«Պոբեդան» եկավ. 7,5 հազար դրամանոց տոմսերը 25-ն էին. լուսանկարներ

Այսօր՝ դեկտեմբերի 15-ին, Գյումրու «Շիրակ» օդանավակայանից առաջին թռիչքը դեպի Մոսկվայի «Վնուկովո» միջազգային օդանավակայան իրականացրեց «Պոբեդա» բյուջետային ավիաընկերությունը:

Դեռ ամիսներ առաջ հանրությանը ցնցել էր այն տեղեկությունը, որ Գյումրիից Մոսկվա եւ հակառակ ուղղությամբ չվերթները լինելու են 7.300 դրամով: Այսօր 7.300 դրամ ուղեվճարով, բայց առանց ուղեբեռի Մոսկվա մեկնեց միայն 25 քաղաքացի:

«Մենք բարեգործությամբ չենք զբաղվում: Մեր նպատակը եկամուտ ստանալն է: Բոլորին չենք կարող 7.300 դրամով տեղափոխել Մոսկվա», «Շիրակ» օդանավակայանում մամուլի ասուլիսի ժամանակ ասաց «Պոբեդա» ավիաընկերության տնօրեն Անդրեյ Կալմիկովը:

ՌԴ պետական «Աէրոֆլոտի» մաս կազմող «լոուքոստեր» «Պոբեդա» ավիաընկերության՝ Գյումրի ժամանած ինքնաթիռը նախատեսված է 180 ուղեւորի համար:

Այսօր «Պոբեդայի» ինքնաթիռը Գյումրիում վայրէջք կատարեց 89 ուղեւորով: Ընկերության հայաստանյան ներկայացուցիչների խոսքով՝ առաջին չվերթի համար վաճառքի հանված տոմսերից իրացվել է միայն 160-ը (երկկողմանի): Ըստ վաճառված տոմսերի թվաքանակի` Գյումրիից Մոսկվա էր մեկնելու 88 քաղաքացի, սակայն եղանակային անբարենպաստ պայմանների պատճառով 16-ը հնարավորություն  չունեցան օդանավ բարձրանալ: Նրանցից մի քանիսը օդանավակայան ժամանեց, երբ ավարտվել էր գրանցման ժամանակը:

«Մենք եկել ենք Տաշիր քաղաքից: Ճանապարհները փակ են, մեր մեքենաները թաղված են մնացել ձյան մեջ: Մենք մի կերպ եկանք, բայց էլի կային գալացողներ, որ չկարողացան»,- պատմեցին թռիչքից ուշացած քաղաքացիները:

Armtimes.com-ի հետ կապ էին հաստատել նաեւ Լոռու մարզի Շահալի համայնքի երկու բնակիչ, ովքեր ձնաբքի պատճառով չէին կարողացել հաղթահարել Շիրակի մարզի Ջաջուռի դժվարանցանելի ճանապարհները եւ ուշացել էին թռիչքից: Ուշացած ուղեւորները մեզ հետ զրույցում ասացին, որ իրենց տոմսերը երկուսն են եղել, որոնք ձեռք են բերել յուրաքանչյուրը 12 հազար դրամով: «Պոբեդայի աշխատողները իմացան, որ ճանապարհների պատճառով են ուշացել, բայց մեզ չթողեցին նստել ինքնաթիռ: Շատ կոպիտ ասացին, որ ուշացել ենք: Երբ փոխհատուցում պահանջեցինք, չտվեցին, ասեցին՝ մենք նման բան չունենք»,- բարկացած պատմեցին վանաձորցիները:

Նշենք, որ յուրաքանչյուր չվերթի համար ամենաէժան՝ 7300 դրամ արժեցող ավիատոմսերի քանակը լինելու է 20-ից 25 հատ: Մնացած տոմսերը վաճառվելու են մինչեւ 60 հազար ՀՀ դրամով:

Այս պահի դրությամբ «Պոբեդա» ավիաընկերության պաշտոնական կայքում մինչեւ փետրվարի 1-ը գոյություն չունի 7300 դրամ արժեք ունեցող ավիատոմս:

«Նորմալ է, կոմերցիոն քաղաքականություն է: Էժան տոմսերը պետք է ձեռք բերել մի քանի ամիս շուտ»,- ասում է Անդրեյ Կալմիկովը:

Կալմիկովն անդրադառնալով «Արմենիա» ավիաընկերության այն հայտարարությանը, թե «Պոբեդան» իր առջեւ խնդիր է դրել սնանկացնել մյուս ընկերություններին, նշեց.

 «Մենք «Արմենիային» մեզ մրցակից չենք համարում: «Պոբեդան» արդեն 46 ուղղությունով թռիչքներ է իրականացնում: Մտադրություն չունենք որեւէ մեկի աշխատանքն ընդհատել»,- ասաց Կալմիկովը:

Տպել
6747 դիտում

Լյուքսեմբուրգի վարչապետը շնորհավորական ուղերձ է հղել Նիկոլ Փաշինյանին

Վստրեչի Ապերի նկատմամբ քրեական հետապնդումը դադարեցվեց եւ քրեական գործը կարճվեց

Ասք ճշմարտաց. ՀՀԿ-ի մասով կա՛մ լավ, կա՛մ ոչինչ

Մի հատ ինձ նայեք, ես ճնշում գործադրող մարդ կարո՞ղ եմ լինել. Արմեն Գեւորգյանը՝ ՍԴ նախկին դատավորին ճնշելու մասին

Հակահիգիենա. պարտակում են կեղտոտ սպիտակեղենը

Սենատում տապալվեց Թրամփի որոշումն արգելափակող օրինագիծը․ Արմենալի վրա ճնշումը կթուլանա

Պետական պարգեւներ. ոմանք մնացին ձեռնունայն

ՀՀ-ն հետ է կանչել իր ներկայացուցչին Ֆրանկոֆոնիայի մշտական խորհրդից եւ գործուղել ՄԱԿ․ նախագահի հրամանագրերը

Սուր բանավեճ Էդմոն Մարուքյանի եւ Ալեն Սիմոնյանի միջեւ

Ովքեր են բացակայում Ազգային ժողովի նիստից. ցանկում նաեւ ամենաերիտասարդ պատգամավորն է

Զինծառայողը խախտել է զենքի հետ վարվելու կանոնները եւ վիրավորել ծառայակցին․ մեղադրանք է առաջադրվել

Վարչապետ Նիկոլ Փաշինյանը ցավակցական հեռագիր է հղել Վրաստանի վարչապետ Մամուկա Բախտաձեին

Հայկական արվեստն անպայման պետք է ներկայացված լինի այստեղ. Սարգսյանն այցելել է Աբու Դաբիի Լուվր թանգարան

Քրեական հեղինակություն Վստրեչի Ապերի վերաբերյալ գործը կքննվի դռնփակ

Հարցազրույց տալու համար ծեծի ենթարկվեց, հետապնդվեց ու աշխատանքից ազատվեց. 30 տարվա աշխատողը զրկվում է Գառնիի խանութից

Պատանի հանդիսատեսի տնօրենի ԺՊ-ն լծվել է աշխատանքի. թատրոնի վերջին հիմնանորոգումն իրականացրել է Լինսի հիմնադրամը

Գործող չեմպիոն Կուսրովան լքել է ՀՀ շախմատի առաջնությունը վատառողջ լինելու պատճառով

Ծնողներն ամաչում են բարձրաձայնել, որ երեխան շաքարային դիաբետ ունի, երեխաներն էլ մտածում են, որ մեղավոր են

Մեծացել է ողնաշարի խնդիրներով, ալերգիայով, տեսողության խնդիրներով զորակոչիկների թիվը. Հովհաննիսյան

Առաջիկա տարիներին ԵՄ-ն ու ՀԲ-ն Հայաստանին կհատկացնեն ավելի քան 700 միլիոն եվրո