Չավուշօղլու vs Նահապետյան. Ստամբուլում «մերկացնող» հարցուպատասխանի շեշտադրումները

20/11/2016 schedule15:11

Թուրքիայի եւ Հայաստանի պետական էլեկտրոնային լրատվամիջոցները՝ «Անադոլու» եւ «Արմենպրես» գործակալությունները, Ստամբուլում ընթացող ՆԱՏՕ-ի Խորհրդարանական վեհաժողովի 62-րդ ամենամյա նստաշրջանի ժամանակ ՀՀ Ազգային ժողովի պատգամավոր Կորյուն Նահապետյանի եւ Թուրքիայի արտաքին գործերի նախարար Մեւլութ Չավուշօղլուի հարցուպատասխանի վերաբերյալ տարբերվող շեշտադրումներով տեղեկություններ են հայտնում:  

Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարբերականը, Կորյուն Նահապետյանը, նիստի ժամանակ հարց ուղղելով Չավուշօղլուին, հայտարարել է, որ Թուրքիան աջակցում է «Իսլամական պետություն» ահաբեկչական խմբավորմանը: Կորյուն Նահապետյանն իր հարցով, փոխանցում է գործակալությունը, մերկացրել է Թուրքիային` ներկայացնելով այն որպես ահաբեկչություն հովանավորող պետություն: 

Կորյուն Նահապետյանը Չավուշօղլուին ուղղած իր հարցում մասնավորապես ասել է. «Թուրքիան, ձևացնելով, թե կռվում է ահաբեկիչների դեմ, իրականում սպանում է քրդերին` աջակցելով «Իսլամական պետություն» խմբավորմանը: Թուրքիան միակողմանիորեն փակել է սահմանները Հայաստանի հետ և անտեսում է հայ-թուրքական հարաբերությունների կարգավորմանն ուղղված միջազգային հանրության բոլոր ջանքերը: Ակնհայտ է, որ Լեռնային Ղարաբաղի հակամարտությունում պաշտոնական Անկարայի ցանկացած միջամտություն միայն կվնասի դրան` Թուրքիայի միակողմանի դիրքորոշման և ցանկացած գնով Ադրբեջանին աջակցելու միտման պատճառով: Ադրբեջանի կողմից ԼՂ շփման գծում ապրիլի 2-5-ը սադրած իրադարձությունները և Թուրքիայի կողմից արված սադրիչ հայտարարությունը դրա վառ ապացույցն են: Այս պահին Թուրքիան իր զորքերն է տեղակայել երեք հարևան երկրում` դրանցից յուրաքանչյուրի դեպքում առանց տվյալ երկրի կառավարության համաձայնության: Իմ հարցն է` ինչպես է Թուրքիան տեսնում իր հարևանների հետ հարաբերությունների հետագա զարգացումը»:

Ի պատասխան հայ պատգամավորի հնչեցրած հարցի` Թուրքիայի արտգործնախարարը ասել է, թե իրենք կողմ են Իրաքի և Սիրիայի տարածքային ամբողջականությանը: Նա մեղադրել է հայկական կողմին` իբր անարդար լինելու մեջ` ասելով. «Մենք կարող ենք տարբեր տեսակետներ ունենալ` Դուք Հայաստանից եք, ես թուրք եմ: Սակայն նախ և առաջ անհրաժեշտ է արդար լինել: Մանավանդ, եթե քաղաքական գործիչներ ենք: Եվրախորհրդի խորհրդարանական վեհաժողովում երկար տարիներ տեսել եմ, որ դժբախտաբար մեր հայ գործընկերները երբեք արդար չեն լինում: Ինչպե՞ս եք ասում, որ մենք աջակցում ենք ԻՊ-ին»:

Չավուշօղլուն արդարացել է` նշելով, որ Թուրքիան ձերբակալել և սպանել է մեծ թվով ԻՊ զինյալների` այդ հարցում օգնելով նաև եվրոպական երկրներին:

Հայկական պետական լրատվական գործակալության հայտնած տեղեկատվության մեջ բացակայում է Թուրքիայի ԱԳՆ ղեկավարի՝ Հայաստանին ուղղված խոսքը՝ կապված ԼՂ հակամարտության հետ: «Անադոլու» գործակալության հաղորդմամբ, Չավուշօղլուն դիմել է Կորյուն Նահապետյանին հարցական հայտարարությամբ. «Ինչո՞ւ Հայաստանը չի լքում Ադրեբջանի «օկուպացված տարածքները»»: Նրա խոսքով, Հայաստանի ներկայացուցիչներն այնպիսի ելույթներ են ունենում, կարծես իրնեց երկիրը «խաղաղության հրեշտակ է»: Այս համատեքստում նա հիշեցրել է ԼՂ հակամարտության մասով ՄԱԿ-ի Անվտանգության խորհրդի 4 բանաձեւերը, որոնցում ըստ նրա նշվում է, որ «Ադրբեջանի տարածնքերի 20%-ն օկուպավցած է»: Իրականում, սակայն այդ բանաձեւերում, որոնք ընդունվել են ղարաբաղյան պատերազմի տարիներին, կոչ է արվում կողմերին դադարեցնել ռազմական գործողությունները, իսկ հայկական (ոչ Հայաստանի, այլ հայկական) ուժերին՝ դուրս գալ այդ տարածքներից: Սակայն բանաձեւերից ընդունումից հետո ամեն անգամ Ադրբեջանն է խախտել զինադադարը եւ նորանոր պարտություններ կրել:

Այս փաստարկը լռության մատնելով՝ Չավուշօղլուն Նահապետյանին հարց է ուղղել. «Այդ Հայաստանը չէ՞, որ օկուպացրել է Ադրեբջանի տարածքները: Ինչո՞ւ Հայաստանը չի լքում այդ տարածքները»: Նա նաեւ հայտարարել է, որ ժամանակին Թուրքիան կողմ է արտահայտվել հայ-թուրքական սահմանի բացմանն Ադրբեջանի տարածքների դեօկուպացիայի դիմաց: «Մենք համապատասխան առաջարկություն են ուղարկել Երեւանին: Ի պատասխան Հայաստանը հրաժարվեց այս երկու հարցերն իրար կապել: Եւ մենք տվեցինք հստակ պատասխան, որ Ադրբեջանը եղբայրական պետություն է: Մենք մեկ ազգ եւ երկու պետություն են: Ադրբեջանի խնդիրը, մեր խնդիրն է»:   

Չավուշօղլուն նաեւ հիշեցրել է Թուրքիայի՝ 1915 թ.-ի իրադարձությունները ուսումնասիրելու նպատակով գիտական հանձանաժողովի ստեղծման մասին առաջարկությունը: «Մենք առաջարկել ենք, որ այդ հանձնաժողովի մեջ մտնեն նաեւ երրորդ երկրներից գիտնականներ՝ Ռուսաստան, ԱՄՆ եւ Մեծ Բրիտանիա: Թող այդ երկրները բացեն իրենց արխիվները, որոնք կուսումնասիրեն գիտնականները: Հայաստանը մերժեց այդ առաջարկը, քանի որ գերադասում է սուտը եւ հավատում միայն իր պնդումներին», - ասել է Չավուշօղլուն:  

Տպել
6080 դիտում

Հայաստանի պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին