«Մենք Մամիկոն Ասլանյան ենք». ո՞ւմ դեմ է միտինգ անում մեծամասնություն ունեցող քաղաքապետը

Վանաձորի քաղաքապետի «ընտրություններից» ավելի քան մեկ ամիս է անցել, սակայն ՀՀԿ-ական քաղաքապետ Մամիկոն Ասլանյանը չի կարողանում իրեն հարմարավետ զգալ քաղաքապետի աթոռին:

Ինչպես հայտնի է՝ Ասլանյանը չի կարողանում ավագանու նիստեր անցկացնել՝ քվորումի բացակայության պատճառով: Ուստի մի կողմից նա կանգնած է ավագանու նիստերը բնականոն հուն վերադարձնելու խնդրի առջեւ, մյուս կողմից՝ ՀՀԿ-ին պետք է համոզի, որ վանաձորցիներն իրեն սատարում են:

Ըստ «Հրապարակ» թերթի այսօրվա հրապարակման, Վանաձորում ՀՀԿ-ն պատրաստվում է հանրահավաք կազմակերպել, որը կներկայացվի իբրեւ «ինքնաբուխ հավաք»՝ «բոլորս Մամիկոն Ասլանյան ենք» կարգախոսով։ Հավաքը կլինի «Լուսավոր Հայաստանի» դեմ:

Մամիկոն Ասլանյանը խիստ բարկացավ այս հրապարակման վերաբերյալ մեր հարցը լսելով: «Զանգել եք Վանաձորի քաղաքապետին, մի հատ բամբասանքի մասին հարց եք տալիս: Ի՞նչ ակցիա: Ես չգիտեմ»,- ասաց Ասլանյանը:

Հնարավոր ակցիայի մասին լսել եւ ի տարբերություն Ասլանյանի՝ ուրախացել էր Վանաձորի քաղաքապետի «Լուսավոր Հայաստանի» նախկին թեկնածու, ավագանու անդամ Քրիստ Մարուքյանը:

«Ես լսեցի, որ նախատեսվում է նման բան: Լրագրողներն ինձ առավոտյան շատ ուրախալի նորություն հայտնեցին: Կանեն՝ կտեսնենք»,- ծիծաղը չզսպելով պատասխանեց Մարուքյանը:

Հարցին, թե արդյո՞ք Վանաձորում Ասլանյանը նման ակցիաների կարիք ունի՝ Մարուքյանը հավելեց. «Ես չեմ հասկանում՝ մեծամասնություն ունեցող մարդը ո՞ւմ դեմ է միտինգ անում, ինչի՞ համար: Քանի դեռ պաշտոնապես չի հայտարարել՝ դժվար է լուրջ պատասխանել»:

Հիշեցնենք, որ հոկտեմբերի 2-ին կայացած ընտրությունների արդյունքներով «Լուսավոր Հայաստան»-ը ստացավ 10 մանդատ, ԲՀԿ-ն՝ 3, «Հայկական վերածնունդը»՝ 5, ԲՀԿ-ն՝ 3, իսկ ՀՅԴ-ն՝ 2: «Լուսավոր Հայաստան», «Բարգավաճ Հայաստան» եւ «Հայկական վերածնունդ» կուսակցությունների միջեւ կնքված համաձայնագրով՝ այս ուժերը քաղաքապետի ընտրության ժամանակ պետք է իրենց ձայնը տային «Լուսավոր Հայաստան» կուսակցության ցուցակը գլխավորող Քրիստ Մարուքյանին՝ այդպիսով ՀՀԿ-ին Վանաձորում դարձնելով ընդդիմություն: Ու չնայած նրան, որ ՀՀԿ-ն ու նրանց կոալիցիոն գործընկեր ՀՅԴ-ն միասին ընտրությունների արդյունքում ընդամենը 15 մանդատ էին ստացել Վանաձորում, Մամիկոն Ասլանյանը փակ քվեարկության արդյունքում 19 ձայնով քաղաքապետ ընտրվեց: 

Տպել
3217 դիտում

Վանաձոր-Ալավերդի-Բագրատաշեն ճանապարհահատվածը բեռնատարների և ավտոբուսների համար փակ է

Դատական բարեփոխումները չպետք է խաթարեն համակարգի բնականոն աշխատանքը. դատավորների միություն

Երևանում 50-ամյա որդին ծանր մարմնական վնասվածքներ էր հասցրել 76-ամյա հորը

Երևանում ծառից էլեկտրալարով կախվել է 62-ամյա տղամարդ. մահից առաջ երկտող է թողել

ԿԳ նախարարի եւ ԵԹԿՊԻ ուսանողների հանդիպումն ավարտվել է. նրանք էլի կհանդիպեն

Տավուշի սահմանամերձ Սարիգյուղ եւ Ծաղկավան համայնքների համար ձեռք կբերվի կոմբայն. Սիփան Փաշինյան

Կառավարությունը 2 համայնքի ղեկավարների արտահերթ ընտրություն անցկացնելու մասին որոշում կկայացնի

Ներդրողի միջոցներով վերգետնյա անցում կառուցելու առաջարկը ինչո՞ւ է մերժվել․ պարզաբանում

Գառնիկ Բադալյանը նշանակվել է Աֆղանստանում ՀՀ դեսպան

Պատվաստման տարեք ձեր երեխաներին. վարչապետը հյուրընկալել է Նոբելյան մրցանակի դափնեկիր Հարալդ Զուր Հաուզենին

Պատրաստվում են անցնել հակագրոհի ամբողջ ճակատով. «Ժողովրդի դեմ խաղ չկան»-ն պետք է ամեն օր ապացուցել

Տիմատիի ու Նազիմայի նոր տեսահոլովակում Հայաստանի բնությունն է՝ իր ողջ շքեղությամբ (տեսանյութ)

Իտալիայում տուրիստական ավտոբուսի վթարի հետևանքով 5 վիրավոր ՀՀ քաղաքացի կա. ԱԳՆ

Խոսրով Հարությունյանը դատական հայց է ներկայացրել Արման Բաբաջանյանի դեմ

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան