1000 դրամը երեւի դառնա կամավոր. իշխանությունը վերանայում է դիրքորոշումը

Իշխանությունները կարծես թե նահանջում են զոհված կամ հաշմանդամ դարձած զինծառայողներին հատուցում տալու վերաբերյալ 1000 դրամանոց հատկացումների նախագծում որդեգրած պայմաններից:

Եթե ի սկզբանե որոշում էր կայացվել, որ յուրաքանչյուր աշխատողի աշխատավարձից ամսական 1000-ական դրամ պահելը պետք է օրենքի ուժով պարտադիր լինի, ապա հիմա չեն բացառում, որ այն կարող է նաեւ կամավոր լինել: Այդ մասին առաջին անգամ անցած ուրբաթ հայտարարեց Հանրապետական խմբակցության ղեկավար Վահրամ Բաղդասարյանը, այնուհետեւ դա չբացառեցին նաեւ իշխանության մի շարք ներկայացուցիչներ:

Հավանաբար այդ նախաձեռնության շուրջ թե Ազգային ժողովում, թե սոցցանցերում սկիզբ առած բուռն քննադատությունները հեղինակներին ստիպեցին վերանայել իրենց կոշտ դիրքորոշումը: Եվ չի բացառվում, որ օրինագծի երկրորդ ընթերցման տարբերակում պարտադիր սկզբունքը փոխվի կամավորի, բայց այն տարբերակով, որ ով չի ցանկանում վճարել այդ 1000-ական դրամները, այդ մասին իր գործատուին գրավոր դիմում ներկայացնի:

Բայց այդպիսով կարծես թե հոգեբանական ճնշում է գործադրվում աշխատողների վրա, որովհետեւ շատերի համար դժվար կլինի նման դիմում գրելը, եթե չցանկանան վճարել այդ գումարը: Կարծիք կա, որ տվյալ դեպքում առավել խոցելի կլինեն պետական համակարգի աշխատողները, քանի որ նրանց պարզապես չի թույլատրվի հրաժարվել: Այդպիսով պետական համակարգի աշխատողներն այդ առումով ամենախոցելին են, քանի որ նմանատիպ բոլոր՝ կուտակային կենսաթոշակային, «Հայաստան համահայկական» հիմնադրամներին, հիմա արդեն այս մի հիմնադրամին հատկացվելիք գումարները պահվում են հիմնականում նրանցից: Բացի այդ, նրանք կվախենան, որ հրաժարվելու վերաբերյալ իրենց դիմումները կհայտնվեն մամուլում ու սոցցանցերում, եւ իրենք կընկնեն անհարմար վիճակի մեջ:

ԱԺ սոցիալական հարցերի մշտական հանձնաժողովի նախագահ Հակոբ Հակոբյանը մեզ հետ զրույցում համոզմունք հայտնեց, որ թե՛ կամավորի, թե՛ պարտադիրի դեպքում մեր հասարակությունն իր պարտքը կկատարի իր հաշմանդամ կամ մահացած զինվորի ընտանիքի նկատմամբ: «Ես կարծում եմ, երկու տարբերակներն էլ կաշխատեն: Եվ համոզված եմ, որ եթե օրենքը կամավոր լինի, մեր հասարակության ոչ մի անդամ չի հրաժարվի այս տուրքը վճարելուց: Համոզված եմ, որ յուրաքանչյուր մարդ կմտածի, որ բանակն ապահովում է իր անվտանգությունը, եւ ինքը այսօր գտնվում է այնպիսի աշխարհագրական միջավայրում, որ անվտանգությունը դառնում է առաջնային խնդիր»,- ասում է պատգամավորը:

Վերջինս նաեւ գտնում է, որ այս վճարումների, հետո նաեւ հատկացումների համար ընտրված ապահովագրական մեխանիզմը հնարավորություն կտա հոգալ մահացած կամ հաշմանդամ դարձած զինծառայողի ընտանիքի հոգսը՝ այդպիսով փոխհատուցելով նրա չաշխատած եկամուտը: «Դա ճիշտ է նաեւ որպես մեխանիզմ, քանի որ դա մեզ հնարավորություն կտա այդ գումարները տարբեր տեղեր շրջանառության մեջ դնել եւ հիմնադրամում եղած մայր գումարը ավելացնել»,- հավելեց Հակոբ Հակոբյանը:

Վիճահարույց էր նաեւ հարցը, թե ինչու պետք է այդ օրինագծով նախատեսված հատուցումը տրվի միայն 2017թ. հունվարի 28-ից հետո զոհվող համ հաշմանդամ դարձող զինծառայողների ընտանիքներին, այն դեպքում, երբ մինչեւ հիմա մենք նման բազմաթիվ դեպքեր ենք ունեցել՝ այդ թվում նաեւ ապրիլյան պատերազմի ծանր հետեւանքները: «Ցանկացած ցանկության տակ պետք է լինի համապատասխան գումար: Իսկ եթե խոսքը ապրիլյան զոհերի մասին է, ես գիտեմ, որ ե՛ւ ԱՄՆ, ե՛ւ ՌԴ, ե՛ւ եվրոպական երկրներում ապրող հայերը կարողացել են օգնել նրանց ընտանիքներին: Իսկ այս հիմնադրամն այդ ամենը կկանոնակարգի»,- եզրափակեց Հակոբյանը:

ԱԺ նախագահ Գալուստ Սահակյանը եւս գտնում է, որ մենք դեռ չենք կարող նաեւ նախկինում զոհված եւ հաշմանդամ դարձած բոլոր զինծառայողների ընտանիքներին փոխհատուցել: «Ես կարծում եմ, որոշակի գումար որոշ ժամանակ հետո կհավաքվի նաեւ նրանց ընտանիքներին օգնելու համար: Առանձին ենք անում, որպեսզի ակնհայտ լինի, որ ժողովուրդն ու բանակը միշտ միասին են հանդես գալու, սա մեծ խորհուրդ ունի, ես կասեի պատմականորեն նաեւ իդեալական բնորոշում ունի, այլ բան է, որ ընդդիմադիրները փորձում են դրա մեջ ինչ-որ բաներ գտնել»,- մեզ հետ զրույցում ասաց ԱԺ նախագահը:

1000 դրամների նախաձեռնության հիմքում դրված «ազգ-բանակ» գաղափարը քաղաքական շրջանակներում ենթադրությունների տեղիք է տվել, թե այդպիսով իշխանությունները 2017թ. խորհրդարանական ընտրություններից առաջ իրենց համար նոր ու ժողովրդի զգացմունքների վրա առավել ազդող կարգախոս են գտել: Եվ այս օրինագծով պարզ կդառնա, թե ինչքանով այն հնարավոր կլինի գեներացնել կամ մատուցել ընտրողներին: Հասկանալի է, որ ապրիլյան պատերազմից հետո բանակի նկատմամբ հասարակության վերաբերմունքը կտրուկ փոխվեց: Եվ ահա բարոյալքված քաղաքական դաշտի եւ տնտեսության խարխլված վիճակին հակառակ՝ այսօր կա հասարակության վստահությունը վայելող բանակ եւ հասարակության ակնածանքը վայելող զինվոր:

Իշխանություններն այլեւս չեն կարող ընտրողներին կերակրել քաղաքական կամ տնտեսական բնույթի խոստումներով ու կարգախոսներով: Ու այս պարագայում նրանք դիմում են բանակի օգնությանը: Իսկ բանակային թեմաներով կարգախոս ունենալու իրավունքը, հասկանալի է, պատկանում է իշխանություններին: Մինչդեռ Գ. Սահակյանը չի ընդունում կարծիքը, որ 1000-ական դրամների նախագծի հիմքում դրված «ազգ-բանակ» գաղափարը կարող է իրենց անուղղակի կարգախոսը լինել:

«Մեր կուսակցությունը հենց պատերազմի ընթացքում է ծնվել, իսկ այս պահին ինչ էլ անենք, նախընտրական կլինի: Անցած տարի, դրանից առաջ էլ ինչ արել ենք, նախընտրական էր: Այնպես չէ, որ ինչ անում ենք, ընտրությունների մասին ենք մտածում: Նախընտրական լինելու համար թոշակ եւ աշխատավարձ կբարձրացնեինք: Իհարկե, կարելի էր բարձրացնել, ընտրություններից հետո նորից իջեցնել: Դա ընդդիմության կարծիքն է, բայց կգա ժամանակ, որ ընդդիմությունն էլ ընդդիմություն կլինի, մենք էլ առավել կլինենք»,- ասաց Գալուստ Սահակյանը:

Տպել
3560 դիտում

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կլհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը