Երեւանում ձյունը լիարժեք մաքրվել է, մենք դժգոհություն չենք ստացել. Արթուր Գեւորգյան

Տեղացող ձյան պայմաններում Երեւանում «Սանիթեք» ընկերությունն իրականացրել է լիարժեք ձյան մաքրման աշխատանքներ: Մեզ հետ զրույցում այս մասին հայտարարեց Երեւանի քաղաքապետարանի հասարակայնության հետ կապերի եւ տեղեկատվության վարչության պետ Արթուր Գեւորգյանը:

Վերջինս չհամաձայնեց մեր այն դիտարկմանը, որ Երեւանի կենտրոնից դուրս, մյուս համայնքներում ձնամաքրման աշխատանքներից մեծ դժգոհություններ կան:

«Այս անգամ թույլ տվեք չհամաձայնել ձեզ հետ, մենք դժգոհություն չենք ստացել, բացառում եմ նման ձեւակերպումները: Ավելին ասեմ՝ չդադարող ձյան պայմաններում մարդիկ աշխատել են 24-ժամյա ռեժիմով ու շարունակում են աշխատել»,- ընդգծեց քաղաքապետարանի աշխատակիցը:

Նա շեշտեց, որ «Սանիթեք» ընկերությունն այս տարի լրացուցիչ ձնամաքրող մեքենաներ է ներկրել ու տեխնիկայի խնդիր չի ունեցել: Հավելեց նաեւ, որ բացի «Սանիթեքի» տեխնիկան՝ օգտագործվել են նաեւ Երեւանի վարչական շրջանների կոմունալ ծառայությունների մեքենաները:

«Բոլորն էլ կհամաձայնեն, որ եթե որեւէ աշխատանք չտարվեր՝ փողոցներն իրականում կփակվեին, կլինեին անանցանելի փողոցներ»,- վստահեցրեց Գեւորգյանը:

Հարցին, թե արդյոք Երեւանի քաղաքապետարանը գոհ է Երեւանի ձնամաքրմամբ զբաղվող «Սանիթեք» ընկերության երեկվա եւ այսօր առավոտվա աշխատանքից՝ Գեւորգյանը պատասխանեց. «Հաշվի առնելով տեղացող ձյան չդադարելը, այո, իրականացվող աշխատանքը բավականին բավարար է: Ասել իդեալական՝ տեղացող ձյան պայմաններում, սխալ կլինի: Հնարավոր չէ այդպիսի պայմաններում ստանալ սեւ ասֆալտ»:

Նշենք, որ այսօր եւս Հանրապետությունում շարունակվում են տեղումները: ՀՀ տրանսպորտի, կապի եւ տեղեկատվական տեխնոլոգիաների նախարարությունից տեղեկացնում են,  որ առատ ձյան, բքի եւ անբավարար տեսանելիության պատճառով  փակ է Վարդենյաց լեռնանցքը եւ Բերդ-Ճամբարակ ճանապարհահատվածը:
Խիստ դժվարանցանելի են Ախուրյանի, Աշոցքի տարածաշրջանների ճանապարհները եւ Քեթիի, Ջաջուռի լեռնանցքները: Դժվարանցանելի են նաեւ Սեւանի, Դիլիջանի տարածաշրջանների ավտոճանապարհները եւ Սարավանի լեռնանցքը: Նոյեմբերյանի ճանապարհներին մերկասառույց է: 

Տպել
3867 դիտում

Հ. Գրիգորյանն օգտվում է քաղաքապետարանի որոշ աշխատակիցների հանցավոր հովանավորչությունից. բաց նամակ Հայկ Մարությանին

ԵՊՀ հոգաբարձուների խորհրդի առաջին նիստը, երբ գլխավոր մասնաշենքը շրջափակված չէ. Արայիկ Հարությունյան

Վանաձոր-Ալավերդի. կձեռնարկվեն միջոցներ բնակչությանը պատճառվող անհարմարությունները բացառելու ուղղությամբ

ԵՊՀ հոգաբարձուների խորհուրդը նոր նախագահ  եվ նոր քարտուղար ունի

Երեւանի պետական համալսարանը հոգաբարձուների խորհրդի նախագահ ընտրեց․ միաձայն ընտրվեց Գեւորգ Մուրադյանը

Այս տարի ՀՀ-ում կստեղծվի էլեկտրական մեքենաների լիցքավորման կայանների ցանց. կառավարություն (տեսանյութ)

Չլուծվող Կուրիլյան կղզիների խնդիրը. այսօր կհանդիպեն Վլադիմիր Պուտինը եւ Սինձո Աբեն

Գլոբալացման չորրորդ ալիքը պետք է լինի մարդակենտրոն. այսօր բացվում է Դավոսի համաժողովը

Ոստիկանները հայտնաբերել են Երևանի Ազատության պողոտայում կրակողին (տեսանյութ)

Ոստիկանները բացահայտել են «varks.am»-ի մասնաճյուղերում կատարված կողոպուտները. կասկածյալը ձերբակալվել է

«Սուրբ Գրիգոր Լուսավորիչ» ԲԿ-ն զգուշացրել է շտապօգնությանը՝ իրենց մոտ հիվանդ չտանել. տեղ չունեն

Ու՞մ է պետք փոխմարզպետի պաշտոնը, այն էլ՝ միանգամից 3-ը. Մարուքյանն առաջարկում է կրճատել փոխմարզպետների թիվը

Գորիս-Սիսիան ճանապարհին տեղ-տեղ մերկասառույց է, Վարդենյաց լեռնանցքը փակ է բեռնատարերի համար

Մեղրիի մաքսակետում կանխվել է թմրամիջոցների ներկրման հերթական փորձը

Եվրամիությունը Ռուսաստանի և Սիրիայի դեմ նոր պատժամիջոցներ է հաստատել․ «Ամերիկայի ձայն»

3 անգամ դատապարտված անձը փողոցային առեւտրի է դրդել 14-ամյա դեռահասի. Հայկ Մարության

Մոտ 3 ամսից կլինեն նոր դրոշմապիտակներ՝ ավելի ամուր կպչող, պոկվելիս էլ ավելի անվտանգ. նախարար

Մաղթում եմ ձեզ թավշյա հեղափոխություն` ձեր իսկ բարօրության համար. Մարուքյանը` ադրբեջանցիներին (տեսանյութ)

Խոշոր վթար Արմավիր-Սարդարապատ ճանապարհին. կան տուժածներ, 2 զոհ

Երբ Ղարաբաղի խնդիրը լուծված չէ, հնարավոր չէ կայունություն Կովկասում և հայ-թուրքական հարաբերություններում. Չավուշօղլու