Արդյունավետության գնահատում` ԳԱԱ-ում. գործընթացը կավարտվի 2017 թ. առաջին եռամսյակի վերջին

01/12/2016 schedule18:00

Առաջիկայում նախատեսվում է վերլուծել ու գնահատել ՀՀ գիտությունների ազգային ակադեմիայի (ԳԱԱ) գիտական կազմակերպությունների գործունեության արդյունավետությունը:

Երեկ կայացած ԳԱԱ նախագահության նիստում հաստատվել է համապատասխան  կանոնակարգը: Նշվում է, որ գնահատման նպատակն է բարձրացնել ակադեմիայի գիտական ներուժի օգտագործման արդյունավետությունը երկրի սոցիալ-տնտեսական զարգացման գործում, ավելացնել համաշխարհային գիտության մեջ ՀՀ ԳԱԱ գիտական կազմակերպությունների ներդրումը, բարձրացնել ՀՀ ԳԱԱ դերն ու հեղինակությունը հասարակության շրջանում:

ԳԱ ակադեմիայից նաեւ տեղեկանում ենք, որ գնահատման ընթացքում իրականացվելու է յուրաքանչյուր գիտական կազմակերպության գիտական, գիտատեխնիկական գործունեության արդյունքների որակական ու քանակական վերլուծություն 10 ուղղությունով: Գնահատումն իրականացնելու է ձեւավորված գնահատման հանձնաժողովը: Գիտական կազմակերպությունների գործունեության գնահատման արդյունքներն ու առաջարկները քննարկվելու են ԳԱԱ նախագահությունում եւ կայացվելու են համապատասխան որոշումներ:

Սպասվող գնահատման, դրա անհրաժեշտության ու հնարավոր հետեւանքների վերաբերյալ որոշ պարզաբանումներ ստանալու նպատակով գրավոր մի քանի հարց ուղղեցինք ԳԱԱ նախագահ Ռադիկ Մարտիրոսյանին: Այդ հարցուպատասխանը ներկայացնում ենք ստորեւ:

- Պարոն Մարտիրոսյան, ինչո՞ւ է առաջացել ԳԱԱ գիտական կազմակերպությունների գործունեության արդյունավետությունը գնահատելու անհրաժեշտությունը: Արդյոք այդ որոշումը նշանակո՞ւմ է, որ ԳԱԱ ղեկավարությունը նույնպես կարծում է, թե համակարգի գիտական կազմակերպությունները մինչ այժմ չեն աշխատել բավարար արդյունավետությամբ:

- Բոլոր ժամանակներում խիստ անհրաժեշտ է գիտական կազմակերպության արդյունավետության գնահատումը՝ պարզելու նրա կանոնադրությամբ սահմանված գիտական, գիտատեխնիկական ուղղությունների կատարումը: Խորհրդային Միության ժամանակաշրջանում ԽՍՀՄ-ի մասնագիտական բարձր հեղինակություն ունեցող գիտնականներ հրավիրվում էին՝ ծանոթանալու տարբեր գիտական կազմակերպությունների գործունեությանը: Արդյունքում նրանց կողմից արվում էին որոշակի երաշխավորություններ եւ առաջարկներ, որոնք ուղղված էին գիտական աշխատանքի արդյունավետության բարձրացմանը: Մեր օրերում խիստ անհրաժեշտ է գիտական արդյունավետության գնահատումը, երբ մշակված են միջազգային գիտաչափական համակարգեր՝ գործունեության արդյունավետության հետ կապված խնդիրների լուծման համար: Այսօր, երբ խիստ անհրաժեշտություն կա տնտեսության զարգացման նպատակով ուշադրություն դարձնել երկրում կիրառական հետազոտությունների զարգացմանը, այդ համակարգի ներդրումը դարձել է արդիական:

Անկախ այս նախաձեռնության անհրաժեշտությունից, ՀՀ ԳԱԱ համակարգի գիտական կազմակերպություններն աշխատում են տարբեր արդյունավետությամբ՝ ապահովելով մեր գիտության բարձր վարկանիշը միջազգային գիտական շրջանակներում:

- Ովքե՞ր են ընդգրկված գնահատումն իրականացնելու նպատակով ձեւավորված հանձնաժողովի կազմում:

- Գիտական կազմակերպությունների արդյունավետության գնահատման գործընթացն իրականացնելու են գլխադասային հանձնաժողովը եւ նրան կից մասնագիտական աշխատանքային խմբերը: Առայժմ հանձնաժողովը եւ խմբերը ձեւավորված չեն: Հանձնաժողովի եւ մասնագիտական աշխատանքային խմբերի աշխատանքներում ներգրավվելու համար որպես փորձագետներ հրավիրվելու են Հայաստանի եւ արտերկրի հանրահայտ գիտնականներ:

- Իսկ ի՞նչ վերջնաժամկետ է սահմանվել վերջնական եզրակացություն ունենալու համար:

- Գործընթացը նախատեսվել է ավարտել 2017 թ. առաջին եռամսյակի վերջին:

- Ի՞նչ չափորոշիչներով է գնահատվելու գիտական կազմակերպությունների աշխատանքի արդյունավետությունը:

- Մշակված են գիտաչափական մեթոդներ, որոնք հնարավորություն են տալիս գիտական գործունեության արդյունքները գնահատել քանակապես եւ որակապես:

- Վերջնարդյունքում հնարավո՞ր է գիտական կազմակերպությունների եւ/կամ գիտաշխատողների օպտիմալացում:

- Քանի որ գնահատման հիմնական նպատակը գիտական հետազոտությունների արդյունավետության բարձրացումն է, ապա գիտության ոլորտում քիչ արդյունավետություն ունեցող, ոչ արդիական գիտական ուղղությունները պետք է փոխարինվեն ժամանակակից, սոցիալ-տնտեսական եւ գիտական խնդիրների լուծմանը  նպաստող ուղղություններով եւ մասնագետներով:

Տպել
2678 դիտում

ԱԺ հանձնաժողովը քննարկում է դատավոր Ազարյանի գիտական ատենախոսության հնարավոր գրագողության հարցը

Մոտ 600 մլն դրամի հարկեր չեն վճարվել. բացահայտվել են նոր չարաշահումներ «Հյուսիս-Հարավ» ծրագրում. դատախազություն

«Իմ քայլը» հիմնադրամը ԱՄՆ կատարած այցի ընթացքում հավաքագրել է 1 մլն 60 հազար դոլար. Ղազարյան

Ֆրագմենտացիայի ու կանաչների հաղթանակը. Եվրախորհրդարանի ընտրությունների արդյունքները

Խաբում է և չի վճարում աշխատավարձը. բողոքի ակցիա՝ Կոտայքի մարզի «Նաիրի» ՃՇՇ-ում.

Սևանի թերակղզուն հարակից տարածքում այրվել է վագոն-տնակ. ԱԻՆ

Մխիթարյանին ասել են, որ Բաքվում չցուցադրի ՀՀ դրոշը. Մելիքբեկյանի հարցազրույցը CNN-ին

Քննարկվել են փոխգործակցության մի շարք հարցեր. ՀՀ ԶՈՒ ԳՇ պետն ընդունել է ԿԽՄԿ ներկայացուցիչներին

Եղեգնաձորն էլ միացավ մետաղական հանքարդյունաբերությունը մերժած համայնքներին․ ՀԲՃ

Շիրակի մարզի 3 գյուղերում ներգործության են ենթարկվել կարկտավտանգ ամպեր

Հետեւանքներ. գրական-գեղարվեստական քաղաքականություն

Խտրական մոտեցում. երբ մաքսայինը ծառայում է մաքսանենգներին

Արդեն երրորդ անգամ. ոչ մի խելացի երեխա դուրս չի մնա՞

Պերուում 8 ուժգնությամբ երկրաշարժի հետևանքով կա զոհ և 11 վիրավոր. ԱԻՆ

Կարո Փայլանը խստորեն քննադատել է թուրքական պետական հեռուստաընկերությանը

Մեքենան դուրս է եկել ճանապարհից, բախվել ծառին ու տապալել այն. 2 հոգի հիվանդանոցում են

Խնձորեսկ գյուղում ավտոմեքենան ամբողջությամբ այրվել է

«Եղեգնուտի անտառտնտեսություն»-ում բենզասղոցով հատված 17 հատ ծառ է հայտնաբերվել

Բուքմեյքերական գրասենյակները կփակվեն 1,5 տարուց, իսկ լցակայանների խաղային ավտոմատները կհանվեն 10 օրում

Արտակարգ իրավիճակ Արմավիրում. ուժեղ քամին մի քանի գյուղերում մեծ ավերածություններ է արել