Կապանում երթուղայինի ուղեվարձը նորից թանկացել է. վարորդներն այսօր գործադուլ են արել

Այսօր վաղ առավոտից Կապանի 8 համարի երթուղայինները դադարեցրել էին իրենց աշխատանքը՝ հրաժարվելով սպասարկել 50 դրամ ուղեվարձով: Ինչպես տեղեկացրել ենք՝ ակտիվիստների ճնշման ներքո վարորդները զիջման էին գնացել եւ վերջին օրերին 70 դրամի փոխարեն նախկին 50 դրամն էին պահանջում:

Սակայն այսօր վարորդները ուղեւորներին տեղեկացրել են, թե գծատերը իրենց արգելել է 50 դրամով աշխատել: Եվ քանի որ քաղաքացիները շարունակել են 50 դրամ վճարել, վարորդները կանգնեցրել են մեքենաները եւ հրաժարվել աշխատել:

«Քաղաքացիական պայմանագիր» կուսակցության Կապանի տարածքային կառույցի անդամ Նարեկ Բաբայանը մեզ հետ զրույցում հայտնեց, որ վարորդների գործադուլը տեւել է մինչեւ ժամը 15:00-ն:

«Այդ ընթացքում մարդիկ չգիտեին ինչ անել: Երեխաների մի մասը դպրոցից ոտքով է տուն գնացել, մի մասը՝ չգիտենք ինչպես: Ժամը 15:00-ից հետո նոր սկսել են աշխատել: Երթուղայինի մեջ իրենց մարդիկ լցված են եղել, ուղեւորներին ստիպել են 70 դրամ վճարել, գոռգոռացել են եւ այլն եւ այլն»,- ասաց Նարեկ Բաբայանը:

Վերջինս հայտնեց, որ իրենք չեն դադարեցնելու պայքարը 70 դրամ ուղեվարձի դեմ եւ չբացառեց, որ նորից կսկսեն մարդկանց իրենց մեքենաներով անվճար տեղափոխել Շինարարների թաղամաս:

Հիշեցնենք, որ Կապանի թիվ 8 երթուղին սպասարկող «Լավ ընկեր» ՍՊԸ-ն նոյեմբերի 1-ից թանկացրել էր թիվ 8 երթուղու ուղեվարձը՝ 50 դրամից դարձնելով 70 դրամ: Այս թանկացումն ընկերությունը բացատրել էր նրանով, որ նոր մեքենաներ է ձեռքբերել, որոնք դիզելային վառելիքով են աշխատում: ՔՊ ակտիվիստները սկսել էին իրենց անձնական մեքենաներով մարդկանց տեղափոխել Շինարարների թաղամաս՝ այսպիսով թույլ չտալով, որ մարդիկ 70 դրամ վճարեն: Ակտիվիստներից մեկն էլ ամեն անգամ երթուղայինում հսկում էր, որ վարորդն ուղեւորներից 70 դրամ չպահանջի:

Նոյեմբերի 17-ին այս պայքարը որոշակի արդյունք էր տվել. երթուղայինների միջից հեռացվել էր 70 դրամ գրությունը եւ մարդիկ սկսել էին նորից 50 դրամ վճարել:

«Լավ ընկեր» ընկերության տնօրեն Վահե Համբարձումյանը, սակայն, մեզ հետ զրույցում հայտնել էր, որ իրենք ուղեվարձը էժանացնելու միտք չունեն եւ քաղաքապետարանում հիմնավորել են 20 դրամի թանկացումը:

Տպել
4184 դիտում

Կրկին հեշտ մրցակից «Արսենալի» համար Եվրոպա լիգայում

Ողբերգական դեպք. Ֆրանսիացի լեռնագնացը մահացել է ՊՆ ուղղաթիռում

Երեւանի քաղաքապետարանը թափուր պաշտոնների համար մրցույթ է հայտարարել

Թալանել են Արագածոտնի մարզպետարանի վարչության պետի պաշտոնակատարի տունը. տարել են ոսկյա զարդեր եւ փող

Լին Մ. Թրեյսին երդվեց ծառայել Հայաստանում որպես ԱՄՆ դեսպան

Կոտայքի լեռներում ձնահոսքի տակ մնացած Ֆրանսիայի քաղաքացիներին գտել են. ներգրավվել է ՊՆ ուղղաթիռ

Արցախում կան ծանրամարտի զարգացման հեռանկարներ. Նազիկ Ավդալյանը հանդիպել է Արցախի ԿԳ եւ սպորտի նախարարին

Ռազմարդյունաբերության համալիրի զարգացումը կառավարության առաջնահերթություններից է. Նիկոլ Փաշինյան (տեսանյութ)

Համաներման որոշումը ՊՊԾ գունդը գրաված «Սասնա ծռերի» վրա չի տարածվի անգամ մեկ առարկության դեպքում. Զեյնալյան

Չիրացված մեծ ներուժ կա. Արարատ Միրզոյանն ընդունել է Նիդերլանդների դեսպան Յոհաննես Դաումային

Թուրքիայի իշխանությունները 295 զինվորականի կալանելու օրդեր են տվել

Մեկնարկում է «Աշխատիր Հայաստան» արշավը. կառավարությունում տեղի է ունեցել քննարկում

Աշխատավարձը չպետք է գերխնդիր լինի. Արշակյանը` «Իմ քայլ»-ը դաշինքի հետ հանդիպման մասին

Հայաստանի իշխանությունները հետաքրքրված են շվեյցարական կապիտալի ավելի լայն ու ակտիվ ներկայացվածությամբ. Պապիկյան

Անցկացվում է Արմենակ Ուրֆանյանին նվիրված թաեքվոնդոյի առաջին հուշամրցաշարը

Կամ Գորգիսյանը թիվ է հնչեցնում առանց տիրապետելու կամ տիրապետում է, բայց միտումնավոր կեղծ մեսիջներ է հղում. Մանուկյան

ՀՀԿ-ական նախկին պատգամավոր Հակոբ Հակոբյանը 15 անշարժ գույք, 240 հազար դոլար եւ 69 մլն դրամ ունի

Խորեոգրաֆիայի նախկին տնօրենը չի հրաժարվում «պարտականություններից», թատրոնի ԺՊ-ին էլ ինտեգրվել չի հաջողվում

Մեզ այդ պատասխանը բավարար էր. Փամբուխչյանը` Կալաշնիկովի հետ հանդիպման մասին

Հանրային ռադիոյի գործադիր տնօրենի մրցույթը հայտարարված է