ՀՀԿ համագումարի ինտրիգը կամ ինչու՞ փոխվեց կուսակցության կանոնադրությունը

Նոյեմբերի 26-ին տեղի ունեցած ՀՀԿ 16-րդ համագումարի ժամանակ փոփոխության ենթարկվեց կուսակցության կանոնադրությունը, ծրագիրը եւ ղեկավար մարմինը՝ գործադիրի կազմը: ՀՀԿ-ն ունի խորհուրդ եւ գործադիր մարմին, կուսակցության կառավարման բարձրագույն մարմինը ԳՄ-ն է: Երեկ տեղի ունեցած փոփոխության արդյուքնում Գործադիր մարմնի անդամների թվաքանակը ավելացավ երկուսով եւ նախկին 19 անդամի փոխարեն այժմ այդ մարմնում ընդգրկված են 21-ը:

Ո՞վ ում փոխարինեց ԳՄ-ում

Կուսակցության գործադիր մարմնի նոր կազմում ներառված են հետեւյալ անձինք՝ Սերժ Սարգսյան, Հովիկ Աբրահամյան, Արմեն Աշոտյան, Կարեն Ավագյան, Վահրամ Բաղդասարյան, Գագիկ Բեգլարյան, Ռուբեն Թադեւոսյան, Մուշեղ Լալայան, Կարեն Կարապետյան (վարչապետ), Կարեն Կարապետյան (ԱԺ պատգամավոր), Հրանուշ Հակոբյան, Դավիթ Հարությունյան, Արփինե Հովհաննիսյան, Տարոն Մարգարյան, Գագիկ Մինասյան, Հերմինե Նաղդալյան, Սամվել Նիկոյան, Էդուարդ Շարմազանով, Գալուստ Սահակյան, Սամվել Ֆարմանյան եւ Վիգեն Սարգսյան: ԳՄ-ի նոր կազմում այլեւս տեղ չունեն Դերենիկ Դումանյանն ու Ռազմիկ Զոհրաբյանը: Գործադիր մարմնի նորեկներն են՝ Կարեն Կարապետյանը, Վիգեն Սարգսյանը, Արփինե Հովհաննիսյանը, Սամվել Ֆարմանյանը:

Փոփոխությունները Կանոնադրությունում

ՀՀԿ-ի կանոնադրությունը ընդունվել կուսակցության հիմնադիր համագումարում, որը բազմաթիվ փոփոխությունների է ենթարկվել: Այս անգամ էլ ՀՀԿ 16-րդ համագումարի պատվիրակները որոշակի փոփոխության ենթարկեցին այն: Այսուհետ ՀՀԿ-ի շրջանային, տարածքային եւ սկզբնական կազմակերպությունների նախագահները եւ նրա տեղակալները կընտրվեն անժամկետ: Նախկինում նրանք ընտրվում էին 2 տարի ժակետով:

«Կուսակցության Երեւան քաղաքի ՀՀԿ տարածքային կազմակերպության աշխատանքները համակարգում է ՀՀԿ գործադիր մարմնի անդամներից մեկը՝ գործադիր մարմնի որոշմամբ», այս նախադասությունը նոր է ավելացվել կանոնադրությամբ եւ նպատակ ունի Երեւանի կազմակերպության աշխատանքները վերահսկել, կազմակերպել հենց կուսակցության բարձագույն մարմնի կողմից:

Եթե նախկինում գործող կանոնադրությամբ ՀՀԿ-ն համագումար պետք է հրավիրեր կուսակցության մշտական գործող ղեկավար մարմինն առնվազն երկու տարին մեկ անգամ, ապա «2 տարին մեկ անգամ» պարտադիր պահանջը վերացված է: Կուսակցությունը համագումար կհրավիրի պարզապես օրենքով սահմանված ժամկետնորում, իսկ օրենքը՝ Կուսակցությունների մասին օրենքն է:

Հաջորդ փոփոխությունը վերաբերվում է կուսակցության նախագահի ընտրությանը: Սա կարելի է համարել ուշագրավ փոփոխություններից մեկը: Մինչ երեկ ՀՀԿ նախագահն ընտրվում էր համագումարի կողմից երկու տարի ժամկետով, իսկ երեկվա փոփոխություններով՝ ՀՀԿ նախագահն ընտրվում է համագումարի կողմից հերթական համագումարի միջեւ ընկած ժամանակահատվածով: Վերը նշեցինք նաեւ, որ ՀՀԿ-ն համագումար հրավիրելու ժամկետները թողել է օրենքի կարգավորմանը: Նշենք, որ հանրային քննարկման էր դրված «Կուսակցությունների մասին» ՀՀ օրենքում փոփոխություններ կատարելու մասին նախագիծը: Դժվար է ասել, փոփոխությունների արդյունքում օրենքն ինչպիսի տեսք կունենա, բայց կանոնդադրությունից «2 տարին մեկ անգամ» պարտադիր կետը հանելը բազմաթիվ հարցեր է առաջացնում:

Մեկ այլ փոփոխությամբ էլ ՀՀԿ-ն արդեն կունենա կուսակցության նախագահի առաջին տեղակալ եւ տեղակալներ՝ նախկին հավասարազոր փոխնախագահների փոխարեն: Կուսակցության առաջին փոխնախագահն է այսուհետ համակարգելու նախագահի կողմից սահմանվող այն ոլորտները, որոնք պետք է համակարգեին բոլոր փոխնախագահները: Այսինքն՝ կուսակցության նախագահի առաջին տեղակալը կանոնադրությամբ ստանում է մյուս փախնախագահներից զգալիորեն առավել լիազորություններ:

Նախկին կանոնադրությամբ՝ կուսակցության խորհուրդը հաստատում էր նախագահի կողմից առաջադրված կուսակցության փոխնախագահների, հանձնաժողովների նախագահների եւ կառուցվածքային ստորաբաժանումների ղեկավարների թեկնածությունը, իսկ նոր խմբագրմամբ խորհուրդը հաստատում է կուսակցության առաջին փոխնախագահի կողմից սահմանված թեկնածություններին:

Առաջիկայում ՀՀԿ նախագահի առաջարկությամբ կստեղծվի կուսակցության ավագների խորհուրդ խորհրդակցական մարմին, որը կունենա ղեկավար՝ կուսակցության նախագահի կողմից առաջարկված:

Կուսակցության նախագահը նոր կանոնադրությամբ իրավունք է ստանում ստեղծել եւ կազմալուծել կուսակցության ոլորտային ստորաբաժանումներ, որոնք համակարգում են համապատասխան ոլորտներում կուսակցության գործունեությունը: Կուսակցության վերստուգիչ հանձնաժողովի՝ պարտադիր 2 տարին մեկ անգամ ձեւավորվելու պահանջը հանվում է: Վերստուգիչ հանձնաժողովը կձեւավորվի այն ժամանակ երբ համագումար կհրավիրվի: Կուսակցության նախագաի առաջարկությամբ էլ գործադիր մարմինը կորոշի Երեւան քաղաքի ՀՀԿ տարածքային կազմակերպության ղեկավարի թեկնածությունը հաստատելու հարցը:

Ստացվում է, որ ՀՀԿ-ի կանոնադրության փոփոխությունը ՀՀԿ նախագահի ընտրության ժամանակահատվածը թողնում է նոր օրենքի կարգավորմանը, որը դեռ իրավական ուժ չի ստացել (այն գտնվում է ԱԺ-ում): Համագումար հրավիրելու պարտադիր սահմանված ժամկետը վերացվեց: ՀՀԿ-ն կունենա առաջին փոխնախագահ, որն անհամեմատ առավելություն կունենա մյուս փոխնախագահների նկատմամբ: ՀՀԿ նախագահը կառաջարկի ՀՀԿ Երեւանի կառույցի ղեկավարի թեկնածուին, որին կընտրի ԳՄ-ն:

Փոփոխությունները ծրագրում

ՀՀԿ-ն կանոնադրությունից բացի փոփոխություն կատարեց նաեւ ծրագրում: Ծրագիրը հիմնականում այն մասին է, թե ինչպիսին է ՀՀԿ-ի տեսլականը եւ սկզբունքները: Չի փոխվել կուսակցության ազգային պահպանողական լինելու դրույթը, որը հիմնարար է:

Նախկին եւ նոր ծրագրում կուսակցությունը մի քանի անգամ Աստծուն հղում է կատարում: «Հայոց գերագույն նպատակը, որ իմաստավորումն է իր աստվածաստեղծ գոյության, հարատևումն է Հայրենիքում, հաստատումը իր կենսական ուժի, ստեղծագործ հանճարի ու ազատ կամքի»,- այս ձեւկերպումից զատ ՀՀԿ-ում նկատում էին, որ հայության բնօրրանը Հայկական բարձրավանդակն է, որը հայոց աստվածատուր հայրենիքն է: Նոր ծրագրում «աստվածաստեղծ գոյության» բառակապակցությունից «աստվածաստեղծ» բառը հանվել է, իսկ «հայոց աստվածատուր հայրենիք» բառակապակցությունը հանվել է եւ փխարինվել է «Հայոց անփոխարինելի հայրենիք» բառերով:

«Աստծո կամոք մենք արարվել ենք որպես հայեր, հետեւապես` մեր եւ Աստծո միջեւ հարատեւ կապն ապահովվում է Հայ տեսակը հավիտենականացնելու ճանապարհով»,- նախադասությունից երկրորդ «Աստծո» բառը փոխարինվել է «Արարչի» բառով:

Նոր ծրագրում հատուկ անդրադարձ կա կնոջն ու տղամադրուն եւ մարդու ազատությանը: Մարդու իրավունքների եւ ազատություններին վերաբերող դրույթում ՀՀԿ-ն նշում է, որ ազատությունը որպես մարդու հիմնարար իրավունք, կարող է իմաստավորված լինել, եթե զուգակցվում է պատասխանատվության եւ բարոյականության հետ: Ըստ ծրագրի՝ տղամարդը եւ կինը հավասար են Աստծո եւ պետության առաջ, ունեն միեւնույն իրավուքնները, եւ այս սկզբունքը պետք է արտացոլվի պետության գործունեության բոլոր ուղղություններում:

ՀԳ Armtimes.com-ը տեղեկացավ, որ կատարված փոփոխություներում որոշակի խմբագրական աշխատանք կկատարվի առաջիկայում, որոնք հիմնարար արժեքներին չեն վերաբերվի:

Տպել
12032 դիտում

Երեւանի քաղաքապետն առաջարկում է նվազեցնել ավտոմեքենաների շարժման թույլատրելի արագությունը՝ 60-70 կմ/ժ-ից դարձնել 50 կմ/ժ

ՍԱՊԾ-ն «Ծիրանի» ռեստորանում խախտումներ է հայտնաբերել

Բազում եւ Ազնվաձոր համայնքների ղեկավարները դեմ են Լեռնապատին միանալուն. Վանաձորն ավելի մոտ է ու հարմար

ԵՊԲՀ-ում դրական արդյունքներ են արձանագրվել, խնդիրները եղել են դրվագային. ՊՎԾ ներկայացուցիչ

Ազատությունից զրկման վայրերում առկա են համակարգային բազմաթիվ խնդիրներ. Արման Թաթոյան

Մեր նպատակն է Հայաստանն ավելի ճանաչելի դարձնել ֆուտբոլով. Վանեցյան

Աննա Հակոբյանը Աշոտ Բլեյանի հրավերով այցելել է «Մխիթար Սեբաստացի» կրթահամալիր (լուսանկարներ)

Դավթաշենում երեխաների ճանապարհին մայթ կկառուցվի, իսկ մեկ շաբաթից շահագործման կհանձնվի 220 մ երկարությամբ ճեմուղի

Պրոֆեսիոնալ լիգա ունենալու դեպքում ՀՖՖ-ն 270 մլն դրամ կխնայի. Վանեցյան

Ռուսաստանը վերջնագիր է ներկայացրել ԵԽԽՎ-ին

Շարքային Հայկ Ալավերդյանն իրեն հատկացված ինքնաձիգով ինքն իրեն պատճառել է մահացու հրազենային վնասվածք. ՔԿ

Քաղավիացիայում քննարկվել է Ռուսաստան-Հայաստան օդային փոխադրումների ներկայիս վիճակը

Հայտարարություն մրցույթի մասին

Սեպտեմբերից կներդրվի էլեկտրոնային օրագիր. դրանից օգտվել, թե չէ, կորոշեն ծնողն ու դպրոցը

ԲԿՄԱ-ի ֆուտբոլային թիմը կխաղա Վաղարշապատի ֆուտբոլի ակադեմիայում

Նիկոլ Փաշինյանը մեկնում է Վիետնամ, ապա Սինգապուր

Հայաստան կայցելի Մալթայի արտաքին գործերի և առևտրի խթանման նախարար Կարմելո Աբելան

Քրեակատարողական ծառայողներին կհատկացվի ավելի որակյալ հանդերձանք. նախագիծը կառավարության օրակարգում է

Ամենայն Հայոց կաթողիկոսը հյուրընկալել է Աննա Հակոբյանին

Դրամանենգություն, մահվան ելքով վնասվածքներ. մեկ օրում բացահայտվել է 60 հանցագործություն.