Ռաբիսից մինչեւ Շպռօտ եւ հակառակը. կիսամե՞րկ, թե՞ տարազով` նույն հաշիվն է

25/11/2016 schedule10:47

Վերջերս երկու մշակութային իրադարձություն ցնցեց հանդիսատեսին եւ ունկնդրին: «Շանթ» հ/ը-ով հեռարձակվող «X-Factor 4» երաժշտական նախագծի մասնակիցներից Դրախտիկ գյուղից 17-ամյա Եղիշե Աղաջանյանի ելույթի ընթացքում Ժյուրիի անդամների պահվածքը դուր չեկավ շատ շատերին: Մամուլի բազմաթիվ հրապարակումներ եղան, քննարկվում էր, թե կարելի՞ էր արդյոք այդ կերպ վարվել ապագա հայ զինվորի հետ:

Ժյուրիի անդամներն ընդամենն արձագանքեցին Եղիշեի ուրույն պահվածքին: Նա, մեղմ ասած, շատ լարված էր, ու ժյուրին ակնհայտորեն փորձում էր մթնոլորտը թեթեւացնել: 17-ամյա երիտասարդի կատարումը իրականում հեռու էր նույնիսկ միջին մակարդակից, եւ ժյուրիի անդամները որեւէ բան չասացին, որը կխոցեր նրա ինքնագնահատականը: Բայց կապ չունի, մոտ մեկ շաբաթ հարցը չէր իջնում մամուլի եւ սոցիալական ցանցերի էջերից: Ով ինչ հին քեն ուներ Գարիկի, Անդրեի, Էրիկի հանդեպ, վրեժխնդիր եղավ: Նրանց վիրավորեցին, ծաղրեցին, կիսամերկ նկարներ տարածեցին, ինչ ասես գրեցին:

Նոր նոր էր հանդարտվում իրավիճակը, երբ տեղի ունեցավ Շպռօտի նոր տեսահոլովակի պրեմիերան`«Կտրիճ Դավո» երգի հիման վրա: Եվ ամեն ինչ սկսվեց նորից` հայ աղջիկ, հայ զինվոր, հայ զինվորի ապագա մայր, բաց կրծքեր, երկար ոտքեր, լողազգեստ: Շպռօտի տեսահոլովակի դեպքում աղմուկը սահմանափակվեց միայն սոցիալական ցանցերում: Մամուլը նման ցածր թեմաների չի անդրադառնում: Իսկ երաժշտական քննադատները դինոզավրերի նման անհետացած երեւույթ են մեր երկրում: Անհիշելի ժամանակներից նոր երգերը, տեսահոլովակները որեւէ մեկը մասնագիտորեն չի վերլուծում ու քննադատում: Նույնը վերաբերվում է նաեւ թատրոնին, կինոյին, օպերային, գրականությանը:

Ու քանի որ մասնագետները լռում են, իսկ մասսաները կարծիք լսելու կարիք ունեն, ի հայտ են գալիս առանձին խմբեր, անհատներ, ովքեր այս կամ այն երգը գնահատում են իրենց գիտելիքների եւ սուբյեկտիվ ճաշակի սահմաններում: Առաջացել է մշտապես ակտիվ, հանրային հետաքրքրություն ներկայացնող բոլոր երեւույթներին արձագանքող մարդկանց մի մեծ բանակ, որը մամուլով եւ սոցցանցերով կարող է կոնկրետ վերաբերմունք ձեւավորել ցանկացած հարցի նկատմամբ: Բայց այս քննադատների բանակը այնքան էլ կողմնորոշված չէ եւ ոնց որ թե ինքն էլ չի հասկանում՝ ինչ է ուզում:

Սեպտեմբերին, նոր եթերաշրջանում Հանրային հեռուստաընկերությունը գովազդում էր «Ամենակարող երգիչ» նախագիծը, եւ գովազդի ժամանակ հնչում էր ռաբիս երաժշտություն: Մի այնպիսի հայբուդուր բարձրացավ, որ հարցը քննարկվեց երկրի առաջին դեմքի մակարդակով, սրբագրումներ մտցվեցին նախագծի մեջ` ռաբիս երգերը թերեւս կամ բացառվեցին, կամ մինիմումի հասցվեցին: Պարզվեց՝ ռաբիսը մեր քննադատների բանակի քիմքին հաճելի չէ:

Հիմա Շպռօտը երգ է ներկայացնում ֆոլք կամ փոփ ժանրում (ճիշտ ժանրը մասնագետները կհուշեին, եթե պահպանված լինեին), ու պարզվում է, որ այս ժանրն էլ քննադատների բանակի քիմքով չէ: Նույնիսկ տեսահոլովակի մեջ պարող կիսամերկ աղջիկները չփրկեցին Շպռօտին, որովհետեւ դրանք էլ ապականում են նամուսով հայուհիների ինստիտուտը:

Հայկական տարազներով Սիրուշոյի նոր տեսահոլովակները նույնպես քննադատների սրտով չեն: Դրանք ավելի շատ լուսանցքում են մնում, որովհետեւ Սիրուշոն Քոչարյանի հարսն է եւ սրանով ամեն ինչ ասված է: Ընդ որում, Սիրուշոն կարծես միակ ստեղծագործողն է, որ իր երգերով փորձում է արձագանքել տվյալ ժամանակաշրջանի կյանքին:

Հայկական ռեգիի`«Ռեինկառնացիայի» հաջողության ուղին ավարտվեց Հյուսիսային պողոտայի նկուղային ակումբում: Օպերայի ու ֆիլհարմոնիկի համերգներն անցնում են կիսադատարկ դահլիճներում: Ռոք խմբերի անշլագներից էլ լուրեր չկան: Ջազմենները, հեղինակային կատարողները, էստրադային կատարողները, մյուս բոլորը նույնպես ծվարել են տարբեր ակումբներում: Այդպես ավելի ապահով է: Որովհետեւ, եթե որեւէ մեկը փորձում է պադվալից դուրս թփրտալ՝ կազմակերպված ձեւով տրորում են, ինչպես` Շպռօտին: Կամ, լավագույն դեպքում արհամարհում են, ինչպես Սիրուշոյին:

Ու ստացվում է, որ  մշակութային-երաժշտական միակ իրադարձությունը, որի շուրջ քիչ թե շատ բովանդակային քննարկում է տեղի ունենում «Եվրատեսիլի» երգն է, այն էլ տարին մեկ է լինում:                                                 

Տպել
6486 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները