«Միանգամայն հնարավոր է Թուրքիա-Ադրբեջան միացյալ զորամիավորում ստեղծվի Նախիջեւանում»

Ադրբեջանը լինելով ԵՏՄ եւ ՀԱՊԿ կառույցներից դուրս՝ իրեն իրավունք է վերապահում եւ «ճիշտ է անում» դժգոհել ՌԴ-ՀՀ փոխհարաբերությունների համար:

Այս մասին Armtimes.com-ի հետ զրույցում ասաց Մոդուս վիվենդի կենտրոնի հիմնադիր, քաղաքագետ Արա Պապյանը.

«Ադրբեջանը պաշտպանում է իր շահերը, դա այն է` ինչ մենք չենք անում երբեւէ: Պաշտոնապես բողոքե՞լ ենք մեր դաշնակցի՝ ՌԴ-ի եւ թշնամու՝ Ադրբեջանի սերտ հարաբերությունների համար»,- ասաց Պապյանը՝ հիշեցնելով, որ միայն ակնարկի տեսքով դժգոհություններ են եղել Սերժ Սարգսյանի ելույթներում:

Հիշեցնենք, որ երեկ Ադրբեջանի խորհրդարանում պատգամավորները դժգոհություն էին հայտնել ՌԴ-ի կողմից ՀՀ-ին «Իսկանդեր» համակարգերի վաճառքի հետ կապված՝ ասելով, որ ՌԴ-Ադրբեջան հարաբերությունները պետք է վերանայվեն:

Մեր հարցին՝ այս դժգոհությունը կարո՞ղ է իրավական ազդեցություն ունենալ, Պապյանը բացասական պատասխան տվեց՝ ասելով, որ այն կարող է լինել միայն հոգեբանական ազդեցության տեսքով:

«Ու մենք տեսնում ենք, որ ՌԴ-ն սկսում է արդարանալ, Մարիա Զախարովան ասում է՝ զենքը, որ տվել ենք, ուղղված չէ Ադրբեջանի դեմ, Թուրքիայի դեմ: Իրավական առումով որեւէ ազդեցություն չի կարող ունենալ այն, բայց մեր բողոքն իրավական ազդեցություն կարող էր ունենալ, քանի որ ՌԴ-ի հետ նույն միության մեջ ենք»,-ասաց նա:

Հարցին՝ հնարավո՞ր է ՌԴ-ն փորձի սիրաշահել Ադրբեջանին՝ վերջինիս նոր զենքեր վաճառել (ի դեպ, ՌԴ նախագահը ստորագրել է օրենքի նախագիծ, ըստ որի՝ ՌԴ-ի կողմից սպառազինության առք ու վաճառքն այլեւս պետական գաղտնիք է), Արա Պապյանը չբացառեց.

«Որովհետեւ մենք տեսել ենք զենքի հսկայական վաճառք Ադրբեջանին, նաեւ բանակցություններ Թուրքիային՝ հակահրթիռային պաշտպանության համակարգերի հնարավոր վաճառքի վերաբերյալ: Ըստ էության, ՌԴ-ն ոչնչից չի խորշում փող աշխատելու համար, սակայն կարեւոր է մի բան՝ Ադրբեջանը ՌԴ-ի հետ խոսում է  սպառնալիքով, իսկ մենք` դաշնակցային ու միութենական ոճով»:

Պապյանի խոսքով՝ ՌԴ-ն պրոադրբեջանական դիրքորոշում ունի ԼՂ հարցում.

«Կողմնակից եմ ադրբեջանցիների կոչին, որ ՌԴ-ն չեզոք քաղաքականություն վարի Ղարաբաղի հարցում»,- ասաց նա:

Ի դեպ, ադրբեջանական կողմը խոսում է նաեւ Ադրբեջան-Թուրքիա միացյալ զորամիավորում ստեղծելու մասին՝ ի հեճուկս ՌԴ-ՀՀ միացյալ զորամիավորման, Պապյանը սա միանգամայն հավանական համարեց.

«Ապրիլյան պատերազմի ժամանակ թուրք զինածառայողներ են անցել Ադրբեջան՝ որոշակի գործունեություն ծավալելու, ուստի միանգամայն հնարավոր է»,- ասաց նա՝ հիշեցնելով, որ հայ-ռուսական միացյալ զորամիավորումը չի կռվելու Ադրբեջանի դեմ:

Մեր ճշտող հարցին՝ այդ դեպքում ինչո՞վ է պայմանավորված ադրբեջանական կողմի վրդովմունքը, Պապյանն ասաց.

«Ադրբեջանն օգտագործում է էդ քայլը՝ հաջորդ քայլն անելու համար. վրդովմունքը սիրուն փաթեթավորում է այդ քայլի տակ, որպեսզի ավելի ընդունելի լինի, այսինքն՝ օրինականացնում է այդ քայլը: Ասում է՝ մեղավորը ես չեմ, որ գնում եմ դրան, այլ հայերն են, որ ռուսների հետ միասին միացյալ զորախումբ են ստեղծել»:

Հիշեցնենք, որ Մոսկվայում նոյեմբերի 30-ից մեկնարկել է ԱՊՀ երկրների պաշտպանության նախարարների խորհրդի նիստը. ներկա են ե՛ւ ՀՀ պաշտպանության նախարար Վիգեն Սարգսյանը, ե՛ւ Ադրբեջանի պաշտպանության նախարար Զաքիր Հասանովը:

Տպել
2508 դիտում

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը