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու

Խաչիկ գյուղի մոտակայքում խոտածածկ տարածք է հրդեհվել

Մի բուդկայի պես սեփականաշնորհվել է ՍԴ-ն. եղել է քաղաքական առեւտուր, 4 մարդիկ ստացել են իրենց հասանելիքը. վարչապետ